Մերձավոր Արևելքի 2030թ. քարտեզը` ըստ Ժիրինովսկու
Պակիստանն ու Աֆղանստանը կմիավորվեն Պուշտունիստան պետության մեջ: Իրանը կկործանվի. նրա տարածքում կառաջանան իրանական Ադրբեջան, Պարսկաստան, Թուրքմենստան և Բելուջիստան պետությունները: Թուրքիան կմասնատվի. Քուրդիստանը Դիարբեքիր մայրաքաղաքով կանկախանա, Հայաստանին կվերադարձվեն արևմտյան տարածքները, Հունաստանը կազատագրի Կիպրոսը և այլն:
Ռուսաստանի Լիբերալ-դեմոկրատական կուսակցության առաջնորդ Վլադիմիր Ժիրինովսկին համոզմունք է հայտնել, որ մինչև 2030թ. Մերձավոր Արևելքի քարտեզն էական փոփոխություններ կկրի:
Նրա խոսքով` Պակիստանն ու Աֆղանստանը կմիավորվեն, և կառաջանա Պուշտունիստան պետությունը: Մյուս բոլոր` ոչ պուշտունական ժողովուրդները դուրս կմղվեն դեպի Միջին Ասիա` Արևմուտք գաղթելու: Աֆղանական խարազները հարկադրված կլինեն փախչել դեպի Իրան, որտեղ իրենց կրոնակից շիաներն են:
Սակայն Իրանը, ռուս պատգամավորի կարծիքով, կործանվելու է: Հակաիրանական ուժերը կփորձեն նրա տարածքում ստեղծել իրանական Ադրբեջան, Պարսկաստան, Թուրքմենստան և Բելուջիստան: Երկրի մասնատման հետևանքով մեծ թվով փախստականներ կշարժվեն դեպի Կովկաս ու Թուրքմենստան: Մասնավորապես, ինչպես նշում է, իրանցի թուրքմենները կմիավորվեն Միջին Ասիայի իրենց ազգակիցների հետ, ինչը կարող է հակամարտությունների հանգեցնել:
Ժիրինովսկու համոզմամբ` Թուրքիայում ԱՄՆ-ի աջակցությամբ թուրքական, սիրիական, իրանական և իրաքյան քրդերը, որոնց թիվը շուրջ 40 մլն է, կմիավորվեն մեկ պետության շուրջ` ստեղծելով Քուրդիստան պետությունը` Դիարբեքիր մայրաքաղաքով: Այդ պահից սկսած, ինչպես նշում է, կսկսվի Թուրքիայի մասնատումը:
Ժիրինովսկին շեշտում է, որ դրանից հետո Եվրոպան Հայաստանին կաջակցի արևմտահայկական տարածքները վերադարձնելու հարցում (հիշեցնում է, որ այդ տարածքները դեռ Թուրքիայի կազմում են), Հունաստանը կազատագրի Կիպրոսն ու կհավակնի Իզմիրին: Բուլղարիան իր հերթին կփորձի վերադարձնել Թրակիան:
Իրաքի սուննիները, ՌԼԴԿ-ի առաջնորդի գնահատմամբ, կվերադառնան իշխանության և վերահսկողություն կհաստատեն հյուսիսային շրջանների նկատմամբ ու Բաղդադում, իսկ հարավային մասը հիմք կդառնա արաբական շիայական նոր պետության համար` Բասրա մայրաքաղաքով:
Ընգծում է, որ այդ փոփոխությունների գլխավոր շահառուն Իսրայելն է, որը գերակայություն է ունենալու այդ փոքր ու քայքայված պետությունների նկատմամբ:
Ժիրինովսկու համոզմամբ` Աֆղանստանից, Իրանից ու Թուրքիայից դուրս եկող մեծաթիվ փախստականները Միջին Ասիայում, այդ թվում` Հարավային Ղազախստանում, Ղրղզստանում, Տաջիկստանում, Ուզբեկստանում, Թուրքմենստանում, տևական քաղաքացիական պատերազմի պատճառ են դառնալու: Այդ երկրներն ունենալու են իրենց փախստականները, որոնք կձգտեն դեպի հյուսիս: Սակայն Ռուսաստանը, ինչպես պնդում է, թույլ չի տա մուտք գործել իր տարածք, ինչպես նաև` իր տարածքով դեպի Արևմուտք, Եվրոպա:
Վերջին հաշվով, Պետդումայի պատգամավորի կարծիքով, երկարատև քաղաքացիական պատերազմից հետո 2030թ. միջինասիական երկրների ղեկավարները դիմելու են Ռուսաստանին` խնդրելով ներառել իր կազմը, որպեսզի անվտանգությունն ապահովեն: Նրանք կխնդրեն Աֆղանստանի հետ ներկայիս սահմանի փոխարեն լինի ռուս-պուշտունիստական սահմանը:
Սակայն Ռուսաստանը, Ժիրինովսկու խոսքով, սպասողական դիրքորոշում կընդունի: Մի կողմից` կճանաչի Բելուջիստանի, Իրանական Ադրբեջանի, Պարսկաստանի և Քուրդիստանի անկախությունը: Նաև, ինչպես նշում է, Մոսկվան կհամաձայնի Հայաստանին իր արևմտյան տարածքները վերադարձնելուն, Կիպրոսի ազատագրմանը, Թրակիան Բուլղարիայի հետ վերամիավորմանը: Սակայն մյուս կողմից իր կազմը չի կարող ընդունել միջինասիական երկրներին` իրենց ավերված տնտեսությամբ, մեծաթիվ փախստականներով ու պատերազմ անցած սովահար բնակչությամբ: Ռուսաստանը միայն կամրապնդի առևտրատնտեսական հարաբերություններն այդ երկրների հետ` նրանցից գնելով տարատեսակ ապրանքներ: Առևտուրը Միջին Ասիայի երկրների համար կապահովի կենսական որոշակի մակարդակ:
Telegram 
Facebook 
Google News NASA-ի Parker Solar Probe սարքի տվյալներով գիտնականները պարզել են, որ արևային քամու մագնիսական տատանումների պտույտի ուղղությունը փոխվում է՝ կախված դիտարկվող մասշտաբից։ Արդյունքն օգնում է հասկանալ տիեզերական պլազմայի տուրբուլենտ վարքը և կարող է օգտակար լինել տիեզերական եղանակի մոդելավորման համար։
Ֆիզիկոսների տեսական հաշվարկները ցույց են տվել, որ լույսի քվանտային տատանումները կարող են փոխել ատոմներից արձակվող էլեկտրոնների ազդանշանը։ Այդ փոփոխությունը չափման մեջ կարող է երևալ որպես մի քանի տասնյակ ատտովայրկյանի լրացուցիչ ուշացում՝ լույսի հատկությունները հետազոտելու նոր հնարավորություն տալով։
Գերմանիայի Հելֆտա թագավորական նստավայրի պեղումներում հայտնաբերվել է X դարի քարե շենք՝ նկուղով և լավ պահպանված մուտքի աստիճաններով։ Դրա նշանակությունը դեռ պարզ չէ․ հնագետները քննարկում են հյուրատան կամ նստավայրի կառավարչի տան վարկածները։
Հայաստանի առողջապահության նախարարությունը պայմանական թույլտվություն է տվել ամերիկյան Agenus ընկերության Botvymo և Evamplix դեղամիջոցների համատեղ կիրառմանը՝ աղիների քաղցկեղի որոշակի տեսակի բուժման համար։ Ընկերության հաղորդմամբ՝ սա երկու դեղամիջոցների առաջին պաշտոնական գրանցումն է աշխարհում։
Գիտնականներն ուսումնասիրել են Սուրբ Հեղինե կղզում ապրող Ջոնաթան հսկա կրիայի գենոմն ու գեների ակտիվությունը կարգավորող քիմիական նշումները։ Ըստ գնահատականների՝ 194 տարեկան կենդանու մոտ հայտնաբերված որոշ առանձնահատկություններ կարող են առնչվել նրա երկարակեցությանը, սակայն այդ կապը դեռ ապացուցված չէ։
Էկվադորի Ամազոնիայում հայտնաբերված Taczanowskia waska սարդի մարմնի ելուստները սնկային գոյացություններ են հիշեցնում։ Հետազոտողների վարկածով՝ այդ նմանությունը կարող է օգնել նրան խուսափել գիշատիչներից կամ աննկատ որսալ։
Wildberries-ը Հայաստանում գործարկել է WB Taxi տաքսի ծառայությունը։ Առաջին փուլում ծառայությունը վաղ հասանելիության ռեժիմով աշխատում է Երևանում և հասանելի է ընկերության աշխատակիցների ու գործընկերների համար, սակայն նախատեսվում է աստիճանաբար ընդլայնել օգտատերերի շրջանակը։
Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։
Մի ինքնաթիռի հետևում երկար սպիտակ գիծ է ձգվում, իսկ մյուսի հետևում երկինքը մնում է պարզ։ Այս տարբերությունը պայմանավորված է օդի վիճակով և շարժիչների աշխատանքով, ոչ թե ինքնին ապացուցում է «թունավոր նյութերի ցրում»։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները