Դիզայներները հակակորոնավիրուսային ավտոբուս են ներկայացրել — Շեշտ.am (shesht.am)
3 րոպե
Խմբագրություն

Դիզայներները հակակորոնավիրուսային ավտոբուս են ներկայացրել

Չեխական Torsus ընկերության մասնագետներն ավտոբուս են ստեղծել՝ հաշվի առնելով համավարակը և դրանով պայմանավորված ներկայիս իրավիճակը:

Հակակորոնավիրուսային ավտոբուս / © Torsus

Չեխական Torsus ընկերությունը, որը մասնագիտացած է մեծ անցանելիությամբ ավտոբուսների արտադրությունում, ներկայացրել է Torsus Praetorian մոդելի մոդիֆիկացված տարբերակը: Մեքենայի սրահը կահավորված է հակակորոնավիրուսային համալրմամբ՝ հաշվի առնելով սոցիալական հեռավորության կանոնը:

Նոր վարակի տարածման կանխարգելման պահանջը հաշվի առնելով՝ Torsus-ի դիզայներներն ընկերության ինժեներների հետ մշակել են Anti-COVID-19 լրակազմը: Դրանում ներառված են 3,5 մմ հաստությամբ պլաստիկե թափանցիկ պատնեշները, որոնցով շրջապատված է ցանկացած նստատեղ: Երկտեղ նստարանները ծալվում են՝ դառնալով մեկտեղանի. ազատված ամրացումները կիրառվում են պլաստիկե հարթակների տեղադրման համար:

Հակակորոնավիրուսային ավտոբուս / © Torsus

Նախագծի հեղինակները նշում են, որ համավարակից հետո ավտոբուսը հնարավոր կլինի վերադարձնել սկզբնական տեսքի: Ներկայումս նոր լրակազմով Torsus Praetorian-ը հնարավոր է օգտագործել լեռնահանքարդյունաբերության և նավթագազային ոլորտներում, որոնք չեն կարող իրենց գործունեությունը դադարեցնել, և սահմանափակումների բոլոր նորմերի պահպանմամբ աշխատակիցներին հասցնել աշխատավայր:

Ավելի վաղ բրիտանական PriestmanGoode դիզայներական բյուրոյի մասնագետները ներկայացրել էին ապագային ուղևորատար ինքնաթիռի սրահի կոնցեպտ, որը կարող էր կորոնավիրուսի համավարակից հետո կիրառվել ավիաթռիչքների ժամանակ ուղևորների անվտանգությունն ապահովելու նպատակով: Նոր մշակումն, ըստ հեղինակների, պետք է նվազեցնի վարակի տարածման հավանականությունը: Սակայն PriestmanGoode-ի աշխատանքը, ի տարբերություն Torsus-ի, միայն նախատիպ է և սերիական արտադրության չի անցել:

Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

1 րոպե
Խմբագրություն

Հաղորդվում է, որ Իրանի հետ սահմանին Թուրքիան կենտրոնացրել է նաև ռմբակոծիչներ և Բայրաքթար անօդաչուներ:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.