Իրանցի լրագրողը հարցազրույց է վերցրել Արցախում կռված սիրիացի ահաբեկչից

Թրքամետ ահաբեկչական խմբավորման անդամը պատմել է, որ Թուրքիան իրենց խոստացել է հայերի դեմ պատերազմի համար ամսական 2500 դոլար վճարել, սակայն խոստումը չի կատարել։ Դրա փոխարեն՝ նրանք ստացել են մոտ 1500 լարի (մոտ 210 դոլար)։

Սիրիացի ահաբեկիչը նաև պատմել է, որ երբ մոտեցել են Իրանի սահմանին, իրանական զինուժը հարվածներ է հասցրել իրենց դիրքերին։ Ահաբեկիչը, ում անունը չի նշվում, հայտնել է, որ իրենց խմբավորումն ունեցել է 300-400 զոհ։

Ադրբեջանի կողմից կռված զինյալը նաև պատմել է, թե որ խմբավորումներն են մասնակցել Արցախի դեմ պատերազմին։ Նրա խոսքով՝ դրանք են․ ալ-Համզա խմբավորում-դիվիզիան, Սուլեյման Շահը, Սուլթան Մուրադը։

Սիրիացի ահաբեկչի խոսքով, ինչպես փոխանցում է իրանական աղբյուրը, խմբավորումն Ադրբեջան է տեղափոխվել օգոստոս ամսին։ Մեկ ամիս և 25 օր անց, ստացած վիրավորման պատճառով, վերադարձել է Սիրիա։