Արարատ-Արմենիան պարտվեց, բայց հայկական ֆուտբոլը հաղթեց. ի՞նչ կփոխի սա հայկական ֆուտբոլում
Հայկական ֆուտբոլի մասին պարտվողական կարծրատիպը կոտրված է. ֆուտբոլասերներն արդեն հավատում են հայկական ակումբների հաղթանակներին: Օգտատերերը շնորհակալություն են հայտնում Արարատ-Արմենիային:
Հայաստանի ֆուտբոլի առաջնության չեմպիոն Արարատ-Արմենիան օգոստոսի 29-ին մրցում էր Լյուքսեմբուրգի չեմպիոն Դյուդելանժի հետ: Եվրոպայի լիգայի որակավորման վերջին փուլում՝ Play-Off-ում, հայկական ակումբը պարտություն կրեց՝ դուրս մնալով խմբային փուլում մրցելու հնարավորությունից:
Այդուհանդերձ, Արարատ-Արմենիան հայկական միակ ակումբն էր, որ հաղթահարեց ԵԼ որակավորման փուլերը և խաղաց վերջին փուլում: Մյուս ակումբներն այդպիսի հնարավորություն չէին ունեցել՝ ավելի վաղ պարտվելով: Հիշեցնենք՝ Արարատն այս փուլի առաջին հանդիպման ժամանակ պարտության էր մատնել Դյուդելանժին, իսկ պատասխան հանդիպումն ավարտեց վերջնական հավասար արդյունքով՝ 3:3: Արդյունքում նշանակվեց լրացուցիչ ժամանակ, ապա՝ 11 մետրանոց հարվածներ:
Հայկական ակումբը հենց 11 մետրանոց հարվածներով պարտվեց՝ ընդամենը 1 գնդակի տարբերությամբ: Հազարավոր երկրպագուներ Հայաստանի և աշխարհի տարբեր հատվածներում սրտատրոփ սպասում էին հաղթանակի, որն այդպես էլ չարձանագրվեց:
Արարատ-Արմենիան, այսպիսով, չի մրցի ԵԼ խմբային մրցաշարում. որի վիճակահանությունն այսօր է կայանալու: Սակայն մենք դիտարկենք այն հաղթանակը, որն ի վերջո հայկական ֆուտբոլն արձանագրեց:
Նախ՝ Արարատ-Արմենիան անկախ Հայաստանի պատմության մեջ առաջին ակումբն էր, որ հաղթահարեց Եվրոպայի լիգայի որակավորման 3 փուլերը և ուժերը փորձեց վերջին փուլում: Ակումբի առաջընթացը նաև մեծ ոգևորություն է առաջացրել տնօրինության մոտ, ովքեր արդեն վստահ են, որ հաղթական-պատմական հաջողությունները հնարավոր է շարունակել:
Սոցցանցերի բազմաթիվ օգտատերեր նաև իրենց շնորհակալությունն են հայտնել Արարատին՝ մինչ այս հաղթանակներ տանելու, ինչպես նաև հայկական ֆուտբոլի մասին նոր կարծիք ձևավորելու համար:
Ակումբի մարզիչ Վարդան Մինասյանն էլ ուշադրություն է հրավիրել այն բանի վրա, որ առաջին տարվա համար սա գոհացուցիչ արդյունք էր, ու եթե դիտարկվի թիմի հետագիծը ԵԼ որակավորման փուլերում, ապա բարձր գնահատականը տեղին կլինի:
Քաղաքական մեկնաբան Հակոբ Բադալյանը, դժգոհելով հեռուստամեկնաբանների աշխատանքից, ակումբի պարտությունում կարևոր առավելություն է գտել:
Ինչպես երևում է ընդհանուր մեկնաբանություններից, ափսոսանքները քիչ չեն, սակայն հիմնականում բոլորը ոգևորված են ու արդեն չեն կասկածում հայկական ակումբների հաղթանակներին: Ուշագրավ է, որ օրեր անց Երևանում կայանալիք Հայաստան-Իտալիա հանդիպմանն արդեն բազմաթիվ երկրպագուներ են հետաքրքրությամբ սպասում՝ արդեն հաղթանակի սպասումով:
Ինչպես Արարատ-Արմենիայի մարզիչ Վարդան Մինասյանն է նշել, այս ընթացքը հնարավորություն է տալիս անելի համապատասխան վերլուծություն՝ հաջորդ խաղերին ավելի պատրաստված մասնակցելու համար:
Օգտատերերի մեկնաբանություններից երևում է, որ հայկական ֆուտբոլի մասին կարծրատիպը կոտրված է, ինչը մեծ ձեռքբերում է և ֆուտբոլիսներին նույնպես ոգեշնչող:
Հաղորդվում է, որ Արարատ-Արմենիան որակավորման փուլերում արդեն վաստակել է 1 մլն 80 հազար եվրո գումար, իսկ խմբային փուլ անցնելու դեպքում կստանար ևս 3 մլն եվրո: Բայց քանի որ չանցավ, ստացավ միայն 300 հազար եվրո, ինչը հայկական ֆուտբոլում նույնպես կարևոր էր՝ հետագա ներդրումներ անելու և գումար ծախսող ոլորտից գումար վաստակողի վերածվելու հեռանկարով:
Telegram 
Facebook 
Google News NASA-ի Parker Solar Probe սարքի տվյալներով գիտնականները պարզել են, որ արևային քամու մագնիսական տատանումների պտույտի ուղղությունը փոխվում է՝ կախված դիտարկվող մասշտաբից։ Արդյունքն օգնում է հասկանալ տիեզերական պլազմայի տուրբուլենտ վարքը և կարող է օգտակար լինել տիեզերական եղանակի մոդելավորման համար։
Էկվադորի Ամազոնիայում հայտնաբերված Taczanowskia waska սարդի մարմնի ելուստները սնկային գոյացություններ են հիշեցնում։ Հետազոտողների վարկածով՝ այդ նմանությունը կարող է օգնել նրան խուսափել գիշատիչներից կամ աննկատ որսալ։
Գերմանիայի Հելֆտա թագավորական նստավայրի պեղումներում հայտնաբերվել է X դարի քարե շենք՝ նկուղով և լավ պահպանված մուտքի աստիճաններով։ Դրա նշանակությունը դեռ պարզ չէ․ հնագետները քննարկում են հյուրատան կամ նստավայրի կառավարչի տան վարկածները։
Հայաստանի առողջապահության նախարարությունը պայմանական թույլտվություն է տվել ամերիկյան Agenus ընկերության Botvymo և Evamplix դեղամիջոցների համատեղ կիրառմանը՝ աղիների քաղցկեղի որոշակի տեսակի բուժման համար։ Ընկերության հաղորդմամբ՝ սա երկու դեղամիջոցների առաջին պաշտոնական գրանցումն է աշխարհում։
Գիտնականներն ուսումնասիրել են Սուրբ Հեղինե կղզում ապրող Ջոնաթան հսկա կրիայի գենոմն ու գեների ակտիվությունը կարգավորող քիմիական նշումները։ Ըստ գնահատականների՝ 194 տարեկան կենդանու մոտ հայտնաբերված որոշ առանձնահատկություններ կարող են առնչվել նրա երկարակեցությանը, սակայն այդ կապը դեռ ապացուցված չէ։
Էկվադորի Ամազոնիայում հայտնաբերված Taczanowskia waska սարդի մարմնի ելուստները սնկային գոյացություններ են հիշեցնում։ Հետազոտողների վարկածով՝ այդ նմանությունը կարող է օգնել նրան խուսափել գիշատիչներից կամ աննկատ որսալ։
Wildberries-ը Հայաստանում գործարկել է WB Taxi տաքսի ծառայությունը։ Առաջին փուլում ծառայությունը վաղ հասանելիության ռեժիմով աշխատում է Երևանում և հասանելի է ընկերության աշխատակիցների ու գործընկերների համար, սակայն նախատեսվում է աստիճանաբար ընդլայնել օգտատերերի շրջանակը։
Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։
Մի ինքնաթիռի հետևում երկար սպիտակ գիծ է ձգվում, իսկ մյուսի հետևում երկինքը մնում է պարզ։ Այս տարբերությունը պայմանավորված է օդի վիճակով և շարժիչների աշխատանքով, ոչ թե ինքնին ապացուցում է «թունավոր նյութերի ցրում»։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները