Կյանքը կարող էր ծագել երկնաքարերի հարվածային խառնարաններում — Շեշտ.am (shesht.am)
3 րոպե
Խմբագրություն

Կյանքը կարող էր ծագել երկնաքարերի հարվածային խառնարաններում

Երիտասարդ Երկրին բախված երկնաքարերի հարվածային խառնարանները կարող էին ոչ միայն անհրաժեշտ նյութեր բերել, այլև նպաստավոր պայմաններ ստեղծել մեր մոլորակի վրա կյանքի ծագման համար:

Երկնաքարի հարվածային խառնարան / © srcaltufevo

Վաղ Արեգակնային համակարգում Երկիրը բազմիցս ռմբահարած երկնաքարերը կարող էին մեր մոլորակ բերել ինչպես ջուր, այնպես էլ օրգանական նյութեր՝ ապագա կյանքի բաղադրամասեր: Նոր հետազոտության հեղինակները համարում են, որ երկնաքարերը անմիջապես հարվածային խառնարաններում նաև առաջին նախաօրգանիզմների առաջացման համար նպաստավոր պայմաններ կարող էին ստեղծել:

Ակնհայտ է, որ անմիջապես հարվածից հետո խառնարանը կյանքի ոչ մի տեսակի համար պիտանի չէր: Սակայն ժամանակի ընթացքում ամեն ինչ փոխվում է, և խառնարանը դառնում է մի վայր, որտեղ կուտակված են լինում տարատեսակ բարդ գոյացություններ ու հանքանյութեր: Բախումը նույնիսկ կարող է հանգեցնել ջրաջերմային աղբյուրների ի հայտ գալուն, որոնք երկրի կեղևից դուրս են բերում սննդարար նյութերը և համարվում են Երկրի վրա կյանքի առավել հավանական «օրրանները»:

Աշխատության առաջատար հեղինակ, Կալիֆորնիայի Արևելյան համալսարանի պրոֆեսոր Գորդոն Օսինսկիի ընդհանրացմամբ՝ դրանք կյանքի համար օազիսներ են ստեղծում: Ներկայումս Երկրի վրա այդպիսի պայմաններ դժվար է վերստեղծել: Հնարավոր չէ նաև հնագույն խառնարանները հստակ վերակառուցել. դրանք մեր օրերում լիովին ենթարկվել են միլիարդավոր տարիների տեկտոնական շարժումների, հրաբխային գործընթացների և էրոզիայի:

Գիտնականը հնարավոր է համարել, որ երբեք վերջնականորեն պարզ չլինի, թե Երկրի վրա հատկապես որտեղ է կյանքը ծագել: Այդ պատճառով մասնագետները կոչ են անում մեծ ուշադրությամբ դիտարկել հարևան երկնային մարմինների, առաջին հերթին՝ Մարսի խառնարանները: Հնարավոր է՝ դրանց խորքում հայտնաբերվեն այդպես էլ չծաղկած կյանքի նշաններ:

Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

4 րոպե
Խմբագրություն

Ենթադրվում է, որ կրկնվելու է Վրաստանի օրինակը. Հայաստանը, հավանաբար, կստանա Լեռնային Ղարաբաղը՝ այս կամ այն տեսքով, իսկ Ռուսաստանը վերջնականորեն կկորցնի Ադրբեջանը:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.