Գերմանամկների վրա արված փորձարկումները ցույց են տվել կորոնավիրուսի տարածումը կանխելու հարցում դիմակների արդյունավետությունը
Կատարված հետազոտության գլխավոր եզրակացությունն այն է, որ դիմակ կրողն առաջին հերթին պաշտպանում է մյուսներին:
Հոնկոնգի գիտնականները հաղորդել են, որ իրենց հաջողվել է ստանալ Covid-19-ի տարածման արագությունն էականորեն նվազեցնելու հարցում դիմակների արդյունավետության ապացույցը: «Իր տեսակի մեջ առաջինը» անունը ստացած աշխատությունը ցույց է տվել, որ օդակաթիլային ճանապարհով վիրուսի փոխանցումը դիմակների շնորհիվ նվազում է 75%-ով:
Հետազոտության հեղինակների խոսքով՝ նրանք ցանկացել են վերջ դնել անհատական պաշտպանության միջոցների արդյունավետության շուրջ ընթացող վեճերին: Համավարակի պարագայում դեմքը փակելու անհրաժեշտության վերաբերյալ շարունակվում են մասնագետների, այդ թվում՝ ԱՀԿ-ի աշխատակիցների հակասական մեկնաբանությունները: Հոնկոնգի համալսարանի աշխատակից Յուեն Քվոք Յունի խոսքով՝ հետազոտության եզրակացությունը կայանում է նրանում, որ կորոնավիրուսի համավարակի դեմ պայքարում դիմակ կրելու արդյունավետությունը հսկայական է:
Հետազոտության ամենաարտասովոր կետը փորձարկման մասնակիցներն են՝ գերմանամկները: Յուրաքանչյուր վանդակի կողքին, որտեղ գտնվել է կորոնավիրուսով վարակված կրծող, տեղադրվել է չվարակված գերմանամկներով 3 վանդակ: Տարածքում գտնվող օդափոխիչն օդի հավելյալ հոսք է ապահովել՝ մեծացնելով վիրուսային մասնիկների տարածման հավանականությունը: Վանդակների միջև տեղադրվել են բժշկական դիմակներից պատրաստված հավելյալ շերտեր:
Երեք փուլով փորձարկումներին մասնակցել է 52 կրծող: Առաջին փուլում պաշտպանիչ շերտերը տեղադրել են հիվանդ գերմանամկների վանդակների ներսից, երկրորդում՝ առողջ կենդանիների վանդակների ներսից: Երրորդն անցկացվել է առանց պաշտպանիչ շերտերի:
Առանց հավելյալ պաշտպանիչ շերտերի կատարված փորձարկումների ժամանակ 7 օրվա ընթացքում վարակվել են 15 գերմանամկներից 10-ը (2/3): Առողջ գերմանամկների վանդակի ներսի կողմից տեղադրված պաշտպանիչ շերտի դեպքում վարակվել են 12-ից 4-ը (1/3): Իսկ երբ դիմակներից պատրաստված «պատը» գտնվել է վարակված կենդանիների վանդակի ներսի կողմում, վարակվել են 12-ից ընդամենը 2-ը (1/6):
Հետազոտությունը նաև ցույց է տվել, որ ուղիղ վարակման միջոցով Covid-19-ով վարակված գերմանամկներն առավել լուրջ ախտանշաններ են ունեցել, քան պաշտպանիչ շերտի դեպքում վարակվածները: Վերջինների մոտ դիտարկվել են առավել մեղմ ախտանշաններ, թոքերի հյուսվածքապաթոլոգիական ավելի թույլ արտահայտված փոփոխություններ, ինչպես նաև էականորեն ցածր վիրուսային ծանրաբեռնվածություն շնչուղիների հյուսվածքներում:
Հետազոտության հեղինակները համարում են, որ իրենց հաջողվել է փորձնական եղանակով ապացուցել վաղուց առկա ենթադրությունն այն մասին, որ ակնհայտ կամ հավանական վարակվածը, ով դիմակ է կրում, փաստացի մյուսներին պաշտպանում է վարակից: Գիտնականները մեկուսացման միջոցառումներից ձանձրացած մարդկանց նաև խորհուրդ են տալիս մի փոքր էլ համբերել և հանրային վայրերում օգտագործել դիմակներ՝ տուրք չտալով եղանակային պայմաններին ու հոգեբանական անհարմարությանը:
Telegram 
Facebook 
Google News ԱՄՆ-ի միջնորդությամբ Ուկրաինայի և Ռուսաստանի ներկայացուցիչները նոյեմբերի 10–11-ին Աբու Դաբիում աշխատանքային բանակցություններ կանցկացնեն։ Այդ մասին նոյեմբերի 2-ին հայտարարել է ԱՄՆ հատուկ բանագնաց Սթիվ Ուիթքոֆը՝ նշելով, որ օրակարգում կլինեն հետպատերազմյան անվտանգության պայմանավորվածություններն ու պատերազմի ավարտին ուղղված քայլերը։
Չինաստանի և Ֆիլիպինների արտգործնախարարները նոյեմբերի 3-ի հեռախոսազրույցում պայմանավորվել են պահպանել դիվանագիտական կապը։ Հարավչինական ծովում կողմերի հավակնությունները շարունակում են բախվել, իսկ վեճի կարգավորման նոր համաձայնության մասին չի հայտարարվել։
Բջջային մշակույթների և մկների վրա կատարված փորձերը ցույց են տվել, որ cGAS սպիտակուցի կորուստը մեծացնում է բջիջներում խոլեստերինի կուտակումը և նպաստում ուռուցքի աճին։ Աշխատանքը բացահայտում է այս իմունային սպիտակուցի ևս մեկ գործառույթ՝ բջջակորիզում գեների ակտիվության կարգավորումը։
Շվեդիայի 10 հիվանդանոցի կոյուղաջրերի ուսումնասիրությունը ցույց է տվել, որ հակաբիոտիկների մնացորդները նպաստում են դեղակայուն բակտերիաների գերակշռմանը։ Գիտնականներն այդ ազդեցությունը հիմնականում կապել են ցիպրոֆլոքսացինի և ցեֆոտաքսիմի հետ։
Սենեգալում հոկտեմբերի 31-ին բացվել են Դակար-2026 պատանեկան օլիմպիական խաղերը՝ Աֆրիկայում անցկացվող առաջին օլիմպիական մարզական իրադարձությունը։ Մինչև նոյեմբերի 13-ը Դակարում և հարակից երկու քաղաքներում կմրցեն շուրջ 2700 պատանի մարզիկներ։
Հարավկորեական DAPA գործակալությունը հայտնել է ծովային հետևակի MAH հարվածային ուղղաթիռի մշակման ավարտի մասին։ Սերիական արտադրությունը նախատեսվում է սկսել 2027 թվականին՝ սպառազինության, նավերից շահագործման և շրջակա միջավայրի ազդեցության փորձարկումներից հետո։
Tesla-ն ներկայացրել է նոր սերնդի Roadster-ը, որը կարողանում է կարճ ժամանակով օդ բարձրանալ, պտույտ կատարել և վայրէջք կատարել անիվների վրա։ Ընկերության հայտարարությամբ՝ մեքենան 0-ից մինչև 97 կմ/ժ արագացել է 0,81 վայրկյանում, իսկ արտադրությունը նախատեսվում է սկսել 2028-ին։
Գիտնականներն ուսումնասիրել են Սուրբ Հեղինե կղզում ապրող Ջոնաթան հսկա կրիայի գենոմն ու գեների ակտիվությունը կարգավորող քիմիական նշումները։ Ըստ գնահատականների՝ 194 տարեկան կենդանու մոտ հայտնաբերված որոշ առանձնահատկություններ կարող են առնչվել նրա երկարակեցությանը, սակայն այդ կապը դեռ ապացուցված չէ։
NASA-ի Parker Solar Probe սարքի տվյալներով գիտնականները պարզել են, որ արևային քամու մագնիսական տատանումների պտույտի ուղղությունը փոխվում է՝ կախված դիտարկվող մասշտաբից։ Արդյունքն օգնում է հասկանալ տիեզերական պլազմայի տուրբուլենտ վարքը և կարող է օգտակար լինել տիեզերական եղանակի մոդելավորման համար։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները