Կառավարությունը քննարկում է նոր օդանավ գնելու հարցը
Վարչապետի աշխատակազմի ղեկավարը նշել է, որ կառավարական օդանավը մի շարք պատճառներով չի կարող հատել Ատլանտյան օվկիանոսը:
Վարչապետի աշխատակազմի ղեկավար Էդուարդ Աղաջանյանը հայտնել է, որ քննարկվում է նոր օդանավ ձեռք բերելու հարցը: Խոսքը Վարչապետի օտարերկրյա այցերի համար նախատեսված օդանավի մասին է, որի կարիքը, ինչպես Աղաջանյանը նշել է, առկա:
Աշխատակազմի ղեկավարը, պատասխանելով սեպտեմբերին վարչապետ Նիկոլ Փաշինյանի ԱՄՆ կատարած ուղևորության վերաբերյալ հարցին, նշել է, որ մասնավոր ընկերությունից ինքնաթիռ վարձելու անհրաժեշտությունը պայմանավորված է եղել մի շարք հանգամանքներով:
Էդուարդ Աղաջանյանի խոսքով՝ օդանավը չի ունեցել անհրաժեշտ լցաբաք՝ հեռավորությունը հաղթահարելու համար վառելիք ապահովելու համար նախատեսված: Բացի այդ, օդաչուները չեն ունեցել Ատլանտյան օվկիանոսի վրայով չվերթ իրականացնելու համապատասխան լիցենզիա: Պատգամավոր Անի Սամսոնյանի այն հարցին, թե Կառավարությունը ի՞նչ լուծում է տալու այս խնդրին, որպեսզի հեռավոր այցերի համար կրկին մասնավոր ծառայություններ չվարձակալեն, Աղաջանյանը պատասխանել է, որ տարբերակներ քննարկվում են: Քննարկվող տարբերակներից մեկ, ըստ աշխատակազմի ղեկավարի, նոր ինքնաթիռի ձեռքբերումն է:
Ներկայումս տրամադրված ինքնաթիռը, ըստ Աղաջանյանի, հին է, չի համապատասխանում ժամանակակից տեխնոլոգիական չափորոշիչներին և ի վիճակի չէ իրականացնելու անհրաժեշտ ծառայությունների լիարժեք մատուցումը:
Հիշեցնենք՝ վարչապետ Նիկոլ Փաշինյանը սեպտեմբերի 21-26-ը Գյումրիից անմիջապես մեկնել էր Միացյալ Նահանգներ: Թռիչքն իրականացնելու համար կառավարական օդանավի փոխարեն վարձակալվել էր մասնավոր ինքնաթիռ, որին հատկացվել էր մոտ 165 մլն դրամ:
Վարակվածների թիվը հասել է 31969-ի: Նախորդ օրը կորոնավիրուսից մահացել է 6 մարդ, առողջացել են 214-ը: Փաստացի բուժում է ստանում 11589 մարդ:
ԱՄՆ-ում ապաստանած չինացի վիրուսոլոգը հայտնել է, որ իշխանություններն ավելի շուտ են իմացել կորոնավիրուսի և նրա առանձնահատկությունների մասին, քան հայտարարել են: ԱՀԿ-ն և Չինաստանը կտրականապես հերքել են վիրուսի մասին տեղեկությունները թաքցնելու հանգամանքը:
Կենսաբանները պարզել են, թե ինչպիսի ազդեցություն են ունենում ռադիոալիքները ձկների սաղմերի վրա: Պարզվել է, որ դրանք էական ազդեցություն չեն ունենում մահացության, կազմաբանության և լույսին արձագանքելու վրա, սակայն որոշակիորեն ճնշում են զգայաշարժողական գործառույթները: Թե ինչպես դրանք կանդրադառնան հասուն առանձնյակների վրա, դեռ պետք է պարզել:
Այլմոլորակային զարգացած քաղաքակրթությունների ազդանշանների բացակայությունն, իրականում, մարդկության և ժամանակակից քաղաքակրթության համար շատ վատ նորություն է:
Վարակվածների թիվը հասել է 31969-ի: Նախորդ օրը կորոնավիրուսից մահացել է 6 մարդ, առողջացել են 214-ը: Փաստացի բուժում է ստանում 11589 մարդ:
Ցունամին ալիք է, որն առաջանում է տեկտոնական գործընթացների հետևանքով: Սովորաբար այն օվկիանոսային կեղևի ուղղահայաց ցնցում է, որը ջրի հսկայական շերտին շարժում է հաղորդում:
Առցանց քարտեզում կարող եք տեսնել Ձեր շենքում կամ հարևանությամբ գտնվող, կորոնավիրուսով վարակված ինքնամեկուսացվածների թիվը:
Ինչի՞ համար են իրականում հաճախորդների բոնուսային քարտեր, իրերի պահման խցիկներն ու հակաառևանգման դարպասները, ի՞նչ է կանացի ապրանքների «վարդագույն հարկը», սայլակների կառուցվածքի իրական նշանակությունն ու այլ հնարքներ, որոնց մենք գնումներ կատարելիս ուշադրություն չենք դարձնում:
Հոտառության կորուստը սովորաբար տեղի է ունենում, երբ քիթը փակ է: Իսկ այս դեպքում պատճառն այլ է. վարակի ներթափանցման դեպքում քթի՝ հոտառության համար պատասխանատու հատվածը փակվում է այտուցված փափուկ հյուսվածքներով ու լորձով:
Մեկնաբանությունները