ԱՄՆ-ում մեկնարկել են կորոնավիրուսի դեմ պատվաստանյութի առաջին կլինիկական փորձարկումները
Մասնագետները նախազգուշացնում են, որ եթե նույնիսկ փորձարկման այս փուլը հաջողությամբ պսակվի, ապա պատվաստանյութի վերջնական տարբերակը Covid-19-ով վարակվածներին կարող է հասնել առնվազն մեկ տարի անց:
Կլինիկական փորձարկումների առաջին մասնակիցն այսօր կստանա Covid-19 կորոնավիրուսային հիվանդության հարուցիչ SARS-CoV-2-ի դեմ պատվաստանյութի փորձնական չափաքանակը:
Պատվաստանյութի ստեղծումն ու փորձարկումները ֆինանսավորում և իրականացվում են ամերիկյան Առողջապահական ազգային ինստիտուտի և Moderna Inc. բիոտեխնոլոգիական ընկերության կողմից: Դրանց անցկացվելու են Սիեթլում՝ Վաշինգտոնի Առողջության գիտահետազոտական ինստիտուտում: Հայտարարվել է 45 կամավոր մասնակիցների մասին: Նրանցից ոչ ոք կորոնավիրուսով վարակված չէ, թեստերն առայժմ նախատեսում են հետազոտել, թե ինչ կողմնակի երևույթներ կարող է պատվաստանյութն առաջացնել:
Սակայն, ինչպես հաղորդվում է, եթե նույնիսկ այս փուլը հաջողությամբ ավարտվի, ապա ամբողջական թեստավորման և օգտագործմանը վերջնական պատրաստելու համար կարող է մեկ տարուց ավելի պահանջվի:
Նոր տեսակի կորոնավիրուսի դեմ պատվաստանյութի ստեղծման ուղղությամբ ամբողջ աշխարհում հազարավոր գիտնականներ են պայքարում, իսկ կառավարությունները հսկայական միջոցներ են հատկացնում: Համաճարակի ամենասկզբում փորձագետները նախազգուշացնում էին, որ փորձարկումների նախնական փուլերը կարող են մեկնարկել միայն գարնանը, իսկ վարակվածներին պատվաստանյութը կարող է հասանելի լինել միայն 12-18 ամիս անց: Առայժմ բժիշկները կատարելագործում են ախտորոշման և բուժման մեթոդները:
Ներկայումս Covid-19-ով վարակվածության դեպքեր են գրանցվել աշխարհի շուրջ 150 երկրում: Վարակվածների թիվը 169387 է, մահացածներինը՝ 6513, իսկ առողջացածները 77257-ն են: Վարակի թեժ կետերն են Չինաստանը, Իտալիան, Իրանը և Հարավային Կորեան: Եվրոպական երկրներում շարունակում է աճել: Իտալիայում արդեն մահացել է 1809 մարդ, Իրանում՝ 724-ը: Եվրոպան հայտարարվել է պանդեմիայի կենտրոն:
Հայաստանում վարակվածների թիվը վերջին տվյալներով 30 է: Մեկն առողջացել է: Մեկուսացված է 300 մարդ, ևս 300-ի համար տարածք է հատկացվում: Հռոմից չարթերային թռիչքով ժամանածները մեկուսացվել են Դիլիջանում՝ Մ.Մելքոնյանի անվան ռազմաուսումնական հաստատությունում:
2026 թվականի սեպտեմբերի 28-ին Starship-ն առաջին անգամ ուղեծրային թռիչք կատարեց՝ դառնալով մեկ արձակմամբ Երկրի ուղեծիր դուրս բերված ամենամեծ և ամենազանգվածեղ օբյեկտը։ Մոտ հիսուն մետր բարձրությամբ ու ինը մետր տրամագծով տիեզերանավի թռիչքն ուղեկցվեց տեխնիկական խնդիրներով, սակայն այն կարողացավ վերահսկելիորեն վերադառնալ Երկիր։ Արդյո՞ք սա նշանակում է, որ SpaceX-ը կհասցնի պատրաստվել NASA-ի՝ 2028 թվականի սեպտեմբերին նախատեսված լուսնային վայրէջքին։
Հայաստանում բենզինը կրկին թանկացել է․ ԱԻ-92 տեսակի մեկ լիտրի գինը հասել է 600 դրամի, իսկ ԱԻ-95-ինը՝ 620 դրամի։ Որոշ միջազգային ցանցերում գներն ավելի բարձր են, սակայն առանձին առաջարկներով վառելիքը կարելի է գնել նաև ավելի էժան։
Wildberries-ը Հայաստանում գործարկել է WB Taxi տաքսի ծառայությունը։ Առաջին փուլում ծառայությունը վաղ հասանելիության ռեժիմով աշխատում է Երևանում և հասանելի է ընկերության աշխատակիցների ու գործընկերների համար, սակայն նախատեսվում է աստիճանաբար ընդլայնել օգտատերերի շրջանակը։
Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։
Rocket Lab-ի Electron հրթիռը սեպտեմբերի 19-ին ուղեծիր է դուրս բերել ճապոնական Synspective ընկերության տասներկուերորդ StriX ռադարային արբանյակը։ Այն նախատեսված է Երկրի մակերևույթը դիտարկելու համար, սակայն շահագործման կհանձնվի առաջիկա ամիսների փորձարկումներից հետո։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները