Հայաստանում կորոնավիրուսով վարակված երեխայի մոտ առաջին անգամ Կավասակի հիվանդություն է ախտորոշվել
Նախարարը նշել է, որ, հաշվի առնելով միջազգային վիճակագրությունը, կանխավ պահեստավորվել է հատուկ այդ հիվանդության բուժման համար նախատեսված իմունոգլոբուլինային շատ թանկարժեք դեղորայք:
Առողջապահության նախարար Արսեն Թորոսյանն իր ֆեյսբուքյան էջում հայտարարել է, որ կորոնավիրուսով վարակված 4 տարեկան երեխայի մոտ Կավասակի հիվանդություն է հայտնաբերվել: Երեխայի վիճակը բժիշկները գնահատում են միջին ծանրության: Հայաստանում նախկինում Կավասակի հիվանդության 3 դեպք է գրանցվել, սակայն կորոնավիրուսով վարակվածության պարագայում սա առաջինն է:
Թորոսյանը հայտնել է, որ վերջին շրջանում տարբեր երկրներում նկատվել է երեխաների հիվանդացության աճ, որը որոշ հետազոտողներ կապել են կորոնավիրուսի հետ: Կավասակի հիվանդության պատճառագիտությունը, նախարարի հաղորդմամբ, ամբողջությամբ հայտնի չէ, սակայն այն հիմնականում կապվում է վարակիչ հիվանդությունների դեպքում դրդվող աուտոիմունային պատասխանի հետ:
Կավասակի հիվանդությունը հիմնականում հանդիպում է մինչև 5 տարեկան երեխաների մոտ. գրանցված դեպքերի շուրջ 80%-ը հանդիպել է հենց այդ տարիքային խմբի մոտ: Թեև ավելի բարձր տարիքի մարդկանց մոտ նույնպես արձանագրվել է, սակայն՝ ավելի քիչ:
Նախարար Արսեն Թորոսյանը դեռևս մայիսի 21-ին էր անդրադարձել այս հիվանդությանը՝ նշելով, որ տեղյակ են Ֆրանսիայում, Նյու Յորքում և Իտալիայի հյուսիսային հատվածում Կավասակի հիվանդության տարածվածության մասին և արդեն միջոցներ են ձեռնարկում՝ Հայաստանում նման դեպքեր արձանագրվելու պարագայում համապատասխան միջոցառումներ իրականացնելու համար:
Թորոսյանը նշել էր, որ երկրում առկա է դեղորայքի անհրաժեշտ պաշար՝ կանխատեսումների համաձայն համապատասխան բուժում ցուցաբերելու համար: Նախարարի խոսքով՝ թեև երեխաները կորոնավիրուսն առավել թեթև են տանում, սակայն կողմնակի հետևանքները բացառված չեն, ուստի հորդորել էր ամեն դեպքում զգուշություն ցուցաբերել:
Telegram 
Facebook 
Google News Tesla-ն ներկայացրել է նոր սերնդի Roadster-ը, որը կարողանում է կարճ ժամանակով օդ բարձրանալ, պտույտ կատարել և վայրէջք կատարել անիվների վրա։ Ընկերության հայտարարությամբ՝ մեքենան 0-ից մինչև 97 կմ/ժ արագացել է 0,81 վայրկյանում, իսկ արտադրությունը նախատեսվում է սկսել 2028-ին։
Ֆիզիկոսների տեսական հաշվարկները ցույց են տվել, որ լույսի քվանտային տատանումները կարող են փոխել ատոմներից արձակվող էլեկտրոնների ազդանշանը։ Այդ փոփոխությունը չափման մեջ կարող է երևալ որպես մի քանի տասնյակ ատտովայրկյանի լրացուցիչ ուշացում՝ լույսի հատկությունները հետազոտելու նոր հնարավորություն տալով։
Միկրոպլաստիկի մասնիկները ջրում կարող են ինքնաբերաբար առաջացնել թթվածնի ակտիվ ձևեր, այդ թվում՝ հիդրօքսիլ ռադիկալներ։ Նոր լաբորատոր հետազոտությունը բացահայտում է հնարավոր մեխանիզմ, որով պլաստիկի մանր մասնիկները կարող են վնասել կենսաբանական մոլեկուլներն ու բջիջները։
Հայաստանի առողջապահության նախարարությունը պայմանական թույլտվություն է տվել ամերիկյան Agenus ընկերության Botvymo և Evamplix դեղամիջոցների համատեղ կիրառմանը՝ աղիների քաղցկեղի որոշակի տեսակի բուժման համար։ Ընկերության հաղորդմամբ՝ սա երկու դեղամիջոցների առաջին պաշտոնական գրանցումն է աշխարհում։
Գիտնականներն ուսումնասիրել են Սուրբ Հեղինե կղզում ապրող Ջոնաթան հսկա կրիայի գենոմն ու գեների ակտիվությունը կարգավորող քիմիական նշումները։ Ըստ գնահատականների՝ 194 տարեկան կենդանու մոտ հայտնաբերված որոշ առանձնահատկություններ կարող են առնչվել նրա երկարակեցությանը, սակայն այդ կապը դեռ ապացուցված չէ։
Tesla-ն ներկայացրել է նոր սերնդի Roadster-ը, որը կարողանում է կարճ ժամանակով օդ բարձրանալ, պտույտ կատարել և վայրէջք կատարել անիվների վրա։ Ընկերության հայտարարությամբ՝ մեքենան 0-ից մինչև 97 կմ/ժ արագացել է 0,81 վայրկյանում, իսկ արտադրությունը նախատեսվում է սկսել 2028-ին։
Wildberries-ը Հայաստանում գործարկել է WB Taxi տաքսի ծառայությունը։ Առաջին փուլում ծառայությունը վաղ հասանելիության ռեժիմով աշխատում է Երևանում և հասանելի է ընկերության աշխատակիցների ու գործընկերների համար, սակայն նախատեսվում է աստիճանաբար ընդլայնել օգտատերերի շրջանակը։
Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։
Մի ինքնաթիռի հետևում երկար սպիտակ գիծ է ձգվում, իսկ մյուսի հետևում երկինքը մնում է պարզ։ Այս տարբերությունը պայմանավորված է օդի վիճակով և շարժիչների աշխատանքով, ոչ թե ինքնին ապացուցում է «թունավոր նյութերի ցրում»։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները