Իտալիայում 1 օրում 793 մարդ է մահացել կորոնավիրուսից

Covid-19-ից մահացությունների քանակով (մոտ 4,9 հազար) Իտալիան առաջին տեղում է: Երկու շաբաթով դադարեցվել է ցանկացած տեսակի գործունեություն, բացի կենսական նշանակություն ունեցողներից:

Նորություններ

# COVID-19

# Իտալիա

# Մահացություններ

# Պանդեմիա

Մահացությունների թվով Իտալիան առաջին տեղում է / © Flickr / Հեղինակ՝ անհայտ, լուսանկարը տրամադրել է օգտատերը

Իտալիայում մեկ օրվա ընթացքում աննախադեպ թվով մահացություններ են գրանցվել նոր տեսակի կորոնավիրուսի հետևանքով: Շաբաթ օրն այդ երկրում մահացել է 793 մարդ. մահացածների ընդհանուր թիվն Իտալիայում հասել է 4,9 հազարի: Սա ավելին է, քան Չինաստանում գրանցված մահացությունները: Վարակվածների թիվն Իտալիայում շուրջ 53,5 հազար է: 6 հազարից ավելին առողջացել են:

Իտալիայի վարչապետ Ջուզեպե Կոնտեն այս գիշեր դիմել է ժողովրդին` հայտարարելով, որ երկու շաբաթով դադարեցվում է ցանկացած տեսակի գործունեություն, բացի կենսական նշանակություն ունեցողներից: Սահմանափակում չի տարածվում տրանսպորտի, բժշկության, էներգետիկայի և գյուղատնտեսության վրա, գործելու են նաև խանութներն ու դեղատները: Սակայն մնացյալ բոլոր տնտեսական գործառույթները սառեցվել են առնվազն մինչև ապրիլի 3-ը: Կոնտեի խոսքով՝ Իտալիան բախվել է լրջագույն ճգնաժամի, ինչպիսին տեղի չէր ունեցել Երկրորդ համաշխարհայինից հետո:

Հաղորդվում է, որ Իտալիայում մեկ օրվա ընթացքում կտրուկ աճել է նաև վարակվածների թիվը՝ ավելանալով շուրջ 6,5 հազարով: Մոտ 3 հազար պացիենտ գտնվում է ծանր վիճակում: Ամբողջ աշխարհում վարակվածների թիվն անցել է 311 հազարից, մահացել է 13,4 հազար մարդ, առողջացել են 93,7 հազարը:

Վրիպա՞կ գտաք։ Նշեք հատվածը և սեղմեք Ctrl + Enter։