Հոգեբանները պարզել են, թե ում է մարդն իրեն երջանիկ զգում. ընտանիքի՞, թե՞ ընկերների — Շեշտ.am (shesht.am)
3 րոպե
Խմբագրություն

Հոգեբանները պարզել են, թե ում է մարդն իրեն երջանիկ զգում. ընտանիքի՞, թե՞ ընկերների

Ամերիկացի հոգեբանները գնահատել են մարդկանց երջանկության մակարդակն այն պարագայում, երբ ժամանակ են անցկացնում մտերիմների կամ զուգընկերների ու երեխաների հետ:

Ո՞ր դեպքում են ավելի երջանիկ / © persil.com/Pinterest

Ավելի վաղ արված հետազոտությունները ցույց են տվել, որ մոտ հարաբերությունների առկայությունը մարդու հիմնարար պահանջմունքներից է և կապված է բարեկեցության ներքին զգացման հետ: Հնարավոր է՝ այդ պատճառով են շատերը կարծում, թե ընտանիքի հետ ժամանակ անցկացնելն իրենց երջանիկ կդարձնի: Մասնագետները, ԱՄՆ-ի Սուրբ Մարիի համալսարանի հոգեբանության պրոֆեսոր Նաթան Հադսոնի ղեկավարությամբ, ցույց են տվել, որ դա այդպես չէ:

Հետազոտությանը մասնակցել է ավելի քան 400 մարդ, որոնց խնդրել են հիշել իրենց զգացողություններն ընտանիքի և ընկերների հետ շփման ժամանակ: Նրանք նաև պետք է պատմեին՝ ինչով են զբաղվել այդ ժամանակ՝ գնահատելով այդ փորձը զգայական տարբեր սանդակներով (0-ից մինչև 6):

Արդյունքում հետազոտողները կարողացել են որոշել մասնակիցների երջանկության սուբյեկտիվ մակարդակն այն պարագայում, երբ նրանք շփվել են ընկերների կամ զուգընկերների ու երեխաների հետ: Այն առավել բարձր է գնահատվել ընկերների հետ շփման ժամանակամիջոցի համար:

Սակայն Հադսոնն ու նրա գործընկերները չեն շտապում միանշանակ եզրակացություններ կատարել և նշում են, որ այդպիսի արդյունքները կարող են կապված լինել նրա հետ, որ մտերիմների շրջապատում, սովորաբար, մարդիկ ազատ ժամանակ են անցկացնում, հանգստանում են, իսկ հարազատների պարագայում հիմնականում զբաղվում են կենցաղային տհաճ աշխատանքով:

Այսպես, համաձայն նույն հետազոտության՝ ընկերների հետ անցկացված ժամանակի 65%-ը կապված է շփման հետ, իսկ զուգընկերների ու երեխաների հետ շփումները 28%-ից ցածր են: Մասնակիցները, սովորաբար, դրական են արձագանքել ընտանիքի հետ շփմանն այն պարագայում, երբ խոսքը կենցաղային պարտականությունների մասին չէ:

Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

1 րոպե
Խմբագրություն

Հաղորդվում է, որ Իրանի հետ սահմանին Թուրքիան կենտրոնացրել է նաև ռմբակոծիչներ և Բայրաքթար անօդաչուներ:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.