Բրիտանական ընկերությունն արտադրել է բութ ծայրով դանակներ՝ սառը զենքով հանցագործությունների աճի պատճառով

12 ամիսների ընթացքում Մեծ Բրիտանիայում գրանցվել է 44 հազար հարձակում՝ դանակի կամ այլ սառը զենքի գործադրմամբ: Իշխանությունները խոհանոցային դանակները նույնպես դասել են հարձակողական զենքերի շարքին:

Նորություններ

# Արտադրություն

# Դանակներ

# Մեծ Բրիտանիա

# Սառը զենքեր

Viners ընկերության արտադրած դանակը / ©The Independent / Автор: неизвестен, фото предоставлено пользователем

Խոհանոցային պարագաներ արտադրող Viners բրիտանական ընկերությունը թողարկել է բութ ծայրով դանակների հավաքածու: Այդպիսի դիզայնի անհրաժեշտությունն ընկերությունը բացատրել է սառը զենքով իրականացվող հանցագործությունների քանակի աճով:

Սառը զենքի կիրառմամբ հարձակումների քանակի պատճառով բրիտանական իշխանությունները խոհանոցային դանակները դասակարգել են հարձակողական զենքերի շարքին: Այդ պատճառով արտադրողների մի մասը դադարեցրել է դանակների վաճառքը: Սրանով պայմանավորված՝ ընկերությունը մշակել է դանակների հավաքածու, որը պահպանում է իր նշանակությունը խոհարարների համար և անվտանգ կլինի օգտագործման մեջ:

Assure collection դանակների հավաքածու / ©Viners

Դանակների հավաքածուն ստացել է Assure collection անվանումը: Նրա մշակման գործընթացում ընկերությունը խորհրդակցել է 1700 օգտագործողների հետ: Դանակները պատրաստված են դասական չժանգոտվող պողպատից: 4 դանակից բաղկացած հավաքածուն վաճառվում է 15,99 ֆունտ ստեռլինգով (մոտ 10 հազար դրամ): Առանձին դանակները հնարավոր է գնել 3,99 կամ 5,99 ֆունտով:

2019թ. հոկտեմբերին բրիտանական ոստիկանությունը հաղորդել է 12 ամիսների ընթացքում դանակով կամ այլ սառը զենքով հարձակման 44 հազար դեպքի մասին: Այն 7%-ով ավելի բարձր է 2018թ.-ի համեմատ և առավելագույն ցուցանիշն է՝ սկսած 2011թ.-ից:

Нашли опечатку? Выделите фрагмент и нажмите Ctrl + Enter.