Հայաստանում Covid-19-ի 459 նոր դեպք է հաստատվել
Կորոնավիրուսից մահացել է 10 մարդ, առողջացել են 706-ը: Վարակվածների թիվը Հանրապետությունում հասել է 19157-ի:
Հայաստանում Covid-19 կորոնավիրուսից մահացածների թիվը հասել է 319-ի: Նախորդ օրը մահացած պացիենտները եղել են 54 (տղամարդ), 57 (կին), 72 (տղամարդ), 80 (տղամարդ), 67 (տղամարդ), 82 (տղամարդ), 83 (կին), 94 (տղամարդ), 50 (կին) և 57 (տղամարդ) տարեկան: Բացի վերջինից, բոլորն ունեցել են ուղեկցող քրոնիկական հիվանդություններ։ Վարակվածների շրջանում այլ պատճառով մահացությունները 110-ն են (մեկ օրում ավելացել է 9-ով):
Առողջացածների ընդհանուր թիվը դարձել է 8266՝ նախորդ օրն ավելանալով 706-ով: Փաստացի բուժում է ստանում 10462 պացիենտ:
Մինչ օրս կատարվել է 91943 թեստավորում: Նախորդ օրը թեստերից 1492-ը բացասական են եղել:
Հավելենք նաև, որ հրապարակվել է Covid-19-ով ինքնամեկուսացվածների քարտեզն ամբողջ Հանրապետության տարածքում:
Մեկնաբանությունները