Հրայր Թովմասյանին մեղադրանք է առաջադրվել — Շեշտ.am (shesht.am)
2 րոպե
Խմբագրություն

Հրայր Թովմասյանին մեղադրանք է առաջադրվել

Սահմանադրական դատարանի նախագահի նկատմամբ խափանման միջոց է ընտրվել չհեռանալու մասին ստորագրությունը: Թովմասյանը հրաժարվել է ցուցմունք տալ:

Հրայր Թովմասյան / ©Ազատություն

Հատուկ քննչական ծառայությունը Սահմանադրական դատարանի նախագահ Հրայր Թովմասյանին մեղադրանք է առաջադրել ՀՀ Քրեական օրենսգրքի 308-րդ հոդվածի 2-րդ մասով՝ Պաշտոնեական լիազորությունները չարաշահելը, որն անզգուշությամբ առաջացրել է ծանր հետևանքներ:

ՀՔԾ քննիչների կողմից հարցաքննություն է նախատեսվել Սահմանադրական դատարանում: Հրայր Թովմասյանը, սակայն, հրաժարվել է ցուցմունք տալուց: Նրա նկատմամբ խափանման միջոց է ընտրվել չհեռանալու մասին ստորագրությունը:

Հ.Թովմասյանը պատասխանում է լրագրողների հարցերին / ©Ազատություն

Հաղորդվում է, որ ՍԴ նախագահին առաջադրված մեղադրանքով նախատեսվում է ազատազրկում՝ երկուսից վեց տարի ժամկետով՝ որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով՝ առավելագույնը երեք տարի ժամկետով:

Թովմասյանի նկատմամբ մեղադրանքը հարուցված է երկու դրվագով: Դրանք վերաբերում են Թովմասյանի՝ արդարադատության նախարար եղած ժամանակահատվածի համար (2010-2014թթ.):

Ամենաընթերցվածը

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.