Ինդոնեզիայում Boeing 737-ը ծովն է ընկել
Կարգավարները կորցրել են ինդոնեզիական ավիաընկերությանը պատկանող Boeing-ի հետ կապը: Ավելի ուշ ծովում, ինքնաթիռի` ենթադրյալ անկման հատվածում, հայտնաբերվել են բեկորներ, մարմնի մասեր:
Flightradar24 հարթակը հաղորդել էր, որ Ջակարտայից Պոնտիանակ ուղևորվող ինքնաթիռի հետ կապն անհետացել է: Ծառայության տվյալներով` խոսքն ինդոնեզիական Sriwijaya Air ավիաընկերությանը պատկանող Boeing 737-500 օդանավի մասին է: Պարզվել է, որ օդ բարձրանալուց ընդամենը 4 րոպե անց ինքնաթիռը ծովն է ընկել:
Ինդոնեզիայի Որոնողափրկարարական վարչության ներկայացուցիչ Յուսուֆ Լատիֆը հաստատել է տեղեկությունը` նշելով, որ, նախնական տվյալներով, ինքնաթիռում գտնվել է 50-ից ավելի ուղևոր (այլ աղբյուրներ հայտնում են 100-120 ուղևորների մասին):
Ենթադրյալ անկման հատվածում ավելի ուշ հայտնաբերվել են ինքնաթիռի բեկորներ ու մարմնի մասեր:
Մեկնաբանությունները