Ինչպե՞ս չդիպչել դեմքին. երբ շուրջբոլորը կորոնավիրուս է, ապա իսկապես կարևոր է

Առողջապահության համաշխարհային կազմակերպությունը, ինչպես նաև առողջապահական այլ կազմակերպություններ, խորհուրդ են տալիս կորոնավիրուսով վարակվելուց խուսափելու համար չդիպչել դեմքին՝ հատկապես քթին, բերանին և աչքերին: Այդ խորհուրդն արդիական է նաև այլ դեպքերում, երբ վիրուսը կամ բակտերիան փոխանցվում են օդակաթիլային ուղիներով: Խնդիրն այն է, որ, տարբեր տվյալներով, մարդն օրվա ընթացքում դեմքին է դիպչում ժամում 16-23 անգամ: Եվ այդ գործողությունը չի կարելի համար գիտակցված: Ուստի պատրաստվել է ուղեցույց, որը կօգնի այդ սովորույթի դեմ դժվարին պայքարում:

Փորձեք հասկանալ, թե ինչն է ձեզ հրահրում

Իմացական (կոգնիտիվ) թերապիայի կենտրոնի հոգեբան, «Пост тревога» տելեգրամ-ալիքի հեղինակ Տատյանա Պավլովնայի կարծիքով՝ «ինչպե՞ս չդիպչել դեմքին» հարցին պատասխանելու համար նախ պետք է հարցնել՝ «ինչո՞ւ ենք մենք դիպչում դեմքին»: Նա խորհուրդ է տալիս օրվա ընթացքում ինքնադիտարկում իրականացնել, նշել այն, ինչը հարկադրում է հաճախ դիպչել դեպքին, առանձնացնել, թե ինչ իրավիճակներում եք դա անում և ինչու: Հոգեբանի խոսքով` անձամբ է դա արել, և երեք պահ է արձանագրել. դեմքին դիպչում է, երբ քիթը «ֆսֆսացնում է» (ցրտից կամ օդի չորությունից), երբ նստած է համակարգչի մոտ և դունչը հենում է ձեռքին, երբ խիստ կենտրոնանում են այլ մարդկանց հետ խոսակցության ժամանակ:

Ընդ որում, տարբեր հետազոտություններ ցույց են տալիս, որ մարդիկ իրենք իրենց դիպչում են (հիմնականում՝ դեպքին) հաճախ տհաճ իրավիճակներում, օրինակ՝ երբ անհանգիստ են կամ ստիպված են ստել: Դա հաճախ է լինում, երբ մարդուն շեղում են նրանից, ինչն ուշադրության կենտրոնացում է պահանջում: Միևնույն ժամանակ կարող է թվալ, թե ինչ-որ բան իսկապես քոր եկավ, թեև, ակնհայտ է, որ այդ զգացումը չի ծագել մազի կամ աղվամազի ինչ-որ թրթռումից:

Փորձեք նվազեցնել նման իրավիճակների քանակը

Իհարկե, ասելը հեշտ է, քան հետևելը, բայց միևնույն է՝ սթրեսային իրավիճակներն անհրաժեշտ է նվազեցնել կամ փոփոխել նրանց նկատմամբ վերաբերմունքը: Դրա համար ավելի լավ է դիմել հոգեբանի կամ հոգեթերապևտի: Այն մասին, թե ինչպես է պետք ձերբազատվել շեղող հանգամանքներից, բազմաքանակ գրքեր ու հոդվածներ են գրվել:

Բարեբախտաբար, երբեմն հարկադրող իրավիճակները բավականին հստակ են և նրանցից ձերբազատվելն առանձնապես բարդ չէ: Օրինակ՝ ոչ մեծ հետազոտությունը ցույց է տվել, որ չոր, զգայում մաշկ ունեցող մարդիկ ավելի հաճախ են դիպչում դեմքին: Եզրակացությունն այն է, որ պետք է փորձել ընտրել լավ խոնավացնող միջոց և իրավիճակը բարելավելու այլ մեթոդ: Եթե հարցը լինզաներն են, որոնք աշխատանքային օրվա ավարտին չորանում են, ապա կարելի է որպես օգտակար միջոց կիրառել արհեստական արցունքները: Եթե խնդիրը դեմքի վրա թափվող մազերն են, գիտեք՝ ինչ անել:

Հոգեբան Տատյանա Պավլովան նշել է, որ կարող է ձեռքի տակ անձեռոցիկ ունենալ և դրանով սրբել քիթը, և ոչ՝ ձեռքով: Նրա խոսքով՝ հնարավոր է հարմարավետ դասավորել նաև աշխատավայրը, կանգնած աշխատել կամ այլ հարմարանքներ ստեղծել, խոսակցության ժամանակ ձեռքին ինչ-որ խաղալիք ունենալ՝ ձեռքերը զբաղացնելու համար:

Մարզեք գիտակցությունը

Եթե այդ միջոցները չեն օգնում կամ ակնհայտ հարկադրող հանգամանքներ չկան և դուք շարունակում եք անվերահսկելիորեն դիպչում եք դեմքին՝ ինքներդ ձեզ չկանգնեցնելով անհրաժեշտ պահի, կօգնի գիտակցությունը, այսինքն՝ սեփական գործողությունների, զգացումների ու մտքերի նկատմամբ ուշադրության բարձրացումը: Այդ իրավիճակը կարելի է մարզել, այդ թվում և՝ մեդիտացիայի օգնությամբ:

Կան նաև փոքրիկ խորամանկություններ, որոնք օգնում են զսպել թեկուզ վերջին պահին:

Դիմահարդարվեք

Առկա են որոշ համեստ տվյալներ և անձնական փորձ, որոնք ցույց են տալիս, որ դիմահարդարումն օգնում է ձեռքերը հեռու պահել դեմքից՝ հարդարումը չվնասելու համար:

Օգտագործեք հատուկ կայք

Do Not Touch Your Face («Դեմքիդ մի դիպչիր») անվամբ կայքը տեսախցիկի օգնությամբ հետևում է ձեզ և անհրաժեշտ պահի խնդրում է չդիպչել դեմքին, երբ դուք փորձում եք դա անել:

Ձեռքերի շարժումներն ակնհայտ դարձրեք

Հոգեբան Տատյանա Պավլովայի խոսքով՝ օգտակար կարող է լինել այն ամենն, ինչը կենտրոնացնում է գործողության նկատմամբ ուշադրությունը և այն դարձնում է ավելի նկատելի: The New York Times-ը խորհուրդ է տալիս օգտագործել օճառ և ձեռքերը խոնավացնող միջոցներ, BuzzFeed-ն առաջարկում է ձեռքերին վառ ժապավեններ սոսնձել կամ ձեռնոց կրել, ինչպես նաև վզին լայն շարֆ ամրացնել՝ ձեռքերը դեմքին մոտեցնելիս խոչընդոտելու համար: Այդ դեպքերում մարդը գլխի կընկնի, որ ինչ-որ տարօրինակ բան է կատարվում:

Մի նախատեք ձեզ

Գիտակցումը ենթադրում է նաև չնախատում: Եթե նկատել եք, կրկին ցանկանում եք քորել ձեզ, չարությունը ձեր իսկ նկատմամբ անօգուտ է, բացի հավելյալ սթրեսից, որը դրդում է դեմքին դիպչելու ցանկության:

Եթե շատ եք ցանկանում, դեմքին դիպչեք, բայց՝ մաքուր ձեռքերով

Իրականում խնդիրն այն չէ, որ մարդը ձեռք է տալիս դեմքին, այլ այն է, որ դա արվում է կեղտոտ ձեռքերով: Այդ պատճառով երբ հայտնաբերեք, որ ցանկանում եք դիպչել դեմքին, ապա պարզապես լվացեք ձեռքերը կամ օգտագործեք հականեխիչ կամ ախտահանող գել: