Իրանի բալիստիկ հրթիռները խոցել են 1800 կմ հեռավորության վրա գտնվող ուսումնական թիրախները
ԻՀՊԿ-ի ՌՕՈւ տեղեկատվական համակարգերի կողմից պայմանական հակառակորդի նավերի գտնվելու վայրը հայտնաբերելուց հետո տարբեր դասերի հեռահար գործողությամբ բալիստիկ հրթիռները հաջողությամբ խոցել են Հնդկական օվկիանոսի հյուսիսային հատվածում` 1800 կմ հեռավորության վրա գտնվող ուսումնական թիրախները:
Իրանի Իսլամական Հեղափոխության պահապանների կորպուսի (ԻՀՊԿ) ուժերը մեծ հեռահարությամբ բալիստիկ հրթիռներն ամենամյա Մեծ մարգարե-15 զորավարժության ընթացքում հաջողությամբ խոցել են 1800 կմ հեռավորության վրա գտնվող թիրախները:
Հրթիռների արձակումն իրականացվել է Իրանի կենտրոնական անապատում օրերս մեկնարկած Մեծ մարգարե-15 ռազմական վարժանքների երկրորդ և վերջին փուլում` ծովային թիրախների խոցումով եզրափակելով զորավարժությունները:
Մեծ հեռահարությամբ բալիստիկ հրթիռների բաց թողնմանը մասնակցել են Իրանի ԶՈւ գլխավոր շտաբի ղեկավար գեներալ-մայոր Մոհամադ Հոսեյն Բաղերին, ԻՀՊԿ ուժերի հրամանատար գեներալ Հոսեյն Սալամին և ԻՀՊԿ օդատիեզերական ուժերի հրամանատար Ամիր Ալի Հաջիզադեն:
Նշվում է, որ Կորպուսի ՌՕՈւ տեղեկատվական համակարգերի կողմից պայմանական հակառակորդի նավերի գտնվելու վայրը հայտնաբերելուց հետո տարբեր դասերի հեռահար գործողությամբ բալիստիկ հրթիռները հաջողությամբ խոցել են Հնդկական օվկիանոսի հյուսիսային հատվածում` 1800 կմ հեռավորության վրա գտնվող ուսումնական թիրախները:
Մեկնաբանությունները