Իրանում հայտարարել են Հայաստանի հետ սահմանային առևտրային գոտու ստեղծման ցանկության մասին
Իրանի Արևելյան Ատրպատականի նահանգապետ Մոհամադ Ռեզա Փուր Մոհամադին հայտարարել է, որ Հայաստանի կողմից նման ցանկություն ունենալու դեպքում սահմանային առևտրային գոտին հնարավոր կլինի ստեղծել մոտ ապագայում:
Իրանի Արևելյան Ատրպատականի նահանգապետ Մոհամադ Ռեզա Փուր Մոհամադին հայտարարել է Հայաստանի հետ առևտրի համար սահմանային առևտրային գոտի ստեղծելու պատրաստակամության մասին: Նրա խոսքով` Հայաստանի կողմից նման ցանկություն ունենալու դեպքում այն հնարավոր կլինի կյանքի կոչել մոտ ապագայում:
Անդրադառնալով հայ-ադրբեջանական հակամարտության թեմային` Հայաստանին և Ադրբեջանին սահմանակից նահանգի ղեկավար Փուր Մոհամադին ընդգծել է, որ Իրանը պատերազմի ողջ ընթացքում չեզոքություն է պահպանել` կողմերին խաղաղության կոչ անելով:
Թավրիզում Առևտրաարդյունաբերական պալատում հայ-իրանական հարաբերությունների զարգացմանը նվիրված հանդիպման ժամանակ ելույթ է ունեցել նաև Հայաստանում Իրանի դեսպանը: Վերջինս ընդգծել է, որ Հայաստանը հուսալի երկիր է, որը միշտ կանգնած է եղել Իրանի կողքին: Այդ պատճառով դեսպան Զոհուրին անհրաժեշտ է համարել խորացնել հարաբերությունները Հայաստանի հետ:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները