Britanakan laboratorian arajarkel e patvastanyut stanalu hamar kamavornerin varakel koronavirusov

Կամավորներն աջակցելու են SARS-CoV-2-ի դեմ պատվաստանյութի մշակման և փորձարկման հարցում: Սակայն փորձարկվողներին մտադիր են վարակել կորոնավիրուսի՝ քիչ վտանգավոր շտամմով: Բացի այդ՝ կամավորները ստանալու են արժանապատիվ դրամական պարգևատրում:

Gitutyun

# COVID-19

# Kamavorner

# Mets Britania

# Patvastumner

# Pordzarkumner

Covid-19-ը արդեն խլել է 4 հազար մարդու կյանք / © The Times / Автор: неизвестен, фото предоставлено пользователем

Լոնդոնի Queen Mary BioEnterprises նորարարական կենտրոնի լաբորատորիան, որը պատկանում է Hvivo-յին, նախատեսում է 3,5 հազար ֆունտ ստերլինգ (մոտ 4,5 հազար դոլար) վճարել 24 կամավորներից յուրաքանչյուրին, ովքեր կմաձայնվեն վարակվել կորոնավիրուսով (0C43 և 229E շտամմերով): Նման փորձարկման նպատակն էCovid-19-ի հարուցիչ SARS-CoV-2-ի դեմ պատվաստանյութ մշակելն ու փորձարկելը:

Ընկերության ներկայացուցիչները մեկնաբանել են, որ մասնակիցներին ներարկվող շտամմերը վտանգավոր չեն համարվում. առաջացնում են միայն թեթև շնչառական ախտանշաններ: Հետազոտության ընթացքում 24 փորձարկվողները գտնվելու են երկշաբաթյա կարանտինում, հատուկ սննդակարգ են ունենալու, չեն զբաղվելու ֆիզիկական վարժանքներով և չեն շփվելու այլ անձանց հետ: Բացի այդ, կամավորներն անցնելու են մի շարք հետազոտություններ, այդ թվում՝ արյան, նրանցից վերցվելու է քթի քսուկ, իսկ բուժանձնակազմը հավաքելու է ամբողջ հագուստն պարագաները, որոնց վրա մնացած կլինեն վարակվածների մանրէները: Դրանից հետո նրանց տրամադրվելու են նոր կամ արդեն առկա պատվաստանյութեր, իսկ բժիշկները հետազոտելու են ռեակցիան:

Փորձարկման մեկնարկի համար Hvivo-յին անհրաժեշտ է ստանալ Մեծ Բրիտանիայի Դեղամիջոցների և բժշկական նշանակության նյութերի կարգավորման գործակալության թույլտվությունը: Սակայն, ինչպես նշել են ընկերության գրասենյակում, այն գտնվում է «համաճարակի բռնկման դեմ պայքարի առաջնագծում»: Միևնույն ժամանակ՝ պատվաստանյութի փորձարկմանը մտադիր են ներգրավել ոչ միայն Միացյալ Թագավորության կամավորներին. Սիեթլի գիտնականները 1100 դոլար կվճարեն կամավոր մասնակիցներին՝ 14-ամսյա հետազոտությունների համար՝ նրանց կարանտինում չպահելով:

Ավելի վաղ բրիտանական կառավարությունը 26 մլն դոլար էր հատկացրել ամբողջ աշխարհում արդեն շուրջ 4 հազար մարդու կյանք խլած կորոնավիրուսի դեմ պատվաստանյութի ստացման համար:

Нашли опечатку? Выделите фрагмент и нажмите Ctrl + Enter.