Հ. Թումանյան
3

Ֆիզիկոսները պղնձօքսիդային գերհաղորդչի «կեղծ ճեղքի» էներգիան կապել են էլեկտրոնների զույգավորման հետ։ Արդյունքը հուշում է, որ ավելի բարձր ջերմաստիճանում գերհաղորդականության համար վճռորոշ կարող է լինել զույգերի քվանտային համաձայնեցվածությունը։

Հ. Թումանյան
4

Ավստրալիացի հետազոտողները նեյրացանցերի ուսուցման արդյունքների տարբերությունը կապել են մեկնարկային պայմանների ֆրակտալ կառուցվածքի հետ։ Նրանց փորձերում նույնիսկ գրեթե նույն կարգավորումներով ուսուցանված ցանցերը կարող էին տարբեր պատասխաններ տալ։

Հ. Թումանյան
2

Սովորական ութոտնուկների մասնակցությամբ փորձերում գիտնականները նկարագրել են նեղ անցքերով անցնելու երեք կամ չորս քայլից բաղկացած հաջորդականություններ։ Դրանց տարբերությունը մարմինն ու շոշափուկները միասին կամ առանձին անցկացնելու մեջ է։

Հ. Թումանյան
4

Գիտնականները պարզել են, թե ինչպես է դրոզոֆիլան հարսնյակի անշարժ փուլում սահմանափակում ջրի կորուստը։ Պաշտպանող լիպիդային շերտը ձևավորվում է դեռ թրթուրի կուտակած պաշարներից, իսկ դրա սինթեզին մասնակցող ֆերմենտի բացակայությունը շոգ ու չոր պայմաններում կարող է մահացու լինել։

Հ. Թումանյան
2

Կատալոնիայի Ֆոնտ Մաժոր քարանձավի պատերին և առաստաղին հետազոտողները նկարագրել են 280 փորագրված պատկեր ու նշան, որոնցից 55-ը կենդանիներ են ներկայացնում։ Նոյեմբերի 5-ին Antiquity ամսագրում հրապարակված ուսումնասիրությունը նոր տվյալներ է տալիս Պիրենեյան թերակղզու հյուսիսարևելքում պալեոլիթյան արվեստի տարածման մասին։

Հ. Թումանյան
4

Միջազգային տիեզերակայանում տեղադրել և բացել են ութերորդ՝ վերջին նոր ծալվող արևային մարտկոցը։ NASA-ի տվյալներով՝ ամբողջ արդիականացմամբ կայանի էլեկտրաէներգիայի արտադրության հզորությունը 160 կիլովատից հասել է մոտ 215 կիլովատի։

Հ. Թումանյան
6

Չինական «Տյանգուն» տիեզերակայանում գիտնականները ռուբիդիումի մոտ 20 հազար ատոմից կազմված ամպ են ստացել, որի համարժեք ջերմաստիճանը գնահատել են 9,7 պիկոկելվին։ Սա բացարձակ զրոյից ընդամենը կելվինի տրիլիոներորդական մասերով բարձր ջերմաստիճան է։

Հ. Թումանյան
3

Յուկատան թերակղզու երկու լճի հատակից վերցված նմուշները ցույց են տվել, որ հին մայաների բնակավայրերի մոտ սնդիկի պարունակությունը դարեր շարունակ գերազանցել է այսօր ջրային կենդանիների համար վտանգավոր համարվող շեմերը։ Նույն ժամանակաշրջանի նստվածքներում նվազել են ջրիմուռների և մի շարք այլ օրգանիզմների հետքերը։

Հ. Թումանյան
3

Մոնաշի և Օքսֆորդի համալսարանների ֆիզիկոսները պերովսկիտի բարակ թաղանթում հայտնաբերել են տեղային էլեկտրական բևեռացում։ Այն ի հայտ է գալիս բյուրեղի որոշ հատվածների սահմաններին և ընդգրկում է ընդամենը մի քանի ատոմային շերտ։

Հ. Թումանյան
2

Փրինսթոնի համալսարանի փորձերում այլ արուների կռիվը դիտած արու մկներն ավելի արագ են հարձակվել անծանոթ հակառակորդի վրա, քան կռիվ չտեսած մկները։ Սակայն նրանց հարձակումների ընդհանուր տևողությունը չի ավելացել։

Հ. Թումանյան
3

Աստղի լույսը հեռացնելու նոր մեթոդով աստղագետներն առաջին անգամ ստացել են 51 Էրիդանի b հսկա էկզոմոլորակի պատկերը 4,3 միկրոմետր ալիքի երկարությամբ։ «Ջեյմս Ուեբ» տիեզերական աստղադիտակի նույն տվյալների նախորդ մշակման ժամանակ մոլորակի ազդանշանը չէր երևացել։

Հ. Թումանյան
2

Գաբոնի վայրի մանդրիլների 11 տարվա դիտարկումները ցույց են տվել, որ մինչև մեկ տարեկան ձագ խնամող էգերի մոտ նոր հղիությունն ավելի հաճախ է ընդհատվում։ Կապն ավելի ուժեղ է եղել, երբ ձագերն ավելի հաճախ են ճիչերով ու տնքոցներով պահանջել մոր ուշադրությունը։

Հ. Թումանյան
3

Բրազիլիայում հայտնաբերված դինոզավրի ոտքի բրածո ոսկրում գիտնականները գտել են հեմի՝ հեմոգլոբինի բաղադրիչի հետքեր։ Դրանք պահպանվել են ոսկրի անոթային խողովակներում՝ հանքայնացած գոյացությունների ներսում, որոնք հետազոտողները համարում են արյան կարմիր բջիջների մնացորդներ։

Հ. Թումանյան
2

Հարավային օվկիանոսից դեպի հյուսիս շարժվող երկու ջրազանգվածներից մեկում ավելի արագ են կուտակվում նիտրատն ու ֆոսֆատը, մյուսում՝ սիլիկատը։ Այդ տարբերությունը կարող է ազդել, թե ֆիտոպլանկտոնի որ խմբերն ավելի բարենպաստ պայմաններ կգտնեն այնտեղ, որտեղ ջրերը կրկին հասնում են մակերևույթ։

Հ. Թումանյան
2

Պերուի և Արգենտինայի լեռներում հայտնաբերված ութ մումիաների ուսումնասիրությունը ցույց է տվել, որ զոհաբերված երեխաներն ու պատանիները տարբեր նյութեր են օգտագործել։ Մազերի բոլոր վեց նմուշներում կոկայի հետքեր են գտել, իսկ ալկոհոլի օգտագործման նշաններ՝ Արգենտինայում հայտնաբերված մումիաների մազերի նմուշներում։

Հ. Թումանյան
5

CERN-ի LHCb փորձարարական խումբը ստացել է B⁰ մեզոնի՝ մյուոնի և հակամյուոնի տրոհման վկայություն։ Ըստ Ստանդարտ մոդելի՝ այս պրոցեսը տեղի է ունենում նման մեզոնների մոտավորապես յուրաքանչյուր տասը միլիարդ տրոհումից մեկում։

Հ. Թումանյան
5

Բջջային մշակույթների և մկների վրա կատարված փորձերը ցույց են տվել, որ cGAS սպիտակուցի կորուստը մեծացնում է բջիջներում խոլեստերինի կուտակումը և նպաստում ուռուցքի աճին։ Աշխատանքը բացահայտում է այս իմունային սպիտակուցի ևս մեկ գործառույթ՝ բջջակորիզում գեների ակտիվության կարգավորումը։

Հ. Թումանյան
3

Հետազոտողները ցույց են տվել, որ նանոմասնիկների մակերեսի ճկուն պոլիմերային շղթաները կարող են ինքնուրույն վերադասավորվել և սահմանափակել հարևան մասնիկների հետ կապերի թիվը։ Դա թույլ է տալիս ստանալ ավելի նոսր բյուրեղային կառուցվածքներ՝ առանց մասնիկների ձևը բարդացնելու։

Հ. Թումանյան
2

Մոտակա 37 գաճաճ գալակտիկաների ուսումնասիրությունը ցույց է տվել, որ դրանցում մնացել է աստղերի գոյացրած թթվածնի ընդամենը 4–25 տոկոսը՝ միջինը մոտ 11 տոկոս։ Հեղինակների գնահատմամբ՝ գերնոր աստղերի պայթյուններով պայմանավորված գազային արտահոսքերը այդ տարրի մեծ մասը դուրս են մղել գալակտիկաներից։

Հ. Թումանյան
2

Գիտնականները նկարագրել են PNGaseA ֆերմենտը, որով նորածինների աղիքներում հանդիպող Bifidobacterium bifidum բակտերիաները կարող են շաքարներն անջատել կարճ սպիտակուցային շղթաներից։ Աշխատանքը բացահայտում է կրծքի կաթի բաղադրիչների օգտագործման մի մեխանիզմ, որը կարող է օգնել ավելի լավ հասկանալ աղիքային միկրոբիոմի ձևավորումը։