Նախարար Թորոսյանը կոչ է արել խուճապ չառաջացնել. տեսնենք, թե ինչքանով է նրա կոչն արդարացված. (upd.) — Շեշտ.am (shesht.am)
20 րոպե
Խմբագրություն

Նախարար Թորոսյանը կոչ է արել խուճապ չառաջացնել. տեսնենք, թե ինչքանով է նրա կոչն արդարացված. (upd.)

Առողջապահության ոլորտի ներկայացուցիչները սառնասրտորեն են վերաբերվում կորոնավիրուսից մահացություններին ու վարակի տարածմանը, մինչդեռ օգտատերերը տագնապալից կերպով պահանջում են փակել հայ-իրանական սահմանը: Համեմատենք մասնագիտական տեղեկությունները և առկա իրավիճակը:

Ուժեղացված հսկողություն՝ Մեղրիի անցակետում / ©HLIB

ՀՀ Առողջապահության նախարար Արսեն Թորոսյանն իր ֆեյսբուքյան էջում ուղիղ եթերով զրուցել է օգտատերերի հետ՝ անդրադառնալով Covid-19 կորոնավիրուսի հետ կապված առանձնահատկություններին և Հայաստան ներթափանցման անհանգստությանը:

Նախարարը, ինչպես ինքն է նշել, փորձել է մասնագիտորեն ներկայացնել խնդրի էությունը: Փորձենք հասկանալ, թե որքանով են Թորոսյանի հայտնած մտքերը մասնագիտական. հիմնական շեշտադրումներն ուղիղ եթերում վերաբերում էին վիրուսի վտանգավորությանը և Հայաստան-Իրան սահմանի փակման հարցին:

Նոր կորոնավիրուսի մասին

Опубликовано Arsen Torosyan Суббота, 22 февраля 2020 г.

Ի՞նչ է կորոնավիրուսը

Նախարարի խոսքով

Արսեն Թորոսյանի խոսքով՝ կորոնավիրուսները վիրուսների մեծ ընտանիք են, որոնք հանդիպում են թե մարդկանց, թե կենդանիների մոտ: Վերջին 20 տարվա ընթացքում ևս 2 նման բռնկում է տեղի ունեցել: Նախարարը հիշեցրել է 2002-2003թթ. Չինաստանի SARS համաճարակը և 2012թ. բռնկված MERS-ը:

Նախարարի խոսքով՝ SARS-ի սկզբնաղբյուրը կատուներն են համարվում, իսկ MERS-ինը՝ ուղտերը: Covid-19-ի համար, ըստ նախարարի, դեռևս հիմնական «մեղավորը» հայտնի չէ. քննարկվող տարբերակներն են չղջիկներն ու օձերը:

Հայտնի տեղեկություններ

SARS (Severe acute respiratory syndrome) — այս հիվանդությունը նույնպես կորոնավիրուսի բռնկում է: 2002թ. Չինաստանում բռնկված վիրուսով ընդհանուր առմամբ վարակվել է 8437 մարդ, մահացել են 813-ը (մահացությունը՝ 9%): Այս վիրուսի դեպքում նույնպես հիմնական զոհը տարեցներն են եղել:

Սակայն նախարարի համեմատությունն այս և նոր տեսակի կորոնավիրուսների միջև այնքան էլ տեղին չէ, քանի որ Covid-19-ը ընդամենը 2 ամսվա ընթացքում խլել է 2,5 հազար մարդու կյանք, վարակված են շուրջ 77 հազարը: Թեև մահացածությունը 1-4% է, սակայն տարածվածության առումով սա ավելի վտանգավոր բնույթ է կրում:

MERS (Middle East respiratory syndrome) — Այս համաճարակը բռնկվել է 2012թ. Սաուդյան Արաբիայում: 2019թ. վերջի և 2020թ. սկզբի դրությամբ այս հիվանդությամբ վարակվածների թիվը շուրջ 2500 է, մահացածներինը՝ մոտ 900: Մահացության հավանականությունը՝ 40-50%: MERS-CoV-ի համար պատվաստանյութի վերջնական տարբերակը դեռ հաստատված չէ. դրանով մարդիկ դեռ շարունակում են վարակվել:

Ինչպես SARS-ի դեպքում, MERS-ը նույնպես իր տարածվածությամբ տարբերվել է Covid-19-ից: Թեև վերջինս հիմնականում Չինաստանում է տարածվում, սակայն երկու ամսվա ընթացքում մահացության ցուցանիշով գերազանցել է նախորդներին: Ուստի նախարարի համեմատությունն այստեղ ևս որոշակի առումով մեղմացված է:

Նախարարի խոսքով

Կորոնավիրուսներն, ըստ նախարարի, կարող են առաջացնել ինչպես սովորական մրսածություն, այնպես էլ ծանր հիվանդություններ՝ թոքաբորբ, այլ օրգանների ախտահարում և այլն:

Նախարարը զուգահեռներ է անցկացրել գրիպի վիրուսի հետ: Նա նշել է, որ ինչպես սովորական գրիպի, այնպես էլ կորոնավիրուսի դեպքում հիմնական թիրախը տարեցներն են, խրոնիկ հիվանդություններ և թույլ իմունիտետ ունեցողները: Նախարարն ընդգծել է սովորական գրիպի վտանգավորությունը. դրանից տարեկան կես միլիոն մարդ է մահանում աշխարհում:

Արսեն Թորոսյանը նշել է նաև տարբերությունը. ի տարբերություն նոր տեսակի կորոնավիրուսի՝ սովորական գրիպն ունի պատվաստանյութեր, որոնցով պատվաստվելու դեպքում վարակվելու հավանականությունը չնչին է: Նոր վիրուսի համար պատվաստանյութը չեռ չկա: Նախարարն այստեղ ուշադրություն է հրավիրել այն բանի վրա, որ կորոնավիրուսն ավելի վտանգավոր չէ, քան գրիպի դեմ պատվաստված չլինելը: Նրա խոսքով՝ նոր տեսակի կորոնավիրուսի համաճարակն այն վտանգավորությունը չունի, որի պատճառով պետք է խուճապ սկսվի:

Որքանո՞վ է անհանգստությունն անտեղի

Հատկապես Ֆեյսբուքում այս օրերին բուռն քննարկվում է կորոնավիրուսի թեման. մարդիկ անհանգստացած են, որ այն կհասնի նաև իրենց: Նախարարը թեև վիճակագրության հիման վրա կոչ է անում խուճապի չմատնվել, բայց, հաշվի առնելով, որ այդ վիճակագրությունում մարդկային կյանքեր են, ապա պետք է մտահոգվել գեթ մեկ մահվան դեպքով՝ փորձելով կանխել նույնիսկ մեկ մահը:

Բացի այդ, ինչպես նախարարն է նշում, գրիպի դեմ պատվաստանյութն առկա է, և խիստ անհրաժեշտության դեպքում հնարավոր է կանխել դրա վտանգը, մինչդեռ նոր տեսակի կորոնավիրուսի դեպքում նույնիսկ հայտնաբերելն է դժվար, իսկ պատվաստանյութն, ըստ մասնագետների, մի քանի ամիս կարող է դեռ չլինել:

Նախարար. «Մահացությունը ցածր է»

Թորոսյանի խոսքով՝ Covid-19-ի դեպքում մահանալու հավանականությունը 1-4% է: Նրա վստահեցմամբ՝ սովորական գրիպի դեպքում այդ ցուցանիշն ավելի բարձր է: Նախարարը նշել է նաև փոխանցման-տարածման ճանապարները, որոնք նույնական են նաև գրիպի համար. հիմնականում օդակաթիլային և շփման միջոցներն են: Պաշտպանվելու միջոցը նույնպես նույնն է՝ հիգիենա, լվացվել, բերանը փակել, չկուտակվել, խուսափել շփումներից հիվանդի հետ, օդափոխել տարածքը:

Նախարարը որպես խնդիր է ներկայացրել չարտահայտվող դեպքերում (երբ ախտանիշներ չկան, բայց մարդը վարակված է) վիրուսի հայտնաբերումը, երբ այն փոխանցվում է՝ առանց փոխանցողի մոտ դրսևորվելու: Նախարարն ընդգծել է, որ ծանր հետևանքներն արտահայտվում են միայն փոքր թվով վարակվածների մոտ, ուստի ամբողջ հասարակությանը միաժամանակ սքրինինգ անելու կարիք չկա, առավել ևս՝ հնարավորություն:

Թանկ է նույնիսկ մեկ կյանքը

Չթերագնահատելով նախարար Արսեն Թորոսյանի մասնագիտական գիտելիքները՝ նշենք միայն, որ հասարակությունն առավել տաքարյուն է արձագանքում վտանգներին, մինչդեռ, ինչպես նկատած կլինենք հիվանդանոց այցելելիս, բժիշկներն ավելի սառնասրտորեն են վերաբերվում հիվանդությանն ու մահվանը: Դա բնական է այդ ոլորտի մասնագետների համար, սակայն հանրությանը «մահերը քիչ են, 100 հիվանդի դեպքում ընդամենը 1-4 մահը նոռմալ է» արտահայտությունը կարող է ավելի շատ գրգռել:

Հաջորդ խնդիրը թույլ իմունիտետ և խրոնիկ հիվանդություններ ունեցողներին սպառնացող վտանգն է. Հայաստանում այդպիսիք քիչ չեն՝ անկախ պատճառներից: Նշենք նաև, որ եթե գրիպի դեպքում ինկուբացիոն շրջանը 7-15 օր է, ապա Covid-19-ի դեպքում՝ առնվազն 14 օր:

Ինչպե՞ս պայքարել կորոնավիրուսի տարածման դեմ՝ ըստ Թորոսյանի

Նախարարը նշել է, որ կորոնավիրուսի դեմ պայքարում մարդկանց տեղաշարժի սահմանափակումն «աշխատող» միջոց չէ: Նրա խոսքով՝ հնարավոր չէ, որ բոլոր պետությունները փակեն իրենց սահմանները: Առողջապահության համաշխարհային կազմակերպությունն, ըստ նախարարի, կոչ է արել ոչ թե փակել մուտքը, այլ՝ ելքը. վարակված տարածքից թույլ չտալ մարդկանց ելքն այլ տարածքներ՝ հաշվի առնելով նաև ինկուբացիոն շրջանը: Վերջինս, ինչպես նշեցինք, առնվազն 2 շաբաթ է:

Նախարարն անդրադարձել է Իրանի հետ սահմանը փակելու պահանջին՝ նշելով, որ եթե Իրանում վարակվածների թիվը մոտ 3 տասնյակ է, ապա Իտալիայում 70-ից ավել են, այլ երկրներում ևս մեծ թվով վարակվածներ կան, ուստի ամբողջ ուղևորահոսքն աշխարհի առաջ փակելը խելամիտ չէ: Սակայն, ըստ նախարարի, այսօր և վաղը քննարկվելու է սահմանները փակելու հարցը, ինչպես դա արվել է Չինաստանի դեպքում:

Թորոսյանը նշել է, որ ճիշտ լուծումն ունենալու նպատակով պատրաստվում է քննարկումներ ունենալ ինչպես համաճարակաբանների, այնպես էլ արտաքին գործերի գերատեսչության, դեսպանատների հետ: Վերջում նախարարը կոչ է արել հետևել միայն պաշտոնական հաղորդագրություններին և չտրվել խուպային հայտարարություններին:

Փակե՞լ սահմանը, թե՞` ոչ

Այս նյութը պատրաստելու ընթացքում ստացվեցին տեղեկություններ, որ Իրանում ևս 2 մահվան դեպք է գրանցվել: Վարակվածների թիվը նշվում է 43: Կարանտինի մեջ է 785 մարդ: Տեղեկություններ են պտտվում, թե իրականում վարակվածների թիվն ավելի մեծ է. հաշվի առնելով մահացության ցուցանիշը՝ այդ թիվը պետք է որ լինի 600-ից ավելի:

Իրանի հետ սահմանն արդեն փակել են Թուրքիան, Թուրքմենստանը, Աֆղանստանը, Քուվեյթը, Սաուդյան Արաբիան, Իրաքը: Վրաստանն ու Հայաստանն իրենց քաղաքացիներին կոչ են արել հնարավորության դեպքում խուսափել Իրան մեկնելուց: Իրանում ՀՀ հյուպատոսարանը սահմանափակել է գործառույթները:

❗️Ի պատասխան քաղաքացիների կողմից արված մի շարք հարցադրումների՝ կապված դեսպանության աշխատանքի հետ, հայտնում ենք, որ…

Опубликовано Embassy of Armenia in Iran / Իրանում ՀՀ դեսպանություն Воскресенье, 23 февраля 2020 г.

ԱԺ Առողջապահության և սոցիալական հարցերի հանձնաժողովի նախագահ Նարեկ Զեյնալյանը հայտնել է, որ Մեղրիի սահմանային անցակետի փակման հարցն օրակարգում է:

Վերջին օրերին FB-ում ակտիվ քննարկում է ծավալվում Իրանում հայտնաբերված կորոնավիրուսով ախտահարման և մահվան դեպքերի…

Опубликовано Նարեկ Զեյնալյան / Narek Zeynalyan Воскресенье, 23 февраля 2020 г.

Ի հեճուկս բազմաթիվ օգտատերերի պահանջի, որոնց թվում են նաև քաղաքական ու հասարակական գործիչներ, Իրանի հետ սահմանը դեռ փակ չէ: Ավելին՝ հարավային անցակետ է գործուղվել մասնագետների խումբը, որն ուսումնասիրելու է Հայաստան ժամանողներին:

Բարձրաձայնվող հիմնական խնդիրն այն է, որ ժամանողների մոտ վիրուսի հայտնաբերումը հենց սահմանակետում քիչ հավանական է՝ հաշվի առնելով ինկուբացիոն շրջանը: Վրաստանում, օրինակ, Իրանից ժամանած քաղաքացիներ կան, ովքեր հոսպիտալացվել են կորոնավիրուսի կասկածանքով:

Ներկայումս Մեղրիի անցակետում ուժեղացված հսկողություն է իրականացվում: Չինաստանից ժամանողները հասցեական քարտ են լրացնում, որից հետո բժիշկներն այցելում են նրանց բնակության/գտնվելու վայր և դիտարկում կատարում՝ 14 օր պահելով հսկողության ներքո: Մինչ օրս 83 պացիենտ է անցել լաբորատոր հետազոտություն, որոնց մոտ կորոնավիրուս չի հայտնաբերվել:

Կորոնավիրուսին առնչվող հարցերի շուրջ

Կորոնավիրուսի ներթափանցման կանխարգելում, ԱԱՏՄ սահմանային բժշկասանիտարական հսկիչ կետերի ուժեղացված աշխատանքից մինչեւ թեստերով ապահովում։ Ովքե՞ր են մեկուսացվում սահմանին, ո՞ւր են հոսպիտալացվում։ Ո՞ր ԲԿ-ին է կցված Մեղրիի սահմանային բժշկասանիտարական հսկիչ կետը։ Ի՞նչ թվեր կան այս առումով ՀՀ-ում։ Իրանի հետ ու մյուս սահմաններին ինչ աշխատանք է տարվում։ Ինչպիսի՞ տեղեկատվությամբ են փոխանակվում պետական կառույցները։Սպառիչ պատասխան՝ մտահոգիչ հարցերին։#ԱԱՏՄ#Առողջապահական_եւ_աշխատանքի_տեսչական_մարմնի_Զվարթնոց_միջազգային_օդանավակայանի_սահմանային_բժշկասանիտարական_հսկիչ_կետ

Опубликовано ՀՀ առողջապահական և աշխատանքի տեսչական մարմին/HLIB.am Воскресенье, 23 февраля 2020 г.

Ընդհանրացնելով նշենք, որ այս պահի դրությամբ սահմանը փակելու անհրաժեշտություն ոլորտի ներկայացուցիչները չեն տեսնում:

Կորոնավիրուսի թեստեր կան

Ֆեյսբուքում ակտիվորեն քննարկվում էր այն հարցը, թե արդյո՞ք առողջապահական գերատեսչությունն ունի համապատասխան միջոցները՝ նոր տեսակի կորոնավիրուսի հայտնաբերման համար:

Ոլորտի ներկայացուցիչները նշել են, որ կորոնավիրուսի հայտնաբերման թեստեր Հայաստանում առկա են. ներկայումս շուրջ 500-ն են, ևս 200-ը սպասվում է առաջիկայում, այնուհետև համալրման գործընթացը, ինչպես նշում են, շարունակվելու է:

ԹարմացվածՀՀ առողջապահական եւ աշխատանքի տեսչական մարմնի ղեկավար Հակոբ Ավագյանի հանձնարարությամբ աշխատանքային խումբ է…

Опубликовано ՀՀ առողջապահական և աշխատանքի տեսչական մարմին/HLIB.am Суббота, 22 февраля 2020 г.

Առողջապահական ոլորտի ներկայացուցիչները վստահեցնում են, որ Հայաստանում բոլոր անհրաժեշտ պայմաններն առկա են՝ նոր տեսակի կորոնավիրուսը հայտնաբերելու և չեզոքացնելու համար:

UPD. Նիկոլ Փաշինյանը հայտարարել է, որ Կառավարության արտահերթ հեռակա որոշմամբ հայ-իրանական պետական սահմանը 2 շաբաթով փակ կլինի:

Սիրելի հայրենակիցներ,Հիմնվելով ՀՀ Պետական սահմանի մասին օրենքի 16-րդ հոդվածի վրա, որը վերաբերում է վարակիչ…

Опубликовано Nikol Pashinyan / Նիկոլ Փաշինյան Воскресенье, 23 февраля 2020 г.

Վարչապետը նույնպես կոչ է արել խուճապային տրամադրություններ չտարածել:

Ամենաընթերցվածը

13 րոպե
Խմբագրություն

Տեղեկություն էր տարածվել, որ ՀՀ Քաղավիացիայի կոմիտեն լիցենզիայից զրկվել է: Կառույցը պաշտոնապես հերքեց այդ տեղեկությունը, պարզաբանում ներկայացրեց նաև Տաթևիկ Ռևազյանը, սակայն մատնանշվող զեկույցը դեռևս չի հրապարակվել, ինչը կասկածների տեղիք է տալիս:

3 րոպե
Խմբագրություն

Փաստացի բուժում է ստանում 758 պացիենտ: Առողջացել է 57 մարդ, մահացել են 7-ը:

3 րոպե
Խմբագրություն

Մահվան նոր դեպք է գրանցվել: Առողջացել է 5 մարդ, վարակվածների թիվը հասել է 833-ի:

2 րոպե
Խմբագրություն

Համացանցում հայտնվել են տարբեր խորհուրդներ, տեսանյութեր՝ տան պայմաններում ձեռքի տակ եղած միջոցներով դիմակ պատրաստելու վերաբերյալ: Ներկայացնենք դրանցից մի քանիսը:

13 րոպե
Խմբագրություն

Տեղեկություն էր տարածվել, որ ՀՀ Քաղավիացիայի կոմիտեն լիցենզիայից զրկվել է: Կառույցը պաշտոնապես հերքեց այդ տեղեկությունը, պարզաբանում ներկայացրեց նաև Տաթևիկ Ռևազյանը, սակայն մատնանշվող զեկույցը դեռևս չի հրապարակվել, ինչը կասկածների տեղիք է տալիս:

4 րոպե
Խմբագրություն

Առողջապահության նախարարության մամուլի քարտուղար Ալինա Նիկողոսյանի հաղորդմամբ՝ 23-ը գտնվել է կարանտինում, 24-ը հաստատված դեպքի կոնտակտավոր է: 3 դեպքի շփման շրջանակը պարզվում է:

4 րոպե
Խմբագրություն

Հնարավորինս սեղմորեն ներկայացվում է «Արտակարգ դրության» ռեժիմի առանձնահատկություններ, որոնք պետք է իմանանք բոլորս:

11 րոպե
Խմբագրություն

Իտալիայում բնակվող ռուս աղջիկը նախազգուշացրել է մոտալուտ վտանգի մասին: Մենք նրա գրառումը թարգմանել ենք ձեզ համար:

2 րոպե
Խմբագրություն

Համացանցում հայտնվել են տարբեր խորհուրդներ, տեսանյութեր՝ տան պայմաններում ձեռքի տակ եղած միջոցներով դիմակ պատրաստելու վերաբերյալ: Ներկայացնենք դրանցից մի քանիսը:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.