Սթոունհենջից մի քանի կիլոմետր հեռավորությամբ նեոլիթյան դարաշրջանի հորեր են հայտնաբերվել — Շեշտ.am (shesht.am)
6 րոպե
Խմբագրություն

Սթոունհենջից մի քանի կիլոմետր հեռավորությամբ նեոլիթյան դարաշրջանի հորեր են հայտնաբերվել

Մեծ Բրիտանիայում հայտնաբերվել են այսպես կոչված Դարինգթոնյան հորերը, որոնք կառուցվել են շուրջ 4,5 հազար տարի առաջ և, գիտնականների խոսքով, ունեցել են տիեզերագիտական նշանակություն:

Դարինգթոնի հորերը / © Heritage Images

Մեծ Բրիտանիայի Բրեդֆորդի համալսարանի հնագետները հայտարարել են հանրահայտ Սթոունհենջից 3 կմ հեռավորության վրա գտնվող Դարինգթոն Ուուլս բնակավայրի մոտ նեոլիթի դարաշրջանի խոշոր հուշարձանի բացահայտման մասին:

Հայտնաբերվել են նեոլիթյան 20 հանքահորեր, որոնք թվագրվում են մ.թ.ա. մոտ 2500-ական թվականներով և տարածվում են Դարինգթոնի (Դարինգթոն Ուոլս, նեոլիթյան հենջ) և Վուդհենջի (փայտե շրջան) պատերի շուրջը: Ավելի քան 4 հազար տարի առաջ մարդիկ, ովքեր կառուցել են Սթոունհենջը, նաև փորել են մի շարք գլաններ՝ ձևավորելով շուրջ 2 կմ տրամածգով շրջան:

Ըստ ամենայնի՝ այդ հորերը «տիեզերագիտական նշանակություն» ունեն. գծանշվել են սահմաններ, որոնց ներսում՝ կենտրոնում, տեղակայվել են Դարինգթոն Ուոլսը. կամ ուղղորդել են դեպի այն, կամ՝ պաշտպանել: Յուրաքանչյուր հոր ունեցել է շուրջ 5 մետր խորություն, 10 մետր լայնություն: Ենթադրվում է, որ դրանք կարող են լինել 30-ից ավելին (բոլորի հետազոտությունը ներկայումս անհնար է):

Դարինգթոնի (Ուիլտշիր) պատերը տեղակայված են նախապատմական մի վայրի կենտրոնում, որը հայտնի է Դարինգթոնի հորեր անվամբ / © Heritage Images

Հետազոտության առաջատար հեղինակներից պրոֆեսոր Վինսենտ Գաֆնին նշել է, որ դա աննախադեպ գտածո է, որն ունի մեծ նշանակություն: Սթոունհենջի և նրա լանդշաֆտի գլխավոր հետազոտողներն ապշել են հայտնաբերված կառույցի չափերից և այն փաստից, որ մինչ օրս չի գտնվել, չնայած որ Սթոունհենջին այդքան մոտ է: Գիտնականի խոսքով՝ հորերի և Դարինգթոնի պատերը եզերող ուրվագծի չափերը յուրահատուկ են: Դա ցույց է տալիս հենջի նշանակություն, հուշարձանային կառուցվածքների բարդությունը, ինչպես նաև նեոլիթյան հասարակության ունակությունն ու ցանկությունը՝ հավատքի տիեզերական համակարգերը վավերագրելու այսպիսի մեթոդներով ու չափերով, որոնք անսպասելի էին:

Մասնագետները նշել են, որ հորերի բացահայտումն առաջին ապացույցն է, որ Բրիտանիայի վաղ շրջանի բնակչությունը հիմնականում ֆերմերային հանրություն է եղել, տիրապետել է ինժեներական հմտությունների. այսպիսի չափերի շինվածք կառուցել հնարավոր էր միայն շինարարության բազմաթիվ փուլեր հաշվի առնելով: Բացի այդ՝ ապշեցնում են պատկերացումն ու ջանքերը, որոնք պահանջվել են այսպիսի հսկայական հորերի համար:

Դարինգթոնի հորերի շրջակա տարածքը, հիմնական հուշարձանները և Դարինգթոնի պատերից մինչև նշված մարմիններն ընկած միջին հեռավորությունը, անիմացիա

Չնայած նրան, որ Սթոունհենջի շրջակա տարածքն աշխարհում ամենահետազոտվածն է, Դարինգթոնի հորերը, որոնք հազարամյակներ շարունակ բնական ճանապարհով լցվել են ջրով, մշտապես դիտարկվել են որպես սովորական ոչ մեծ լճակներ: Սակայն ժամանակակից տեխնոլոգիաների, հետախուզական գեոֆիզիկայի, գեոռադարների ու մագնիսաչափերի օգնությամբ հայտնաբերվել է դրանց իրական նշանակությունը: Ռադիոածխածնային թվագրմամբ հորային բների հետազոտությունը ցույց է տվել, թե երբ են կառուցվել:

Պրոֆեսոր Գաֆնին հավելել է, որ երևում են երկու զանգվածային հուշարձաններ՝ իրենց տարածքներով: Լոնդոնի համալսարանական քոլեջից Մայքլ Պարկեր Պիրսոնը և այլ հնագետները ենթադրել են, որ, թեև Սթոունհենջն իր քարե կառուցվածքներով մահացածների վայր է եղել, Դարինգթոնն իր փայտե կառուցվածքներով նախատեսված է եղել ողջերի համար:

Ավելի վաղ Լոնդոնի համալսարանական քոլեջի հետազոտողները պարզել էին, որ Սթոունհենջի ստորգետնյա քարերը բերված են 230 կմ հեռավորության վրա գտնվող Էյմսբերիի քարհանքից:

Ամենաընթերցվածը

4 րոպե
Խմբագրություն

Սամվել Բաբայանը հայտարարել է, որ Ռուսաստանը Հայաստանին տրամադրել է գնված 24 միավոր ՏՈՌ-երից միայն 6-ը, իսկ 6 միավոր ԲՈՒԿ-երից 5-ը չեն աշխատել: Նրա խոսքով` ռուս մասնագետները դրանք վերանորոգելու համար Հայաստան կարող էին գալ միայն նոյեմբերի 3-ին, աշխատանքներն ավարտել` նոյեմբերի 10-ին:

4 րոպե
Խմբագրություն

«Ռեալիստի» գլխավոր խմբագրի համոզմամբ` «Զանգեզուրի միջանցքն» աշխարհաքաղաքական «տուրք» է, որը Կրեմլը վճարում է Ռուսաստանի վրա չհարձակվելու երաշխիքի դիմաց: Նրա խոսքով` Արարատի մարզում ռուսական ուղղաթիռի խոցումն Անկարայի կողմից Մոսկվային ուղղված ուղիղ սպառնալիք է հենց այդ համատեքստում:

1 րոպե
Խմբագրություն

Էրդողանը շեշտել է, որ նախ Իլհամ Ալիևն այդ թեմայով պետք է խորհրդատվություններ անցկացնի Ռուսաստանի նախագահ Վլադիմիր Պուտնինի հետ, ինչից հետո իրականացվի ռազմաբազաների տեղակայումն Ադրբեջանում:

4 րոպե
Խմբագրություն

Սամվել Բաբայանը հայտարարել է, որ Ռուսաստանը Հայաստանին տրամադրել է գնված 24 միավոր ՏՈՌ-երից միայն 6-ը, իսկ 6 միավոր ԲՈՒԿ-երից 5-ը չեն աշխատել: Նրա խոսքով` ռուս մասնագետները դրանք վերանորոգելու համար Հայաստան կարող էին գալ միայն նոյեմբերի 3-ին, աշխատանքներն ավարտել` նոյեմբերի 10-ին:

3 րոպե
Խմբագրություն

Կուսակցություններից մեկի Գավառի տարածքային գրասենյակի ղեկավար Ա. Ա.-ն ընտրողներին կաշառք տալու համար նույն գրասենյակի քարտուղար Ս. Զ.-ի՝ Գավառ քաղաքում գտնվող բնակարան է տեղափոխել շուրջ 80 փաթեթ սննդամթերք՝ հանձնարարելով նրան ըստ ցուցակի բաժանել ընտրողներին:

1 րոպե
Խմբագրություն

Հաղորդվում է, որ ապօրինի գույքի բռնագանձման մասին օրենքն առաջին անգամ գործի է դրվել: Վլադիմիր Գասպարյանին և նրա հետ կապված անձանց պատկանող 4 առանձնատուն է բռնագանձվել, 2 բնակարան, 3 հողակտոր, 4 մեքենա, 1 ավտոտնակ: Սերոբ Հարությունյանը և նրա «զինակիցները» զրկվել են 2 բնակարանից, Հյուսիսային պողոտայի 2 կայանատեղիներից, 1 մեքենայից և 1 անշարժ գույքից:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.