Կներդրվի բալային համակարգ. նոր մոտեցում ՃԵ կանոնների խախտումներին
Բալային համակարգի ներդրմանը զուգահեռ՝ նվազեցվելու են տուգանքները: Նախագծի նպատակը ոչ թե բյուջեն լցնելն է, այլ կյանքեր փրկելը:
ՀՀ Ազգային ժողովն այսօր առաջին ընթերցմամբ քննարկել է Ճանապարհային երթևեկության կանոններին վերաբերող օրենքներում մի շարք փոփոխություններ կատարելու վերաբերյալ օրենսդրական փաթեթը: Այն մշակվել է Կառավարության կողմից, և Ազգային ժողովում բուռն քննարկումների տեղիք է տվել:
Մի շարք փոփոխությունների շարքում ուշագրավ է Բալային համակարգի ներդրման առաջարկը: Այն նախատեսում է որոշակի կանոնների խախտումների դեպքում տուգանքների չափերի նվազեցում, փոխարենը՝ բալային համակարգով վարորդներից միավորների պակասեցում:
Ինչպե՞ս է գործելու միավորների համակարգը
Այսպես, վարորդական իրավունքի վկայական ստանալու պահից վարորդին տրամադրվում է 9 միավոր: ՃԵԿ խախտում կատարելու դեպքում միավորներից պակասեցվում են համապատասխան միավորներ: Օրենքով նախատեսվում է որպես վարչական պատասխանատվության միջոց կիրառել 0,5, 1, 2, 3 և առավելագույն 4 տուգանային միավոր:
Միավորները սպառելու դեպքում նախատեսվում է վարորդի՝ տրանսպորտային միջոցներ վարելու իրավունքը կասեցնել 6 ամիս ժամկետով: Այդ ժամկետի կեսից ավելին լրանալու դեպքում, տարվա մեջ մեկ անգամ, վարորդը կարող է վերահանձնել վարորդական իրավունքի ստացման տեսական քննությունը և վերականգնել իրավունքը: Նույն տարում երկրորդ անգամ միավորները սպառելու դեպքում վարորդը կզրկվի վարելու իրավունքից 1 տարի ժամկետով:
Նշվում է, որ 6 և ավել միավորներ սպառած վարորդները նույնպես կարող են հանձնել քննություն և վերականգնել 2 միավոր: Միավորները վերաբերելու են մոտ 20 խախտումներին, որոնցից են արագության գերազանցումը, ալկոհոլի ազդեցության տակ վարելը, հոծ գիծը հատելը և այլն. առավել ծանր հետևանքներ առաջացնող խախտումները:
Նախագծով առաջարկվող բալային համակարգը չի կիրառվելու օտարերկրյա պետհամարանիշով մեքենաների նկատմամբ. վերջիններիս դեպքում կգործեն ներկայիս կարգավորումները:
Նոր մոտեցման ազդեցությունը
Կառավարության նախագիծն ԱԺ-ում ներկայացրել է փոխոստիկանապետ Հովհաննես Քոչարյանը: Նրա խոսքով՝ բալային համակարգի ներդրումը նպատակ ունի երթևեկությունից հեռացնել անբարեխիղճ վարորդներին:
Պատգամավորների այն հարցադրումներին, թե ինչո՞ւ են բալային համակարգի ներդրմանը զուգահեռ նվազեցվում տուգանքի չափերը, փոխոստիկանապետը տեղեկացրել է, որ Կառավարության մոտեցումը ենթադրում է ոչ թե վարորդներին տուգանում և դրա միջոցով բյուջեի համալրում, այլ երթևեկության կարգավորում, խախտումների և դրանց հետևանքով վթարների ու մահացությունների էական նվազեցում:
Հովհաննես Քոչարյանը նշել է, որ ներկայիս գործող կարգավորումները վարորդների մոտ միայն ֆինանսական պարտավորություններ են առաջացնում, մինչդեռ նոր նախագծով ակնկալվում է երթևեկության կարգավորում: Պատգամավորների հարցադրմանը, թե արդյո՞ք ճանապարհների վիճակը և գծանշումների մակարդակը համապատասխանում են ներկայացվող պահանջներին, ոստիկանապետի տեղակալը հայտնել է, որ օրենքն ուժի մեջ է մտնելու ընդունումից 6 ամիս հետո: Այդ ընթացքում նախատեսվում է կատարել ճանապարհների գույքագրում, առկա խնդիրների կարգավորման ուղղությամբ աշխատանքների իրականացում:
Հիշեցնենք, դեռևս հուլիս ամսին վարչապետ Նիկոլ Փաշինյանը նշել էր, որ տուգանելու քաղաքականությունը ոչ մի էֆեկտի չի բերում, և Ոստիկանությունից պահանջել է անհանդուրժողականություն դրսևորել ու կոշտ միջոցներ ձեռնարկել անբարեխիղճ վարորդների նկատմամբ։
Telegram 
Facebook 
Google News NASA-ի Parker Solar Probe սարքի տվյալներով գիտնականները պարզել են, որ արևային քամու մագնիսական տատանումների պտույտի ուղղությունը փոխվում է՝ կախված դիտարկվող մասշտաբից։ Արդյունքն օգնում է հասկանալ տիեզերական պլազմայի տուրբուլենտ վարքը և կարող է օգտակար լինել տիեզերական եղանակի մոդելավորման համար։
ԱՄՆ-ում և Իսրայելում ավելի քան մեկ միլիոն կանանց լաբորատոր տվյալների ուսումնասիրությունը ցույց է տվել, որ դաշտանադադարի շրջանում փոփոխվում են ոչ միայն սեռական հորմոնները։ Մի շարք ցուցանիշներում հետազոտողները հայտնաբերել են կտրուկ անցում, իսկ հորմոնային փոփոխությունները՝ վերջին դաշտանից ավելի քան տասը տարի առաջ։
Ֆիզիկոսների տեսական հաշվարկները ցույց են տվել, որ լույսի քվանտային տատանումները կարող են փոխել ատոմներից արձակվող էլեկտրոնների ազդանշանը։ Այդ փոփոխությունը չափման մեջ կարող է երևալ որպես մի քանի տասնյակ ատտովայրկյանի լրացուցիչ ուշացում՝ լույսի հատկությունները հետազոտելու նոր հնարավորություն տալով։
Հայաստանի առողջապահության նախարարությունը պայմանական թույլտվություն է տվել ամերիկյան Agenus ընկերության Botvymo և Evamplix դեղամիջոցների համատեղ կիրառմանը՝ աղիների քաղցկեղի որոշակի տեսակի բուժման համար։ Ընկերության հաղորդմամբ՝ սա երկու դեղամիջոցների առաջին պաշտոնական գրանցումն է աշխարհում։
Գիտնականներն ուսումնասիրել են Սուրբ Հեղինե կղզում ապրող Ջոնաթան հսկա կրիայի գենոմն ու գեների ակտիվությունը կարգավորող քիմիական նշումները։ Ըստ գնահատականների՝ 194 տարեկան կենդանու մոտ հայտնաբերված որոշ առանձնահատկություններ կարող են առնչվել նրա երկարակեցությանը, սակայն այդ կապը դեռ ապացուցված չէ։
Էկվադորի Ամազոնիայում հայտնաբերված Taczanowskia waska սարդի մարմնի ելուստները սնկային գոյացություններ են հիշեցնում։ Հետազոտողների վարկածով՝ այդ նմանությունը կարող է օգնել նրան խուսափել գիշատիչներից կամ աննկատ որսալ։
Wildberries-ը Հայաստանում գործարկել է WB Taxi տաքսի ծառայությունը։ Առաջին փուլում ծառայությունը վաղ հասանելիության ռեժիմով աշխատում է Երևանում և հասանելի է ընկերության աշխատակիցների ու գործընկերների համար, սակայն նախատեսվում է աստիճանաբար ընդլայնել օգտատերերի շրջանակը։
Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։
Մի ինքնաթիռի հետևում երկար սպիտակ գիծ է ձգվում, իսկ մյուսի հետևում երկինքը մնում է պարզ։ Այս տարբերությունը պայմանավորված է օդի վիճակով և շարժիչների աշխատանքով, ոչ թե ինքնին ապացուցում է «թունավոր նյութերի ցրում»։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները