Թուրքիան Չինաստանին «Զանգեզուրի միջանցք» է առաջարկում

Չինացիների համար այդ «Միջին միջանցքի» նախագիծն ի սկզբանե կասկածելի է եղել` հաշվի առնելով Հայաստանի և Ադրբեջանի միջև հակամարտությունը, որն Էրդողանը խոստացել է լուծել: Թուրքիայի նախագահը փորձում է Պեկինին վստահեցնել, որ միջանցքը կարող է դառնալ չինական «Մեկ գոտի, մեկ ուղի» նախաձեռնության հիմնական երթուղիներից մեկը:

Նորություններ

# Թուրքիա

# Մեկ գոտի մեկ ուղի

# Չինաստան

Չինական երկաթուղի / © dpa Picture Alliance / Lv Bin / Հեղինակ՝ անհայտ, լուսանկարը տրամադրել է օգտատերը

Ամերիկյան վերլուծական «Atlantic Council» կայքում (միջազգային քաղաքական, գործնական և ինտելեկտուալ առաջնորդների ֆորում է հանդիսանում) հոդված է հրապարակվել Թուրքիայի և Չինաստանի մասին, որտեղ ուշագրավ շեշտադրումներ են արվում հատկապես Արցախյան պատերազմի պատճառներին և Հայաստանին վերաբերող հարցերում:

Մասնավորապես, համարվում է, որ Թուրքիան նախորդ տարվա պատերազմը սանձազերծել է, որպեսզի Չինաստանի մոտ վստահություն ներշնչի «Միջին միջանցքի» կառուցումը շարունակելու հարցում: Այն պետք է անցնի Ղազախստանով, Ադրբեջանով, Հայաստանով և Թուրքիայով` հասնելով Եվրոպա: Այստեղ հիշատակվում է նաև «Զանգեզուրի միջանցքի» մասին, որն այդ միջանցքի մի մասն է լինելու:

Նշվում է, որ չինացիների համար այդ նախագիծն ի սկզբանե կասկածելի է եղել` հաշվի առնելով Հայաստանի և Ադրբեջանի միջև հակամարտությունը, որն Էրդողանը խոստացել է լուծել: Թուրքիայի նախագահը փորձում է Պեկինին վստահեցնել, որ միջանցքը կարող է դառնալ չինական «Մեկ գոտի, մեկ ուղի» նախաձեռնության հիմնական երթուղիներից մեկը:

Սակայն ներկայումս, ինչպես ընդգծվում է, Չինաստանը կրկին կասկածամտորեն է տրամադրված դրա իրականացման հարցում:

Համարվում է, որ «Միջին միջանցքը» կարող է ոչ միայն Թուրքիային վերածել աշխարհի առաջատար տնտեսություններ ունեցող տասը երկրներից մեկը, այլև էականորեն կկրճատի Չինաստանից Եվրոպա բեռնափոխադրումների ժամանակահատվածը:

Վրիպա՞կ գտաք։ Նշեք հատվածը և սեղմեք Ctrl + Enter։