ԱՄՆ-ում ծովարծիվը ջախջախել է կառավարությանը պատկանող դրոնը և նետել լիճը
Անօդաչու թռչող սարքն աշխատանքներ էր իրականացնում լճի վրա, երբ ծովարծիվը հարձակվել է նրա վրա, պոկել պրոպելլերը: Իշխանությունները մտածում են նմանատիպ դրոնների արտաքին տեսքը փոխելու մասին:
ԱՄՆ-ում՝ Միչիգանում, սպիտակագլուխ ծովարծիվը հարձակվել է իշխանություններին պատկանող, լճի վրայով թռչող անօդաչու թռչող սարքի վրա և ոչնչացրել այն:
DJI Phantom 4 Advanced անօդաչուն Էսկանաբա քաղաքի մոտակայքում ափամերձ հատվածում տվյալներ էր հավաքում քարտեզագրման համար: Մինչև արծվի հետ ընդհարումը դրոնը երկնքում շուրջ 7 րոպե թռչել է: Սա այս տարածքում սարքավորման աշխատանքի չորրորդ օրն էր:
Երբ ազդանշանը թուլացել է, կառավարողը սեղմել է «Go Home» կոճակը, և անօդաչուն հետ է թռչել: Ինչ-որ պահի էկրանին երևացել է, որ դրոնը սկսել է անկանոն շարժումներ կատարել: Երբ կառավարողը գլուխը վեր է բարձրացրել, դրոնն արդեն անհետացել է, իսկ ծովարծիվը թռչել հեռացել է:
Տեղացիներից մի քանիսը վստահեցրել են, որ նկատել են, թե ինչպես է ծովարծիվը հարվածել իրենց համար անծանոթ օբյեկտին: Նրանց խոսքով՝ թռչունը չի տուժել: Ենթադրվում է, որ բախումը տեղի է ունեցել 50 մետր բարձրության վրա: Անօդաչուի կառավարիչը և տեղացիները սկսել են փնտրել դրոնին, սակայն այդպես էլ չեն գտել:
Մի քանի օր անց իշխանությունները վերլուծել են կոորդինացիոն-հեռաչափական տվյալները և պարզել են այն վայրը, որտեղ ծովարծիվը հարձակվել է դրոնի վրա. ափից մոտ 45 մետր հեռավորության վրա: Նաև հայտնի է դարձել, որ թռչունը պոկել է պրոպելլերը, ինչից հետո դրոնն ընկել է լիճը:
Այնուհետև մեկ այլ մասնագետ շուրջ երկու ժամ որոնումներ է իրականացրել գրեթե զրոյական տեսանելիություն ունեցող ջրում: Նա նույնպես չի հաջողել. խոչընդոտել են անձրևն ու ամպրոպը:
Հարձակման պատճառն, ըստ Միչիգան նահանգի կառավարության, կարող էր լինել տարածքային վեճն էլեկտրոնային հակառակորդի հետ կամ պարզապես սովածությունը: Դրոնների խումբը փնտրում է նմանատիպ միջադեպերի հավանականությունը նվազեցնող միջոցներ, ներառյալ՝ անօդաչուների արտաքին տեսքի փոփոխություն, որպեսզի դրանք ավելի քիչ նման լինեն ճայերին:
Միչիգանի իշխանություններն ընդգծել են, որ այդ մոդելը անօդաչուն այլևս չի արտադրվելու և չի փոխարինվելու նույնատիպ մոդելով: Հաղորդվում է, որ այն ձեռք էր բերվել 950 դոլարով:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները