Facebook-ն Ավստրալիայում սկսել է թաքցնել հավանումների քանակը
Ընկերությունում մեկնաբանել են, որ փորձում են սրանով օգտատերերի ուշադրությունը հրավիրել բուն հրապարակման նյութին, այլ ոչ դրանց վիճակագրությանը:
Ավստրալացի օգտատերերի մի մասի մոտ Facebook-ը սկսել է փորձնական տարբերակով թաքցնել հավանումների քանակը:
Facebook-ի մամուլի ծառայությունը հայտարարել է, որ սահմանափակ փորձարկում է իրականացնում՝ թաքցնելով հավանումների քանակը, արձագանքները և տեսանյութերի դիտումը: Կարծիքները հավաքագրվելու են` հասկանալու, թե ինչքանով այն օգտատերերի փորձառության վրա կազդի:
Այդպիսի հրապարակումների նկատմամբ օգտատերերի արձագանքի թիվը կարող է տեսնել միայն հրապարակման հեղինակը: Մյուսները կտեսնեն միայն հրապարակման ստացած ամենահաճախակի արձագանքները:
Սոցցանցում հավանումների քանակի թաքցման գործառույթի մասին առաջինը հայտնել էր Ջեյն Մանչուն Վոնգը՝ Հետադարձ մշակման մասնագետը և հետազոտողը: Ավելի ուշ Facebook-ում հաստատել են տեղեկությունը: Ընկերությունում մեկնաբանել են, որ փորձում են սրանով օգտատերերի ուշադրությունը հրավիրել բուն հրապարակման նյութին, այլ ոչ դրանց վիճակագրությանը:
Հիշեցնենք` ապրիլին նմանատիպ փորձարկում էր մեկնարկել նաև Instagram-ը: Իսկ օգոստոսի սկզբին «ВКонтакте»-ի օգտատերերը հայտնաբերել էին, որ սոցցանցն այլևս չի ցուցադրում հավանումների քանակը: Ընկերությունում մեկնաբանել են, որ ցանկանում են վերադարձնել օգտատերերի ուշադրությունը դեպի հրապարակման նյութը՝ նշելով, որ տարիների ընթացքում հրապարակման նկատմամբ արձագանքը վերածվել է «լսարանի որակի գնահատման միջոցի»:
Մեկնաբանությունները