Ռուսաստանում փորձարկվել է աշխարհում ամենահզոր հրթիռային հեղուկային շարժիչը

Դեկտեմբերի 19-ին Ռոսկոսմոսի կազմում գտնվող «Էներգոմաշ» գիտաարտադրական միավորումն իրականացրել է աշխարհի ամենահզոր հեղուկային հրթիռային ՌԴ-171ՄՎ շարժիչի առաջին լիարժեք կրակային փորձարկումը: Պետական կորպորացիայի ղեկավար Դմիտրի Ռոգոզինը նշել է, որ բոլոր բնութագրերը նորմայի սահմաններում են:

Ռոգոզինի խոսքով՝ այդ ուժային ագրեգատն օգտագործվելու է միջին դասի «Սոյուզ-5» նորագույն հրթիռ-կրիչի առաջին մակարդակի համար: Ի պատասխան հետևորդների դժգոհության՝ գլխավոր տնօրենը խոստացել է, որ հաջորդ անգամ այդպիսի իրադարձությունը կնկարահանվի և կրապարակվի:

«Սոյուզ-5»-ի մշակումը մեկնարկել է 2016թ.-ից: Այն պետք է փոխարինի «Զենիթ» հրթիռ-կրիչին, որն արտադրվում է Ուկրաինայում: ՌԴ-171ՄՎ-ն Զենիթի առաջին մակարդակի կատարելագործված տարբերակն է: «Սոյուզի» 2-րդ մակարդակում տեղադրված է ՌԴ-0124ՄՍ շարժիչը՝ «Սոյուզ-2.1բ»-ի երրորդ մակարդակի մոդեռնիզացված ուժային ագրեգատը: Այդ հրթիռային շարժիչը փոխարինելու է ուկրաինական հեղուկային ՌԴ-120-ին (Յուժմաշ):

2023-2025թթ. Բայկոնուր տիեզերակայանից նախատեսվում է իրականացնել «Սոյուզ-5»-ի առնվազն 3 փորձնական արձակում: Թեստերի ավարտից հետո և մինչև 2036 թվականը նախատեսված է տարեկան իրականացնել առնվազն 2 արձակում:

2018թ. Բայկոնուրում Ղազախստանի սեփականությունը՝ մեկնարկային, տեխնիկական և մոնտաժափորձարկային համալիրները փոխանցվել են «Զենիթին»: Ըստ ռուս-ղազախական «Բայթերեք» նախագծի շրջանակներում ձեռք բերված համաձայնության՝ ենթակառուցվածքն Աստանայի հաշվին պետք է համապատասխանեցվի «Սոյուզ-5» հրթիռ-կրիչին: