Orion տիեզերանավի հրթիռային շարժիչի փորձարկումը բարեհաջող է անցել

NASA-ն հաղորդել է, որ Orion տիեզերանավի հրթիռային հիմնական շարժիչը ճգնաժամային փորձարկումը բարեհաջող է անցել: Սարքավորումը նախատեսվում է Լուսին ուղարկել արդեն հաջորդ տարի՝ Artemis ծրագրի շրջանակներում:

Նախորդ շաբաթ Նյու Մեքսիկո նահանգի Լաս-Կրուսես շրջանում գտնվող «Սպիտակ ավազներ» փորձադաշտում իրականացված տեստավորման ժամանակ Orion-ի ծառայողական տարբերակի շարժիչային համակարգն աշխատել է ընդհանուր 12 րոպե: Հաղորդվում է, որ Airbus ընկերության արտադրած շարժիչը ԱՄՆ է մատակարարվել Եվրոպական տիեզերական գործակալության կողմից:

Փորձարկումների ժամանակ NASA-ն այլընտրանքային ուղեգիծ է մշակել այն դեպքի համար, եթե ժամանակավոր կրիոգեն (սառնածին) ուժային համակարգը (ICPS) սարքավորումը սխալ հասցնի Լուսին:

Այսպես, ինժեներները միաժամանակ միացրել են ծառայողական տարբերակի գլխավոր շարժիչը և բոլոր 8 օժանդակող շարժիչները: Դա հնարավորություն է տվել գնահատել մեկնարկի համակարգը, ինչպես նաև բոլոր շարժիչների համատեղ հզորությունը:

Ջոնսոնի անվան Տիեզերական կենտրոնի Orion ծրագրի ղեկավար Մարկ Կիրասիչը պատմել է, որ Orion-ի դուրսբերումը լուսնային ուղեծիր և անձնակազմի վերադարձը Երկիր պահանջում են հատուկ ճշգրտություն ինչպես ուղղության մշակման դեպքում, այնպես էլ շարժիչների մեկնարկի:

Orion բազմակի շահագործման տիեզերանավի անձնակազմի համար պատիճի (կապսուլա) հավաքման մասին հայտնի էր դարձել դեռևս հուլիսի 20-ին՝ առաջին անգամ մարդու կողմից Լուսնի վրա իջնելու 50-րդ տարեդարձի տոնակատարության ժամանակ:

Այդ ժամանակ ԱՄՆ Տիեզերական գործակալության ներկայացուցիչները հայտնել են, որ Orion-ի և գերծանր հրթիռատար Space Launch System-ի (SLS) երեքշաբաթյա թռիչքը դեպի Լուսին կարող է տեղի ունենալ արդեն հաջորդ տարի: Սակայն անձնակազմը Երկրի արբանյակի ուղեծիր կուղևորվի միայն երկրորդ առաքելությամբ՝ Artemis-2-ով՝ 2022թ., իսկ մարդու երկար սպասված վայրէջքը Լուսնի վրա նախատեսվում է 2024-ից ոչ շուտ: