Ադրբեջանը Բայրաքթարներ է տեղակայել Նախիջևանի աերոդրոմում
Թուրքական Բայրաքթարները տեղակայվել են Նախիջևանում վերջերս պաշտոնապես բացված օդանավակայանում: Ադրբեջանցի զինվորականները դրանց կառավարման պատրաստությունը Թուրքիայում են անցել:
Ադրբեջանի պաշտպանության նախարարությունը կադրեր է հրապարակել Նախիջևանի առանձին համազորային բանակի և Թուրքիայի զինված ուժերի միջև հունիսի 21-23-ն ընթացող մարտավարական զորավարժություններից: Ինչպես երևում է, ադրբեջանցիները թուրքական Բայրաքթարներ են տեղակայել Նախիջևանում վերջերս պաշտոնապես բացված օդանավակայանում:
Հաղորդվում է, որ լուսանկարված ադրբեջանցի զինվորականները Բայրաքթար անօդաչուների կառավարման պատրաստություն են անցել Թուրքիայում: Նրանք հետ նկարահանվել է Նախիջևանի խորհրդարանի խոսնակ Վասիֆ Թալիբովը:
Ավելի վաղ հրապարակված արբանյակային լուսանկարների և բաց աղբյուրների հիման վրա պարզվել էր, որ Նախիջևանի միջազգային օդանավակայանի տարածքում գտնվող աերոդրոմը շահագործվել է դեռ մինչև 2020թ. պատերազմը:
Ընդհանուր առմամբ` ուղղաթիռների և ինքնաթիռների սպասարկման համար կառուցվել են 8 անգարներ, ավտոկայանատեղիներ, օժանդակ կառույցներ, վերակառուցվել է մեկ թռիչքուղի, իսկ 2021թ. մայիսի 10-ին տեղի է ունեցել օդանավակայանի բացման հանդիսավոր արարողությունը: Բացմանը ներկա է գտնվել Ադրբեջանի նախագահ Ալիևը:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները