Կորոնավիրուսով վարակվածների թիվն ավելացել է 102-ով
Հայաստանում Covid-19 կորոնավիրուսով վարակվածների թիվը հասել է 2884-ի: Նախորդ օրվա ընթացքում գրանցվել է կորոնավիրուսից մահացության 2 նոր դեպք, ևս 2-ը՝ այլ պատճառով: Առողջացել են 50-ը:
Մայիսի 7-ի ժամը 11:00-ի դրությամբ Հայաստանի Հանրապետությունում կորոնավիրուսից մահացածների թիվը հասել է 42-ի՝ վերջին 24 ժամում ավելանալով 2-ով. պացիենտները եղել են 78 (տղամարդ) և 66 (տղամարդ) տարեկան, ունեցել են ուղեկցող խրոնիկական հիվանդություններ: Եվս 2 մարդ նախորդ օրը մահացել է այլ պատճառներով: Վարակվածների շրջանում այլ հիվանդության պատճառով մահվան դեպքերը հասել են 9-ի:
Առողջացածների թիվը հասել է 1185-ի՝ նախորդ օրն ավելանալով 50-ով:
Վարակվածների ընդհանուր թիվը դարձել է 2884: Հաղորդվում է, որ փաստացի բուժում ստացող պացիենտները 1648-ն են:
Հիշեցնենք նաև, որ մայիսի 6-ին կորոնավիրուս է հայտնաբերվել նաև Ազգային ժողովի աշխատակիցներից մեկի մոտ: Պատգամավոր Նազելի Բաղդասարյանը, ում օգնականի մոտ է հայտնաբերվել վիրուսը, նույնպես թեստ էր հանձնել. պատասխանը բացասական է:
Մեկնաբանությունները