Առաջին ծնունդն է գրանցվել մայրիկից, ում մոտ կորոնավիրուս էր հաստատվել — Շեշտ.am (shesht.am)
4 րոպե
Խմբագրություն

Առաջին ծնունդն է գրանցվել մայրիկից, ում մոտ կորոնավիրուս էր հաստատվել

Հայաստանում ապրիլի 17-ի ժամը 11:00-ի դրությամբ հաստատվել է կորոնավիրուսով վարակվածության 42 նոր դեպք: Մահացության 1 նոր դեպք է գրանցվել, առողջացել են 44-ը: Նորածինը և նրա մայրիկն իրենց լավ են զգում. երեխան այսօր կթեստավորվի:

Կորոնավիրուսով վարակված մայրը երեխա է ունեցել / © Արսեն Թորոսյան

Covid-19 կորոնավիրուսով վարակվածների թիվը Հայաստանում հասել է 1201-ի՝ վերջին օրվա ընթացքում ավելանալով 42-ով: ՀՀ Առողջապահության նախարարության Հիվանդությունների վերահսկման և կանխարգելման ազգային կենտրոնի հաղորդմամբ՝ մեկ օրում առողջացել է 44 մարդ: Փաստացի բուժում է ստանում 780 պացիենտ:

Նախորդ օրն իրականացվել է աննախադեպ թվով թեստավորում՝ 1161: Ընդհանուր առմամբ թեստավորվել է 10793 մարդ:

Մահվան 1 նոր դեպք է գրանցվել. «Սուրբ Գրիգոր Լուսավորիչ» բժշկական կենտրոնում մահացած 58-ամյա պացիենտն ունեցել է կորոնավիրուսային հիվանդություն, հաստատված երկկողմանի սուբտոտալ թոքաբորբ։ Տղամարդն ունեցել է նաև ուղեկցող խրոնիկ հիվանդություններ` սրտի իշեմիկ հիվանդություն, զարկերակային գերճնշում III աստիճանի, ճարպակալում II-III աստիճանի: Բուժման ընթացքում ախտորոշվել է սրտամկանի սուր ինֆարկտ` ST էլևացիայով:

«Սուրբ Գրիգոր Լուսավորիչ» բժշկական կենտրոնում արձանագրվել է մահվան դեպք։ 58-ամյա պացիենտն ունեցել է կորոնավիրուսային…

Опубликовано Alina Nikoghosyan Пятница, 17 апреля 2020 г.

Ինչպես հաղորդվում է, ապրիլի 8-ին կատարվել է կորոնար զարկերակի ստենտավորում, որից հետո պացիենտի մոտ զարգացել է դիսթրես համախտանիշ, սուր շնչական անբավարարություն III աստիճանի, սեպսիս, սեպտիկ շոկ: Երկարատև թոքային արհեստական շնչառությունից հետո զարգացել է հարաճուն պոլիօրգանային անբավարարություն: Մահացությունների ընդհանուր թիվը Հայաստանում, այսպիսով, դարձավ 19:

Նախարար Արսեն Թորոսյանը հայտնել է, որ երեկ առաջին ծնունդն է գրանցվել մայրիկից, ում մոտ կորոնավիրուսի թեստը դրական է եղել: Նրա խոսքով, շնորհիվ մեր բժիշկների պրոֆեսիոնալիզմի, թե՛ երեխան, թե՛ մայրը իրենց լավ են զգում:

?? Երեկ ունեցել ենք առաջին ծնունդը մայրիկից, ում մոտ կորոնավիրուսի թեստը դրական է եղել: ‼️ Բարեբախտաբար, շնորհիվ մեր…

Опубликовано Arsen Torosyan Четверг, 16 апреля 2020 г.

Թորոսյանը նշել է, որ ծննդաբերությունից հետո դրված թեստը ծննդկանի մոտ տվել է բացասական արդյունք, իսկ երեխան կթեստավորվի այսօր: Նրանք դեռ 14 օր կգտնվեն բժշկական հսկողության տակ:

Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

4 րոպե
Խմբագրություն

Ենթադրվում է, որ կրկնվելու է Վրաստանի օրինակը. Հայաստանը, հավանաբար, կստանա Լեռնային Ղարաբաղը՝ այս կամ այն տեսքով, իսկ Ռուսաստանը վերջնականորեն կկորցնի Ադրբեջանը:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.