Մակրոնը հայտարարել է սիրիացի քրդերին աջակցելու մասին

Ֆրանսիայի նախագահ Էմանուել Մակրոնը Սիրիայի Քուրդիստանի ղեկավարության հետ հանդիպման ժամանակ պատրաստականություն է հայտնել տնտեսական և ռազմական աջակցություն ցուցաբերել ինքնավար շրջանին` «Իսլամական պետություն» ահաբեկչական կազմակերպության դեմ պայքարի համար:

Հաղորդվում է, որ Մակրոնը Ելիսեյան պալատում ընդունել է Հյուսիսային և Արևելյան Սիրիայի ինքնավար շրջանի (Սիրիական Քուրդիստան) պատվիրակությանը, որը ղեկավարում էր Սիրիական դեմոկրատական խորհրդի (ՍԴԽ) գործադիր խորհրդի նախագահ Իլհամ Ահմեդը: Հանդիպումը կայացել է ֆրանսիական կողմի նախաձեռնությամբ:

Ինչպես նշվում է, ՍԴԽ-ն ինքնավար շրջանի հիմնական ռազմաքաղաքական միավորումն է, և նրա կորիզը կազմում են քրդական համայնքի ներկայացուցիչները, ովքեր Սիրիայում արաբներից հետո էթնիկ մեծամասնություն են կազմում: