Ինձ դիմել է «5-րդ շարասյունը», որպեսզի աջակցեմ ու առաջ մղեմ իրենց թեկնածու Վիտալի Բալասանյանին. Սամվել Բաբայան — Շեշտ.am (shesht.am)
5 րոպե
Խմբագրություն

Ինձ դիմել է «5-րդ շարասյունը», որպեսզի աջակցեմ ու առաջ մղեմ իրենց թեկնածու Վիտալի Բալասանյանին. Սամվել Բաբայան

Արցախի Պաշտպանության բանակի նախկին հրամանատար Սամվել Բաբայանն ուշագրավ հայտարարություն է արել Հայաստանում ռուսական «5-րդ շարասյան» գործունեության մասին: Նրա խոսքով` առաջարկով իրեն է մոտեցել Գառնիկ Իսագուլյանը, ով աշխատում է «5-րդ շարասյան» համար, նաև սպասարկում է տարբեր շրջանակների, այդ թվում` քոչարյանա-սերժական շահերը:

Սամվել Բաբայան / © YerevanToday

Արցախի Պաշտպանության բանակի նախկին հրամանատար Սամվել Բաբայանն ուշագրավ հայտարարություն է արել Հայաստանում ռուսական «5-րդ շարասյան» գործունեության մասին` կոչ անելով «սթափվել գոնե հիմա, երբ մենք կանգնած ենք գոյութան սպառնալիքի առջև»:

Նրա խոսքով` բացի ռուսական հատուկ ծառայություններից ու տարածաշրջանային պատասխանատուներից, Հայաստանում ակտիվորեն աշխատում են նաև մասնավոր խմբեր, որոնք հետապնդում են ռուսական պետական շահի հետ աղերս չունեցող իրենց սեփական շահերը:

Բաբայանը նշել է, որ Արցախյան ընտրություններից առաջ իրեն դիմել է ռուսական «5-րդ շարասյունը», որպեսզի աջակցի ու առաջ մղի նրանց թեկնածու Վիտալի Բալասանյանին: Նկարագրելով վերջինիս` Բաբայանը նրան բնութագրում է որպես բավականին ենթարկվող ու կառավարելի անձնավորություն, ուստի համարում է, որ նա կդառնա հարմար տեղական կամակատար և կիրագործի Արցախը Հայաստանից տարանջատելու ծրագիրը:

Բալասանյանի ցածր վարկանիշը բարձրացնելու հարցով, ըստ Բաբայանի, իրեն է մոտեցել Գառնիկ Իսագուլյանը: «Ազատական» կուսակցության առաջնորդի վստահեցմամբ` Իսագուլյանը երկար ժամանակ աշխատում է «5-րդ շարասյան» համար, միաժամանակ սպասարկում է տարբեր շրջանակների, այդ թվում նաև` քոչարյանա-սերժական շահերը:

Բաբայանի խոսքով` ինքը կտրականապես հրաժարվել է դառնալ «հակահայկական ծրագրի մասնակից և գերադասել է Հայրենիքի շահը` խոստացված անձնական օգուտներից»: Համագործակցության մերժում ստանալով, Բաբայանի խոսքով, Իսագուլյանն անցել է սպառնալիքների` ի վերջո իրեն զրկելով Ռուսաստան մուտք գործելու իրավունքից:

Վերադառնալով Ռուսաստանի վարած քաղաքականությանը` Բաբայանն ընդգծում է, որ Հայաստանը, աշխարհագրական դիրքից ելնելով, կոչված է Ռուսաստանի հետ գործընկերության, բայց այդ գործընկերությունը պետք է իսկապես լինի հավասարազոր: Իր կողմից Ռուսաստանին ուղղված քննադատությունները պայմանավորել է Հայաստանի հանդեպ սխալ գործողություններով և որոշումներով:

Իր ծավալուն ուղերձում Բաբայանը նաև դիմել է հայրենակիցներին և կոչ արել սթափ վերլուծել ցանկացած տեղեկատվություն, չհավատալ լրատվամիջոցների կեղծիքներին ու շահարկումների այն պատկերին, որը մատուցվում է «5-րդ շարասյան» կողմից:

Ինչպես բազմիցս նշել է, այս անգամ ևս Բաբայանն անհրաժեշտ է համարել ունենալ հզոր բանակ, ոչ թե` պատերազմելու, այլ հայկական կողմի պայմաններով խաղաղություն պարտադրելու համար: Հիշեցնելով, որ Ալիևը մտադրություն է հայտնել իր բանակի և ռազմական բյուջեի չափի ավելացման մասին, Բաբայանը համարում է, որ դա Հայաստանից ևս մի մաս պոկելու համար է:

Բաբայանը հայերի պառակտման և երկիրը թուլացնելու նպատակին ծառայողներին կոչ է արել «սթափվել գոնե հիմա, երբ մենք կանգնած ենք գոյութան սպառնալիքի առջև»:

Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

4 րոպե
Խմբագրություն

Ենթադրվում է, որ կրկնվելու է Վրաստանի օրինակը. Հայաստանը, հավանաբար, կստանա Լեռնային Ղարաբաղը՝ այս կամ այն տեսքով, իսկ Ռուսաստանը վերջնականորեն կկորցնի Ադրբեջանը:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.