Ըստ հարցումների՝ բնակչության 45%-ը գտնում է, որ վարչապետը պետք է հրաժարական ներկայացնի, 38%-ը հակառակն է պնդում — Շեշտ.am (shesht.am)
3 րոպե
Խմբագրություն

Ըստ հարցումների՝ բնակչության 45%-ը գտնում է, որ վարչապետը պետք է հրաժարական ներկայացնի, 38%-ը հակառակն է պնդում

Նշվում է, որ վարչապետի վարկանիշը կտրուկ ընկել է հոկտեմբերի 26-ից հետո, երբ Փաշինյանն ուղիղ եթերում հայտարարեց, որ Հայաստանն անհրաժեշտության դեպքում կարող է գնալ ցավոտ զիջումների, և նոյեմբերի 9-ի երեկոյան՝ եռակողմ հայտարարության ստորագրումից հետո:

ՀՀ վարչապետ Նիկոլ Փաշինյան / © Hayk Baghdasaryan, Photolure

Gallup International Association-ի վերջին հարցումների համաձայն՝ Հայաստանի բնակիչների գրեթե կեսը համարում են, որ վարչապետ Նիկոլ Փաշինյանը պետք է հրաժարական ներկայացնի: Միջազգային հետազոտական ընկերության հարցումներն իրականացվել են նոյեմբերի 25-ից մինչև դեկտեմբերի 2-ը՝ հեռախոսազրույցի միջոցով, ընդգրկվել են բոլոր քաղաքներն ու շրջանները:

Այսպես, հարցվածների 38%-ը պատասխանել են, որ վարչապետը պետք է շարունակի պաշտոնավարումը, իսկ 45%-ի կարծիքով՝ նա պետք է հրաժարական ներկայացնի:

2020թ. հուլիսին, Gallup-ի տվյալներով, Նիկոլ Փաշինյանը վայելել է բնակչության 85%-ի աջակցությունը, իսկ արդեն դեկտեմբերին՝ 38%:

Նշվում է, որ վարչապետի վարկանիշը կտրուկ ընկել է հոկտեմբերի 26-ից հետո, երբ Փաշինյանն ուղիղ եթերում հայտարարեց, որ Հայաստանն անհրաժեշտության դեպքում կարող է գնալ ցավոտ զիջումների, և նոյեմբերի 9-ի երեկոյան՝ եռակողմ հայտարարության ստորագրումից հետո:

Հարցվածների 42%-ը նշել են, որ ծանոթ են վարչապետի ներկայացրած 6-ամսյա հակաճգնաժամային ծրագրին, իսկ կեսից ավելին՝ 53%-ը, ընդհանրապես չեն կարդացել այն: 41%-ն արտահերթ խորհրդարանական ընտրությունների անհրաժեշտություն չեն տեսնում, 46%-ը համարում են, որ այդպիսի ընտրություններ են պետք:

Ընկերության հարցումների համաձայն՝ 32%-ը նախընտրում են, որ Հայաստանը վերադառնա կառավարման նախագահական համակարգի, 38%-ի կարծիքով՝ խորհրդարանական համակարգը ձեռնտու է: 30%-ը դժվարացել են մեկնաբանել այս կետը. Gallup-ի տնօրենի խոսքով՝ վերջին ցուցանիշի պատճառը տարբերություններին անտեղյակությունն է:

Հարցվածների կեսից ավելին՝ 56%-ը, Արցախյան 2-րդ պատերազմից հետո Հայաստանում իրենց անվտանգ չեն զգում: 19%-ը նշել են, որ իրենց ավելի անվտանգ են զգում ներկայումս, ևս 19%-ի կարծիքով՝ անվտանգային փոփոխություն տեղի չի ունեցել:

Ընկերության տնօրեն Արամ Նավասարդյանը նշել է, որ մինչև տարվա վերջ անցկացվելու են ևս 2 հարցումներ, որոնցում ներառվելու են Հայաստանի քաղաքական կյանքին առնչվող հարցեր:

Ամենաընթերցվածը

1 րոպե
Խմբագրություն

Թուրքիայում ռուս զբոսաշրջիկների մասնակցությամբ ավտոտրանսպորտային խոշոր պատահար է գրանցվել: Ռուսական աղբյուրները բարձրաձայնում են, որ ռուս զբոսաշրջիկները չպետք է այցելեն «թշնամական երկրներ»` Թուրքիա և Վրաստան:

3 րոպե
Խմբագրություն

Յաքըշը բացառել է պատերազմի հավանականությունը` նշելով, որ տարբեր տարածաշրջաններում առկա տարաձայնությունները չեն ազդում համագործակցության այլ ուղղությունների վրա: Նրա կանխատեսմամբ` երկու երկրների միջև հարաբերությունները շարունակելու են բարգավաճել:

1 րոպե
Խմբագրություն

Հայկական անօդաչու թռչող սարքեր արտադրող Davaro ընկերության տնօրեն Դավիթ Գալոյանն իր ֆեյսբուքյան էջում հրապարակել է սեփական արտադրության «DEV-3» և «DEV-4» ԱԹՍ-ները:

8 րոպե
Խմբագրություն

Կասպից ծովով կարող է անցնել թուրքմենական գազն Ադրբեջանով ու Թուրքիայով Եվրոպա հասցնող գազատարը, ինչպես նաև Չինաստանից Եվրոպա ձգվող «Միջին միջանցքը»: 2018թ.-ի Կոնվենցիայով Մոսկվային համաձայնությունը պարտադիր չէ, սակայն մեծապես կվնասեն «Գազպրոմին» և ռուսական տարանցիկ ուղիներին:

3 րոպե
Խմբագրություն

Վարչապետն ընդգծել է, որ Սու-30ՍՄ ինքնաթիռները ժամանակակից բազմաֆունկցիոնալ կործանիչներ են, և դրանց գնումը նախատեսված է ինչպես երկկողմ պայմանագրային փաստաթղթերով, այնպես էլ ազգային Զինված ուժերի զարգացման ծրագրով:

2 րոպե
Խմբագրություն

Գերիների շահերի ներկայացուցիչ Սիրանուշ Սահակյանի խոսքով` մոտ 200 գերիների վերադարձման դիմաց առաջ քաշված պայմաններն են` ՀՀ զինված ուժերի դուրսբերումն Արցախի տարածքից, Տիգրանաշենի հանձնումը, Կարմիր Շուկա ավտոճանապարհի նկատմամբ վերահսկողությունը:

1 րոպե
Խմբագրություն

Հաղորդվում է, որ Արցախում մնալու են միայն այն ստորաբաժանումները, որոնք կազմված են տեղի բնակիչներից: Հայաստանի ժամկետային զինծառայողներին այլևս ծառայության չեն ուղարկելու Արցախ:

2 րոպե
Խմբագրություն

Նշվում է, որ զինտեխնիկայի տեղափոխման նպատակը Հայաստանի Սյունիքի մարզում գործողություններն են: Իրանական աղբյուրը շեշտում է, որ լայնամասշտաբ պատերազմը կանխելու նպատակով անհրաժեշտ է իրանական զինուժն անհապաղ տեղակայել հայ-նախիջևանյան սահմանի երկայնքով:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.