Հայաստանի՝ չեխական L-39 Skyfox ուսումնական ինքնաթիռներ ձեռք բերելու հնարավորության մասին ենթադրությունները կապում են երկու իրադարձության հետ՝ չբացահայտված պատվիրատուի համար չորս մեքենայի արտադրության և Վահագն Խաչատուրյանի՝ Aero Vodochody այցի։ Սակայն այս տեղեկությունները դեռ չեն հաստատում Հայաստանի հետ պայմանագրի առկայությունը։

Bell Textron-ը Տեխասի Ամարիլոյի գործարանում սկսել է Նիգերիայի համար նախատեսված առաջին AH-1Z Viper հարվածային ուղղաթիռի արտադրությունը։ Ընկերությունը պետք է պատրաստի 12 ուղղաթիռ և արտադրությունն ավարտի 2029 թվականի սկզբին։

Հայաստանի բանակի հատուկ նշանակության ստորաբաժանման զինծառայողները պարապմունք են անցկացրել «Բաստիոն» զրահամեքենաների ներգրավմամբ։ Տեսանյութը հրապարակել է պաշտպանության նախարար Սուրեն Պապիկյանը, իսկ պարապմունքի վայրն ու անցկացման օրը չեն նշվել։

Երևանում սեպտեմբերի 18-ին անցկացված Հայաստան–ԱՄՆ պաշտպանական խորհրդակցություններն ավարտվել են արձանագրության ստորագրմամբ։ Կողմերն ամփոփել են արդեն իրականացված ծրագրերն ու քննարկել համագործակցությունը զարգացնելու հնարավորությունները։

Mojave անօդաչու թռչող սարքը Հարավային Կորեայում վայրէջք է կատարել տանկերի ու հրետանու տեղաշարժի համար օգտագործվող անհարթ ճանապարհին, ապա կրկին օդ բարձրացել։ Ցուցադրական թռիչքն անցկացվել է նմանակված մարտական պայմաններում՝ ցամաքային կայաններից օդաչուների կառավարմամբ։

Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։