Ռոբոտը ջուրը գլխից պոչ տեղափոխելով հաղթահարել է 15 սանտիմետրանոց աստիճանը
Նյու Յորքի համալսարանի ինժեներները ստեղծել են ճիճվանման WorMa ռոբոտը, որը ջուրն իր գլխի և պոչի միջև տեղափոխելով փոխում է ծանրության կենտրոնը։ Լաբորատոր փորձերում այն բարձրացել է թեքությամբ, հաղթահարել 15 սանտիմետր բարձրությամբ աստիճան և լողացել՝ պահպանելով շարժման նույն հիմնական սկզբունքը։
Նյու Յորքի համալսարանի Tandon ինժեներական դպրոցը մշակումը սեպտեմբերի 16-ին ներկայացրել է իր կայքում։ Դանիիլ Ֆիլիմոնովի և Նանա Օբայաշիի հետազոտությունը հրապարակվել է Advanced Robotics Research ամսագրում։
Ռոբոտն ունի 50 սանտիմետր երկարություն և մեկ կիլոգրամից փոքր-ինչ ավելի զանգված։ Նրա հինգ հատվածները միացված են չորս հոդերով։ Գլխի ու պոչի ջրամբարների միջև պոմպը տեղափոխում է մոտ 300 գրամ ջուր՝ ամբողջ զանգվածի շուրջ 28 տոկոսը։ Այդպես ռոբոտը շարժվում է մարմնի ալիքաձև ծալումներով, իսկ ջրի տեղաշարժով փոխում է հենման պայմանները։
Գլխի հատվածը ծանրացնելը օգնել է բարձրանալ փորձարկված ամենազառիթափ՝ 19,5 աստիճան թեքությամբ մակերևույթով։ Մյուս փորձարկված բաշխումների դեպքում ռոբոտը սահել է ներքև։ Ջրում հակառակն է օգտակար եղել. պոչում կուտակված ջրով ռոբոտը լողացել է ավելի արագ, քան գլխի հատվածը ծանրացնելու դեպքում։
Աստիճանը հաղթահարելու համար մեկ հաստատուն բաշխումը չի բավականացրել։ Սկզբում ջուրը մղվել է դեպի գլուխը, հետո՝ պոչը, որպեսզի առջևի մասը բարձրանա։ Երբ գլուխը հենվել է աստիճանի եզրին, ջուրը կրկին տեղափոխվել է առաջ, և ռոբոտը շարունակել է բարձրանալ։
Մոտեցումն առայժմ սահմանափակումներ ունի. ջրի ամբողջական տեղափոխումը տևել է շուրջ 110 վայրկյան։ Հոդվածում շարժման արդյունավետությունը գնահատելիս այդ վերաբաշխման ժամանակը չեն ներառել, ուստի արդյունքները չեն նկարագրում ամբողջ երթուղու էներգածախսն ու տևողությունը։
Փորձանմուշը հեռակառավարվել է համակարգչից. տեղանքը ճանաչելու և ջուրն ինքնուրույն վերաբաշխելու կարողություն այս աշխատանքում չեն ցուցադրել։ Հեղինակները նախատեսում են կատարելագործել պոմպն ու ավելացնել սենսորներով կառավարում։ Շրջակա միջավայրի ուսումնասիրությունն ու ենթակառուցվածքների զննումը դիտարկվում են որպես հնարավոր հետագա կիրառություններ, ոչ թե արդեն իրականացվող աշխատանքներ։
Telegram 
Facebook 
Google News Գերմանիայի դաշնային հետախուզական ծառայության (BND) նախկին ղեկավար Ավգուստ Հանինգը, Der Spiegel-ի տվյալներով, գաղտնի փաստաթղթերի հիման վրա զեկույց է կազմել Ադրբեջանի հետախուզության ներկայացուցչի համար։ Քննությունը դեռ պարզում է՝ արդյոք այն հասել է հասցեատիրոջը։
Շաքիում կալանավորված Ադրբեջանի զինծառայող Նասիմի Մուսաևի նկատմամբ սկսված քննությունը կշարունակվի Հայաստանում։ Վարչապետ Նիկոլ Փաշինյանը հայտարարել է, որ այս միջադեպը չի կապվում Ադրբեջանում պահվող հայ գերիների հնարավոր փոխանակման հետ։
Վարչապետ Նիկոլ Փաշինյանի խոսքով՝ Amazon-ի հնարավոր ներդրումների համար անհրաժեշտ է շուրջօրյա կայուն էլեկտրամատակարարում։ Ընկերության պահանջը նա կապել է 1000 ՄՎտ հզորությամբ կայանի առկայության հետ։
Մի ինքնաթիռի հետևում երկար սպիտակ գիծ է ձգվում, իսկ մյուսի հետևում երկինքը մնում է պարզ։ Այս տարբերությունը պայմանավորված է օդի վիճակով և շարժիչների աշխատանքով, ոչ թե ինքնին ապացուցում է «թունավոր նյութերի ցրում»։
ՌԴ անվտանգության խորհրդի նախագահի տեղակալ Դմիտրի Մեդվեդևը քննադատել է Հայաստանի ղեկավարության արտաքին քաղաքականությունը։ Իրանի պետական հեռուստառադիոընկերությանը տված հարցազրույցում նա Հայաստանի համար ամենավտանգավոր սցենարն անվանել է «նոր Ուկրաինայի» վերածվելը։
Վարչապետ Նիկոլ Փաշինյանի որոշմամբ Դավիթ Սանամյանն ազատվել է Ազգային անվտանգության ծառայության տնօրենի տեղակալի պաշտոնից։ Հոկտեմբերի 5-ի որոշման մեջ պաշտոնանկության պատճառը չի նշվում։
Wildberries-ը Հայաստանում գործարկել է WB Taxi տաքսի ծառայությունը։ Առաջին փուլում ծառայությունը վաղ հասանելիության ռեժիմով աշխատում է Երևանում և հասանելի է ընկերության աշխատակիցների ու գործընկերների համար, սակայն նախատեսվում է աստիճանաբար ընդլայնել օգտատերերի շրջանակը։
Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։
2026 թվականի սեպտեմբերի 28-ին Starship-ն առաջին անգամ ուղեծրային թռիչք կատարեց՝ դառնալով մեկ արձակմամբ Երկրի ուղեծիր դուրս բերված ամենամեծ և ամենազանգվածեղ օբյեկտը։ Մոտ հիսուն մետր բարձրությամբ ու ինը մետր տրամագծով տիեզերանավի թռիչքն ուղեկցվեց տեխնիկական խնդիրներով, սակայն այն կարողացավ վերահսկելիորեն վերադառնալ Երկիր։ Արդյո՞ք սա նշանակում է, որ SpaceX-ը կհասցնի պատրաստվել NASA-ի՝ 2028 թվականի սեպտեմբերին նախատեսված լուսնային վայրէջքին։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները