Դիզայներները երեկույթների համար նախատեսված «հակավիրուսային կոստյումի» կոնցեպտ են ներկայացրել
Լոս Անջելեսից հեղինակները ներկայացրել են Micrashell-ը՝ պաշտպանիչ սաղավարտ և խելացի կիսահագուստ, որը թույլ կտա մասնակցել երեկույթների, փառատոների կամ համերգների՝ նույնիսկ համավարակի պայմաններում՝ մոռանալով անհրաժեշտ հեռավորությունը պահպանելու մասին:
Կորոնավիրուսի համավարակը լրջագույն սահմանափակումներ է պարտադրել. բազմաթիվ երկրների բնակիչներ տանն են, փողոց դուրս գալ կարելի է միայն ծայրահեղ դեպքերում՝ բժշկի, խանութ, դեղատուն կամ աշխատանքի, եթե վերջինս պարտադիր է: Մի շարք երկրներում ինքնամեկուսացման պայմանը խախտելու դեպքում վարչական տույժերի են ենթարկվում: Վարակվածի գործողությունների պատճառով այլ անձի մահվան դեպքում քրեական պատասխանատվություն է նախատեսված:
Դրա հետ մեկտեղ՝ շատերս արդեն մի քանի շաբաթ չենք հանդիպել մեր ընկերներին, ծնողներին ու հարազատներին: Ոմանք հարմարվել են, իսկ ոմանք անհամբերությամբ սպասում են, թե երբ են հանդիպելու մտերիմներին, և հոգնել են միապաղաղությունից:
Համացանցի շնորհիվ հնարավոր է ընկերների հետ շփվել Skype-ով կամ Zoom-ով, կարելի է անցնել ուսուցողական առցանց դասընթացներ, դիտել ֆիլմեր, սերիալներ: Սակայն լոսանջելեսյան դիզայներական ընկերությունը՝ Production Club-ը, առաջ է անցել և մշակել է Micrashell անվամբ «կորոնավիրուսից պաշտպանված համազգեստի» կոնցեպցիա:
Հեղինակների խոսքով՝ նման հակավիրուսային կիսասաղավարտը թույլ կտա անվտանգ այցելել երեկույթների, կինոփառատոների, համերգների, սպորտային միջոցառումների, և այդ դեպքում սոցիալական հեռավորություն պահելու կարիք չի լինի:
Հաղորդվել է, որ համազգեստը «անհատական պաշտպանիչ միջոց է հանդիսանում, որը խմբում ապահովում է մարդկանց միջև փոխհարաբերությունները»: Հեղինակները նշել են, որ Micrashell-ը վիրուսից պաշտպանված, հեշտորեն կառավարվող, կրելիս՝ զվարճալի, ախտահանվող, արագ օդափոխվող համազգեստ է, որը թույլ է տալիս շփվել առանց հեռավորության: Նկատվում է բողոքի ակցիաների աճ, որտեղ պահանջում են վերացնել սահմանափակումները: Նշվում է, որ կան քաղաքագետներ, ովքեր քննադատում են նման մարտավարության արդյունավետությունը, և նույնիսկ քաղաքացիներ, ովքեր հրաժարվում են հետևել կանոններին՝ վտանգելով ավելի շատ մարդկանց: Վերջերս ունեցել ենք նաև Հայաստանում նման մոտեցման վերաբերյալ հրապարակում:
Micrashell-ը ծածկում է միայն մարմնի վերին հատվածը, ամուր կտորից է. ֆիլտրացիայով օժտված թափանցիկ սաղավարտով (համակարգը ստեղծված է N95-ի չափանիշներով՝՝օդը վիրուսներից մաքրելու համար), խելացի, անլար ձայնային կապով, արտաքին ու ներքին միկրոֆոններով, ներկառուցված, կառավարվող ակուստիկ համակարգով, վիդեոխցիկով և, իհարկե, սմարթֆոնի համար նախատեսված հավելվածով (հեռախոսը կարելի է լիցքավորել հենց համազգեստից):
Հիմնական նյութը UHMWPE-ի կտորն է (գերբարձրմոլեկուլային պոլիէթիլեն՝ բարձր խտությամբ) և ժապավենային կոմպոզիտը, կորդուրը (նեյլոնե հաստ կտոր՝ անջրանցիկ ու պոլիուրետանային ծածկույթով):
Բացի այդ՝ համազգեստն օժտված է լիթիում-իոնային մարտկոցների երկու համակարգերով՝ անդադար ակտիվ աշխատանքով: Կան նաև լուսադիոդային լամպեր, որոնք ցույց են տալիս տիրոջ տրամադրությունը. օրինակ՝ թարթող ու վազող լույսերը ցույց են տալիս ուրախություն, իսկ կարմիր մշտական լույսը նշանակում է, որ նա «զբաղված է»:
Հեղինակների հպարտությունն այն է, որ Micrashell-ի տերը կարող է ալկոհոլ օգտագործել (նաև այլ խմիչք) և ծխել վեյփ՝ համազգեստը չհանելով: Դա հնարավոր է սաղավարտի տակ տեղադրված հատուկ խցիկներով ու բերանին մոտեցող խողովակով:
Խմիչքը մնում է փակ՝ հատուկ տարայում: Եվ քանի որ սա կիսահագուստ է, ապա լուծված է լոգասենյակ այցելելու հարցը և ֆիզիկական մտերմությունն այլոց հետ:
Վերոնշյալից բացի՝ Micrashell-ն ունի ձեռքով կառավարվող սողնակ և կարգավորվող գոտիներ, որոնցով կարող է համապատասխանեցվել ցանկացած մարդու:
Խմբի ղեկավար Միգել Ռիսուենյոն նշել է, որ Micrashell-ի մշակման սկզբունքն այն է, որ գիտաֆանտաստիկ գործառույթներով չեն օժտել, որոնք դեռևս առկա չեն և միայն խոչընդոտ են հանդիսանալու, սակայն կիրառվել են տեխնոլոգիաներ, որոնք հասանելի են: Նրա խոսքով՝ հեղինակները չեն ցանկացել, որ այն նմանվի Հոմեր Սիմփսոնի մեքենային:
Համավարակը բազմաթիվ մշակողների է դրդել՝ նախաձեռնություններ ներկայացնելու. ռուսաստանցի մասնագետները պաշտպանիչ համազգեստ են ստեղծել բժիշկների ու վարակի առումով վտանգված մարդկանց համար, իսկ ԱՄՆ-ում ստեղծել են կորոնավիրուսի առկայությունն ինքնուրույն հայտնաբերող ռոբոտացված համակարգեր:
Telegram 
Facebook 
Google News NASA-ի Parker Solar Probe սարքի տվյալներով գիտնականները պարզել են, որ արևային քամու մագնիսական տատանումների պտույտի ուղղությունը փոխվում է՝ կախված դիտարկվող մասշտաբից։ Արդյունքն օգնում է հասկանալ տիեզերական պլազմայի տուրբուլենտ վարքը և կարող է օգտակար լինել տիեզերական եղանակի մոդելավորման համար։
Ֆիզիկոսների տեսական հաշվարկները ցույց են տվել, որ լույսի քվանտային տատանումները կարող են փոխել ատոմներից արձակվող էլեկտրոնների ազդանշանը։ Այդ փոփոխությունը չափման մեջ կարող է երևալ որպես մի քանի տասնյակ ատտովայրկյանի լրացուցիչ ուշացում՝ լույսի հատկությունները հետազոտելու նոր հնարավորություն տալով։
Գերմանիայի Հելֆտա թագավորական նստավայրի պեղումներում հայտնաբերվել է X դարի քարե շենք՝ նկուղով և լավ պահպանված մուտքի աստիճաններով։ Դրա նշանակությունը դեռ պարզ չէ․ հնագետները քննարկում են հյուրատան կամ նստավայրի կառավարչի տան վարկածները։
Հայաստանի առողջապահության նախարարությունը պայմանական թույլտվություն է տվել ամերիկյան Agenus ընկերության Botvymo և Evamplix դեղամիջոցների համատեղ կիրառմանը՝ աղիների քաղցկեղի որոշակի տեսակի բուժման համար։ Ընկերության հաղորդմամբ՝ սա երկու դեղամիջոցների առաջին պաշտոնական գրանցումն է աշխարհում։
Գիտնականներն ուսումնասիրել են Սուրբ Հեղինե կղզում ապրող Ջոնաթան հսկա կրիայի գենոմն ու գեների ակտիվությունը կարգավորող քիմիական նշումները։ Ըստ գնահատականների՝ 194 տարեկան կենդանու մոտ հայտնաբերված որոշ առանձնահատկություններ կարող են առնչվել նրա երկարակեցությանը, սակայն այդ կապը դեռ ապացուցված չէ։
Էկվադորի Ամազոնիայում հայտնաբերված Taczanowskia waska սարդի մարմնի ելուստները սնկային գոյացություններ են հիշեցնում։ Հետազոտողների վարկածով՝ այդ նմանությունը կարող է օգնել նրան խուսափել գիշատիչներից կամ աննկատ որսալ։
Wildberries-ը Հայաստանում գործարկել է WB Taxi տաքսի ծառայությունը։ Առաջին փուլում ծառայությունը վաղ հասանելիության ռեժիմով աշխատում է Երևանում և հասանելի է ընկերության աշխատակիցների ու գործընկերների համար, սակայն նախատեսվում է աստիճանաբար ընդլայնել օգտատերերի շրջանակը։
Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։
Մի ինքնաթիռի հետևում երկար սպիտակ գիծ է ձգվում, իսկ մյուսի հետևում երկինքը մնում է պարզ։ Այս տարբերությունը պայմանավորված է օդի վիճակով և շարժիչների աշխատանքով, ոչ թե ինքնին ապացուցում է «թունավոր նյութերի ցրում»։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները