Բաքուն մոտ 200 հայ գերիների դիմաց 3 պահանջ է ներկայացնում
Գերիների շահերի ներկայացուցիչ Սիրանուշ Սահակյանի խոսքով` մոտ 200 գերիների վերադարձման դիմաց առաջ քաշված պայմաններն են` ՀՀ զինված ուժերի դուրսբերումն Արցախի տարածքից, Տիգրանաշենի հանձնումը, Կարմիր Շուկա ավտոճանապարհի նկատմամբ վերահսկողությունը:
Մարդու իրավունքների եվրոպական դատարանում հայ գերիների շահերի ներկայացուցիչ Սիրանուշ Սահակյանը հայտնել է, որ Ադրբեջանում ներկայումս պահվում են շուրջ 200 հայ ռազմագերիներ: Նշվել է, որ Բաքուն ընդունել 73 անձի գերության փաստը: 120 գերիների պահման վերաբերյալ տեղեկություններն ադրբեջանական կողմը չի ընդունում, սակայն հայկական կողմն ունի նրանց գերության վերաբերյալ անհերքելի ապացույցներ:
Հաղորդվում է, որ բոլոր գերիներին վերադարձնելու համար Բաքուն 3 պայման է առաջադրել.
1. Հայաստանի զինված ուժերի դուրսբերում Արցախի տարածքից,
2. Տարածքների հավելյալ զիջում, օրինակ` Տիգրանաշենը (Քյարքի),
3. Վերահսկողություն Կարմիր Շուկայով դեպի Շուշի տանող ճանապարհի նկատմամբ:
Շեշտվում է, որ հայ գերիներին Բաքուն պահում է այդ խնդիրների լուծմանը հասնելու նպատակով:
Սիրանուշ Սահակյանը նշել է, որ տեղեկությունն ստացել է մի քանի աղբյուրներից, այդ թվում` ավելի վաղ նախապատրաստված փաստաթղթերի նախագծերից:
Մեկնաբանությունները