Շերեմետևոյում ավտոսանդուղքը հարվածել է ինքնաթիռին

Շերեմետևո օդանավակայանում ինքնագնաց սանդուղքը հարվածել է Մոսկվա-Երևան չվերթին նախապատրաստվող, Nordwind ավիաընկերությանը պատկանող Boeing 737 ինքնաթիռին։

Վերջին շաբաթվա ընթացքում սա Nordwind ավիաընկերության կողմից իրականացվող Մոսկվա-Երևան չվերթի օդանավի հետ կապված երկրորդ պատահարն է։

Հիշեցնենք, հուլիսի 19-ին նույնպես ուղևորները Երևան էին տեղափոխվել պահեստային ինքնաթիռով, քանի որ չվերթն իրականացնող օդանավում միացել էին ծխապատման ազդանշանները։ Ինքնաթիռի ներսում զգացվել էր տհաճ հոտ, թռիչքը կասեցվել էր։ Փչվող սանդուղքով տարհանվող ուղևորները վնասվածքներ էին ստացել։