Աղջիկը 4 տարի նամակ է գրել մահացած հորը. ստացել է հուզիչ պատասխան՝ դստերը կորցրած տղամարդուց

Ամերիկուհին ամեն օր նամակ է գրել, բայց չի պատկերացրել, որ իր հաղորդագրություններն իսկապես ինչ-որ մեկը կարդում է:

Նորություններ

Սոցցանցեր

# Facebook

# Հաղորդագրություններ

# Հուզիչ իրադարձություններ

Չեստիտի Պետերսոնի ֆեյսբուքյան նկարներից / ©Chastity Patterson / Автор: неизвестен, фото предоставлено пользователем

2015թ. Արկանզաս նահանգի 23-ամյա բնակչուհի Չեստիտի Պետերսոնը կորցրել է հայրիկին: Այդ օրվանից նա ամեն օր հաղորդագրություն է ուղարկել հոր համարով՝ պատմելով իր կյանքի մասին: Աղջիկը հաշվի չի առել, որ անջատված հեռախոսահամարն օպերատորը տրամադրում է մեկ այլ բաժանորդի: Տարիներ անց Չեստիտին ստացել է պատասխան նաման մի տղամարդուց, ով կորցրել է դստերը:

https://www.facebook.com/chastity.patterson/posts/10211925503173276

Չեստիտին իր ֆեյսբուքյան էջում գրառում է կատարել այդ մասին: Նա նշել է, որ երկար տարիներ հաղորդագրություններն ուղարկելուց հետո ստացած պատասխան նամակում գրված է եղել, որ ամեն ինչ կարգին է, ինքն արդեն կարող է բաց թողել հորը:

Մահացած հորն ուղղված վերջին հաղորդագրությունում Պետերսոնը պատմել է վերջին չորս տարիների իր կյանքի մասին. ինչպես է ավարտել քոլեջը, հաղթահարել ուռուցքը, ծանր տարել իրենց բաժանումը:

https://www.facebook.com/chastity.patterson/posts/10211935324258797

Աղջիկը պատմել է, որ կարմիր դիպլոմով է ավարտել քոլեջը և ուսումը շարունակում է: Հայտնել է, որ սիրահարվել է, բայց սիրտը կոտրել են: Հետո իր կյանքում հայտնվել է մարդ, ով իրեն օգնել ոտքի կանգնել: Վախենում է ամուսնությունից, քանի որ առանց հոր է լինելու, ով կասեր, որ ամեն ինչ լավ է լինելու:

Անսպասելիորեն պատասխան նամակ է եկել հոր համարից: Բրեդ անունով տղամարդը, ում դուստրը դժբախտ պատահարից է մահացել, այս ամբողջ ընթացքում կարդացել է Չեստիտիի նամակները: Դրանք, ինչպես պարզվել է, Բրեդին օգնել են՝ հաղթահարել կորստյան վիշտը:

Բրեդը գրել է, որ ամեն ինչ լավ է լինելու: Չեստիտիին խորհուրդ է տվել պայքարել ամեն օր: Նշել է, որ հպարտանում է նրանով և սպասում է նամակներին:

Օրեր անց Պետերսոնը Ֆեյսբուքում հրապարակում է տեղադրել՝ նշելով, որ Ջեյսոն Լիգոնսը, ով ավտովթարից մահացել էր 36 տարեկանում, իր կենսաբանական հայրը չէր, բայց աղջիկը նրան համարում էր արյունակից հարազատից ավելի մոտ:

Նա պատմել է, որ Ջեյսոնն իրեն տեղավորել է աշխատանքի, իսկ որպես դուստր է ճանաչել այն ժամանակ, երբ աղջիկը սովորել է 6-րդ դասարանում: Չեստիտին չորս տարի շարունակ նկատել է, որ ինչ-որ մեկը ստանում է իր նամակները, բայց չի իմացել, թե ինչքան ժամանակ են դրանք իսկապես կարդացվել: Վերջում Պետերսոնը մարդկանց կոչ է արել գնահատել իրենց մտերիմներին:

Нашли опечатку? Выделите фрагмент и нажмите Ctrl + Enter.