Ադրբեջանով անցնող «Հյուսիս-հարավը» սկսել է գործել` Ֆինլանդիայից բեռներ տեղափոխելով դեպի Իրան ու Հնդկաստան — Շեշտ.am (shesht.am)
3 րոպե
Խմբագրություն

Ադրբեջանով անցնող «Հյուսիս-հարավը» սկսել է գործել` Ֆինլանդիայից բեռներ տեղափոխելով դեպի Իրան ու Հնդկաստան

Հյուսիս-հարավ միջազգային տրանսպորտային միջանցքով (INSTC) պատմության մեջ առաջին անգամ տարանցիկ բեռնափոխադրում է իրականացվել: Այն անցնում է Ռուսաստանով, Ադրբեջանով ու Իրանով:

«Հյուսիս-հարավ» / © FT

Իրանի հյուսիսում` Ադրբեջանի սահմանին գտնվող Աստարայի մաքսակետի ղեկավար Քարիմ Ռասուլին հայտարարել է, որ Հյուսիս-հարավ միջազգային տրանսպորտային միջանցքով (INSTC) պատմության մեջ առաջին անգամ տարանցիկ բեռնափոխադրում է իրականացվել:

Շուրջ 535 հազար եվրո արժեքով 563 տոննա թուղթը Ֆինլանդիայից հասել է Իրան, որտեղից տեղափոխվելու է Հնդկաստան: Շեշտենք, որ այս միջանցքի մասնակիցներն են Իրանը, Հնդկաստանը, Աֆղանստանը, Ադրբեջանը, Ռուսաստանը, Միջին Ասիայի երկրները և Եվրոպան: INSTC միջանցքը չի վերաբերում Հայաստանի և Վրաստանի տարածքներով նախատեսվող Հյուսիս-հարավ ծրագրին:

Աստարայի երկաթուղին դեռ միացված չէ Ռեշտի երկաթգծին, այդ պատճառով բեռնափոխադրումն իրանական այս հատվածում իրականացվել է բեռնատար մեքենաների միջոցով (երկաթուղու այդ հատվածի կառուցումը, ինչպես հայտնի է, ֆինանսավորվում է Ադրբեջանի կառավարության կողմից, սակայն որոշակի ձգձգումներ կան խմբ.):

Ռասուլիի խոսքով` նշված երթուղով տեղափոխվող բեռի առաջին խմբաքանակը Ռեշտից երկաթուղով հասնելու է Բենդեր-Աբաս, այնտեղից` Հնդկաստան:

INSTC-ի մասին

Հյուսիս-հարավ միջազգային տրանսպորտային միջանցքը 7200 կմ ընդհանուր երկարությամբ ծովային, երկաթուղային և ավտոմոբիլային երթուղիների ցանց է: Հիմնականում նախատեսված է Հնդկաստանից, Իրանից, Ադրբեջանից և Ռուսաստանից բեռների փոխադրման համար:

Միջանցքի ստեղծումը հնարավոր է դարձել այն բանից հետո, երբ 2017թ. Ադրբեջանը պաշտոնապես բացել է Իրանի հետ երկաթուղային հաղորդակցությունը:

Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

1 րոպե
Խմբագրություն

Հաղորդվում է, որ Իրանի հետ սահմանին Թուրքիան կենտրոնացրել է նաև ռմբակոծիչներ և Բայրաքթար անօդաչուներ:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.