BMW-ն հսկայական «ռունգներով» կուպե է ներկայացրել

BMW 4 Series-ի նոր սերունդն արդեն գաղտնազերծված է: Ավտոմեքենան, որի դիզայնն արված է ապրանքանիշի մյուս մոդելների և հատկապես ֆլագմանային կուպե 8 Series-ի ոճով, բրենդի առաջին մեքենան է, որ ունի ռադիատորի հսկայական ճաղավանդակ: «Ռունգներն» այնքան են աճել այնքան, որ շարժիչի ծածկից ձգվում են մինչև դիմային բախարգելի ստորին հատվածը:

Կուպեն ներկայացվել է երկու տարբերակով՝ բազային և գործառույթային M թերակշռմամբ: Դրանք տարբերվում են թափքի ձևավորմամբ: Նոր սերունդն ավելի երկար է, նախորդից ավելի լայն, մեծացված է անվահիմքը, ծանրության կենտրոնն ավելի ներքև է, իսկ առանցքային հավասարակշռումը կատարելագործվել է (50:50), ինչը, ինժեներների խոսքով՝ դրականորեն է ազդել կառավարման վրա:

BMW 4 Series-ը շուկա դուրս կգա ուժային ագրեգատների 4 տարբերակներով: Հաճախորդներին կառաջարկեն 420d 190 ուժային դիզելային տարբերակը, ինչպես նաև 3 բենզինայինները՝ 180 ուժային 420i, 258՝ 430i, 374՝ M440i՝ հիբրիդային բաղադրությամբ 11 ուժային 48 վոլտային մեկնարկիչ-գեներատորով: Բոլոր շարժիչներն ունենալու են 8-աստիճան ինքնաշխատ փոխանցման տուփ:

BMW 3 Series-ի համեմատ վերակարգավորված են կախոցը և ղեկային կառավարումը, ընդարձակված են անվածիրները, փոփոխված է դիմային առանցքի անվաբացքը, ներդրված են ղեկային կառավարման նոր տարրեր, իսկ գործառույթի տեսքով հասանելի են ադապտային կախոցը, հետին դիֆերենցիալի արգելափակումն էլեկտրոնային կառավարմամբ, հզորացված արգելակները և այլն:

Նոր BMW 4 Series-ը Եվրոպայում վաճառքի կհանվի 2020թ. աշնանից: Ռուսաստանում գները տատանվելու են 3 130 000-ից մինչև 4 550 000 ռուբլու սահմաններում՝ կախված տարբերակից: