Ուշագրավ կարծիք թուրք-ադրբեջանական առաջիկա զորավարժությունների մասին
Համարվում է, որ եթե հայկական զինուժն ու Գյումրու 102-րդ ռազմաբազան ավելի երկար դիմակայեն, քան Ադրբեջանի զինուժը, ապա թուրքական դաշինքի կողմից հետագա գործողությունները կիմաստազրկվեն: Եվ, աղբյուրի համոզմամբ, կստորագրվի հաշտություն Մոսկվայի ու, նույնիսկ, Երևանի պայմաններով:
Ռուսական տելեգրամյան ալիքներից մեկն անդրադարձել է փետրվարի սկզբում Կարսում նախատեսվող թուրք-ադրբեջանական զորավարժություններին: Նշվում է, որ ռուսական Առաջին կամ այլ ալիքների հրապարակումներով ստացվում է` Արցախում խաղաղություն ու միջազգային բարեկամություն է հաստատվել, մինչդեռ իրականությունն այլ է, ինչը գլխավոր շտաբերում քաջ գիտակցում են:
Աղբյուրը կանխատեսում է, որ հաջորդ պատերազմն Անդրկովկասում ենթադրելու է խոշոր խաղացողների ներգրավում, թեև` սահմանափակ զորաքանակով: Եվ որպես հաջորդ պատերազմի նպատակներ են նշվում. Թուրքիայի համար` երրորդ դաշտային բանակի ուժերով հարձակում Երևանի ուղղությամբ, Նախիջևանի տարածքից`ադրբեջանական բանակի ուժերով հարձակում Ադրբեջանի հիմնական տարածքի ուղղությամբ:
Կարծիքի հեղինակի խոսքով` Ռուսաստանը հակամարտության դեպքում ուժգին հարված է հասցնելու Կասպից ծովի ափերին` դուրս գալով և արգելափակելով Ապշերոնյան թերակղզին ու Բաքուն, այնուհետև առաջ շարժվել մինչև Կուր գետի հովիտը` նպատակ ունենալով միավորվել Արցախի Պաշտպանության բանակի և ռուսական խաղաղապահ ուժերի հետ:
Այդ պատճառով, ինչպես նշվում է, Կարսի մարզում թուրքական զորախմբերի գործողությունները հարձակողական բնույթ են կրելու: Հաջորդ զորավարժություններն ընթանալու են արդեն Ադրբեջանի տարածքում, և հենց այն շրջաններում` ՌԴ զինված ուժերի հնարավոր հարվածի շրջանում: Խաղարկվելու են ափամերձ պաշտպանության, ՀՕՊ և հակադիվերսիոն ուժերի գործողությունները:
Որպես առավելագույն խնդիր է ձևակերպվում Ադրբեջանի զինուժի հնարավորությունների բարձրացումն այնքան, որպեսզի կարողանան ռուսական զորքին դիմակայել, մինչև թուրքերը կոչնչացնեն Հայաստանի ԶՈՒ-ն ու կօկուպացնեն Երևանը: Հակառակ դեպքում` պատերազմը կդադարեցվի Բաքվի և Անկարայի համար բավականին բարդ պայմաններով:
Համարվում է, որ եթե հայկական զինուժն ու Գյումրու 102-րդ ռազմաբազան ավելի երկար դիմակայեն, քան Ադրբեջանի զինուժը, ապա թուրքական դաշինքի կողմից հետագա գործողությունները կիմաստազրկվեն: Եվ, աղբյուրի համոզմամբ, կստորագրվի հաշտություն Մոսկվայի ու, նույնիսկ, Երևանի պայմաններով:
Հեղինակը շարունակում է, որ Ռուսաստանի և Թուրքիայի անմիջական բախումը կհանգի Նեղուցների համար պատերազմի և կավարտվի Անկարայի համար ցավալի արդյունքով: Համարվում է, որ ՌԴ-ի համար այս դիպաշարը նույնպես բարդ է լինելու, ուստի ավելի հավանական է համարվում «պրոքսի պատերազմը»` երկու երկրների զինված ուժերի մասնակցությամբ ռազմական գործողություններ` առանց պատերազմ հայտարարելու:
Մեկնաբանությունները