Ջոկերի մեմերը գրավել են սոցցանցերը. նա պարում է, ընկնում մեքենայի տակ, ծիծաղում հայտնիների ձայնով

Կարելի է վստահորեն ասել, որ «Ջոկեր» ֆիլմը վերջնականապես մուտք է գործել ժողովրդի մեջ. Ֆենիկսի դերակատարմամբ մեմերը լայն տարածում են ստացել:

«Ջոկեր» ֆիլմի թողարկումից առաջ ԱՄՆ-ում քննադատություններ են հնչել` մեղադրելով զանգվածային սպանությունները և բռնությունը ռոմանտիզացնելու մեջ: Ֆիլմի թողարկումը զգոնացրել է ոստիկանությանն ու կինոթատրոնները: Սակայն, չնայած քննադատների բացասական կարծիքներին, կինոնկարը ջերմորեն ընդունվել է օգտատերերի կողմից և ձեռք է բերել մեծ տարածում:

Ջոկերն ընդհանրապես մեմային կերպար է եղել, բայց Հոակին Ֆենիկսի կատարմամբ գերազանցել է նախորդներին, այդ թվում` Հիթ Լեդջերին: Ֆենիկսի կատարմամբ Ջոկերը դարձել է մեմերի հերոս դեռևս առաջին թրեյլերի ժամանակ: Պրեմիերայից երկու շաբաթ անց այն շարունակում է նոր շաբլոններ ձևավորել: Ներկայացվում են Բեթմենի գլխավոր թշնամուն վերաբերող հիմնական կատակները:

Ջոկերն ընկնում է մեքենայի տակ

Ապրիլ ամսին հրապարակվել է չարագույն մարդու մասին ֆիլմի առաջին թրեյլերը: Այն ժամանակ Reddit-ի օգտատերը մտածել է երկկադր մեմ. առաջինում Ջոկերը ելքի մոտ է կանգնած, իսկ մյուսում` ընկնում է մեքենայի տակ:

Շաբլոնը ներկայացնում է իրավիճակ, որում մեմի հերոսն ինքնավստահ է, բայց անկախատեսելի իրադարձությունները փոխում են կյանքը: Կատակը նաև ցույց է տալիս փոփոխված ծրագրերը կամ մի երևույթի առավելությունը մյուսի նկատմամբ:

Հոկտեմբերին կատակը դեռ շարունակում է հայտնվել «ВКонтакте»-ի խոշոր խմբերում:

Չնայած աշնան կողմ Reddit-ում շաբլոնը կորցրել է տարածվածությունը, հոկտեմբերի սկզբից այն կրկին վերականգնել է իր հեղինակությունը՝ հավելյալ կադրով: Օգտատերերը ֆորմատին ավելացրել են «Ֆիլադելֆիայում միշտ արևոտ է» սիթքոմի Դենիսի նկարը, ով ծիծաղում է և ասում. «Դու անխելք փչացած ես»:

Պարում է Պիտեր Պարկերի հետ

Մեմը ծնվել է @rahalarts օգտատիրոջ թվիթից հետո, ով Ջոկերի կադրին ավելացրել «Սարդ մարդը 3» ֆիլմի չար Թոբի Մագուայրի կադրը:

Մյուս օգտատերերը նոր կերպարներ են ավելացրել, ոմանք նաև պիտակներ են հնարել:

Կատակում արտահայտված են իրավիճակներ, որոնցում մեմի հերոսներն ուրախ են: Ջոկերը և Սարդ մարդը ստեղծել են պարագաներ, որոնք այս կամ այն պատճառով սկսել են շարժվել:

Թոք-շոուի ժամանակ

Ֆիլմի վերջին հատվածում Ջոկերը կրակում է թոք-շոուի հաղորդավար Մյուրրեյ Ֆրանկլինին, ում դերակատարը Ռոբերտ Դե Նիրոն է: Ֆենիկսը դրանից առաջ ասում է. «Դու կստանաս այն, ինչը, գրողը տանի, վաստակել ես»:

Սյուժեի վրա հիմնված կատակն ի հայտ է եկել հոկտեմբերի 6-ին` iFunny կայքում: Օգտատերը Ջոկերին «տեղադրել է» Ջիմմի Քիմմելի շոուի բազկաթոռին ու հետաքրքրվել, թե չարամիտն ինչ կարող է անել այս հաղորդմանը:

Հետագա օրերի ընթացքում այս ֆորմատը տարածվել է Instagram-ում: Օգտատերերը Ֆենիկսի հերոսին տեղադրել են տարբեր շոուներում՝ Ջո Ռոգանից մինչև Էրիկ Անդրե:

Կատակ է պատմում

Ֆիլմի դրվագներից մեկում Ջոկերն օրագրից կարդում է կատակ կնոջ մասին, ում որդուն մահացու վրաերթի է ենթարկում հարբած վարորդը: Հոկտեմբերի 7-ին iFunny-ի օգտատերը ջիֆ ֆորմատի նկար է հրապարակել, որը դարձել է դաժան կատակներից մեկը:

Նման է «Չեռնոբիլի» Դյատլովին

Համացանցում մեծ տարածում է ստացել «Feel Old Yet?» մեմի ձևափոխված տարբերակը, որտեղ Ջոկերին համեմատել են տարբեր հայտնիների հետ:

Ծիծաղում է հայտնիների ձայնով

Հոկտեմբերի 7-ին թվիթերյան @ryanheezy օգտատերը ֆիլմից հատված է տեղադել, որտեղ Ջոկերը գնում է միջանցքով և ծիծաղում է դերասան Սեթ Ռոգենի ձայնով:

Շուտով սոցցանցում ձայնը փոխարինել են տարբեր հայտնիների ձայներով:

Նայում է մեքենայի պատուհանից

Հոկտեմբերի 6-ին Թվիթերի օգտատերերից մեկը հրապարակել է կադր՝ վերոնշյալ Հիթ Լեդջերի նկարի հետ: Երկու հերոսներն էլ նայում են ոստիկանական մեքենայի հետևի պատուհանից, այդ պատճառով @_greys-ը որոշել է, որ Թոդ Ֆիլիպսն իր ֆիլմին «Մռայլ ասպետը» ֆիլմի հղումն է ավելացրել:

Համացանցում տարածվել է երկու Ջոկերների կադրը:

Մեմերի մեջ է հայտնվել նաև տխուր Ջոկերը:

Դժգոհում է բացասական մտքերից

Կինոնկարի վերջնական թրեյլերում Ֆենիկսի հերոսն արտաբերում է «Իմ բոլոր մտքերը բացասական են» արտահայտությունը: Համացանցում այս խոսքերը շաբլոն են դարձել մեմերի համար՝ տխրության ու հիասթափության:

Քարտը փոխանցում է ավտոբուսի ուղևորին

Ֆիլմի սյուժեի համաձայն՝ Ջոկերը տառապում է այնպիսի հիվանդությամբ, որն առաջացնում է ներվային ծիծաղի անկառավարելի նոպայով: Սկզբնական դրվագներից մեկում Արթուրը սկսում է ավտոբուսում ծիծաղել: Դրան ուշադրություն է դարձնում այն երեխայի մայրը, ում նա ցանկանում էր ծիծաղացնել: Ջոկերը կնոջը քարտ է փոխանցում, որտեղ պատմում է իր հիվանդության մասին: Համացանցում օգտատերերը փոխել են քարտի տեքստը:

Օգտատերերը փոփոխված տեքստում դժգոհել են աշխատանքային պայմաններից, քաղաքականությունից և այլն:

Էջանիշ

Պատճենել հղումը

Email

Տպել

Twitter

VK

Telegram