Մեղրի և հարակից համայնքներում ջրի խնդիր է առաջանում ադրբեջանցի զինվորականների պատճառով
ՀՀ Մարդու իրավունքների պաշտպանը հայտնում է, որ Սյունիքի մարզի Մեղրի համայնքի բնակիչների ջրի` միջազգայնորեն երաշխավորված իրավունքը շարունակաբար լրջորեն խախտվում է ադրբեջանական զինված ուժերի դիտավորյալ արարքներով:
Արման Թաթոյանը նշում է, որ Մեղրիի բնակիչներից զայրույթի ու անհանգստության ահազանգեր է ստացել այն մասին, որ մոտ 5 տարի առաջ ադրբեջանական զինված ուժերի ծառայողները փոխել են «Մեղրի» գետի «Զվարագետ» վտակի` սարերից սնուցվող հունը դեպի Նախիջևան (Օրդուբադի շրջան): Դրա հետևանքով Մեղրի և Ագարակ քաղաքներում, Նռնաձոր, Շվանիձոր, Ալվանք գյուղերում խմելու և ոռոգման ջրի հասանելիության հետ կապված լուրջ խնդիրներ են առաջանում:
Մեղրի համայնքի ղեկավարը տեղեկացրել է, որ քաղաքի խմելու և ոռոգման ջուրը մշտապես ապահովվել է «Մեղրի» գետի հաշվին: «Զվարագետ» կամ «Այրիջուր» վտակը սկիզբ է առնում ծովի մակերևույթից մոտ 3500 մետր բարձրությունից՝ Զանգեզուրի լեռների հարավարևելյան լանջերից, ապա միանում է «Մեղրի» մայր գետին: Ձնհալների շնորիվ յուրաքանչյուր տարվա մոտ օգոստոս ամսից սկսած Զվարագետը դառնում է ջրառատ, որի շնորհիվ էլ մշտապես ապահովվել է խմելու և ոռոգման ջրի լիարժեք մատակարարումը Մեղրիի բնակավայրերի համար:
Նշվում է, որ առանց վտակի` «Մեղրի» գետն ապահովում է միայն տարվա սկզբից մինչև հունիս-հուլիս ամիսների ջրամատակարարումը, հետո «Մեղրի» գետը դառնում է խիստ սակավաջուր, իսկ Մեղրի քաղաքի հատվածում գետն ընդհանրապես ցամաքում է:
Արման Թաթոյանը շեշտում է, որ նաև լուրջ վնասներ են պատճառվել արդեն Մեղրի համայնքի շրջակա միջավայրին: Նրա խոսքով` բնակիչներից և Մեղրի համայնքի ղեկավարից տեղեկացել է, որ ադրբեջանական զինվորականները յուրաքանչյուր ամիս հատուկ ինժեներական տեխնիկայով արգելակներ են ստեղծում ու դրանով վտակի հունը փոխում են դեպի Նախիջևան:
Թաթոյանն ընդգծում է, որ «Մեղրի» գետի «Զվարագետ» վտակի առաջացման հատվածը գտնվում է ադրբեջանական զինվորականների ուղիղ նշանառության տակ, հսկվում է նրանց կողմից: ՄԻՊ-ի խոսքով` կոպտորեն խախտվում է ջրի իրավունքը, որը միջազգային բացարձակ արգելքներով երաշխավորված է:
Մարդու իրավունքների պաշտպանը հայտնել է նաև, որ աշխատակազմում ամփոփվում են նշված երևույթների վերաբերյալ վերլուծություններն ու գնահատականները, որոնք, Թաթոյանի հավաստմամբ, կուղարկվեն միջազգային ու առաջին հերթին մասնագիտացված կառույցներին, ինչպես նաև ՀՀ իրավասու մարմիններին:
Մեծ քանակությամբ զրահամեքենաներ, ռազմական ուղղաթիռներ, կործանիչներ, անօդաչու թռչող սարքեր ու զինծառայողներ են տեղակայվել Խուդաֆերինի կամրջի հատվածում ու Ասլանդուզում: Համարվում է, որ սա պատասխան է Թուրքիայի ու Ադրբեջանի պահվածքին, Արցախի գրավմանը մասնակից Իսրայելին:
Հաղորդվում է, որ ինտենսիվ կրակոցներ են հնչում Արցախի Թաղավարդ գյուղի հատվածում, լսվել են պայթյունի ձայներ: Հնարավոր է համարվում, որ կիրառվում են ականանետեր:
Մեծ քանակությամբ զրահամեքենաներ, ռազմական ուղղաթիռներ, կործանիչներ, անօդաչու թռչող սարքեր ու զինծառայողներ են տեղակայվել Խուդաֆերինի կամրջի հատվածում ու Ասլանդուզում: Համարվում է, որ սա պատասխան է Թուրքիայի ու Ադրբեջանի պահվածքին, Արցախի գրավմանը մասնակից Իսրայելին:
Իրանական աղբյուրի հաղորդմամբ՝ Իսլամական հեղափոխության պահապանների կորպուսի և բանակի զորամասերը պատրաստվում են Արաքս գետի երկայնքով զորավարժությունների անցկացմանը:
Ադրբեջանցի զինծառայողը ներխուժել է Մարտակերտի տներից մեկը: Տանը եղել են միայն երկու երեխաներ: Նրանցից մեկը կարողացել է զանգահարել ոստիկանություն, որոնք ժամանել և ձերբակալել են ադրբեջանցուն:
Պակիստանն ու Աֆղանստանը կմիավորվեն Պուշտունիստան պետության մեջ: Իրանը կկործանվի. նրա տարածքում կառաջանան իրանական Ադրբեջան, Պարսկաստան, Թուրքմենստան և Բելուջիստան պետությունները: Թուրքիան կմասնատվի. Քուրդիստանը Դիարբեքիր մայրաքաղաքով կանկախանա, Հայաստանին կվերադարձվեն արևմտյան տարածքները, Հունաստանը կազատագրի Կիպրոսը և այլն:
Ենթադրվում է, որ կրկնվելու է Վրաստանի օրինակը. Հայաստանը, հավանաբար, կստանա Լեռնային Ղարաբաղը՝ այս կամ այն տեսքով, իսկ Ռուսաստանը վերջնականորեն կկորցնի Ադրբեջանը:
Մեկնաբանությունները