Սեուլում նոր բռնկման պատճառով 2 շաբաթով կրկին կփակեն թանգարանները, այգիներն ու պատկերասրահները
Հարավային Կորեայում ապրիլի սկզբից նկատվել էր կորոնավիրուսով վարակվածության դեպքերի նվազում՝ մայիսի սկզբին հասնելով օրական մինչև 2 նոր դեպքի: Սակայն մայիսի 28-ին մայրաքաղաքում 79 նոր դեպք է գրանցվել:
Մայիսի 28-ին Հարավային Կորեայում վերջին 2 ամսվա մեջ վարակվածության աննախադեպ թվով նոր դեպքեր են գրանցվել` 79: Այս հանգամանքն առողջապահական մարմիններին հարկադրել է սոցիալական հեռավորության առավել խիստ միջոցառումներ ձեռնարկել մայրաքաղաքում:
Հիվանդությունների վերահսկման և կանխարգելման կենտրոնը հաղորդել է, որ 79-ից 68-ը տեղային ծագում ունեն. գրեթե բոլոր դեպքերը գրանցվել են Սեուլում և հարակից շրջաններում: Հարավային Կորեայում Covid-19-ով վարակվածների ընդհանուր թիվը հասել 11344-ի: Մահացել են 269-ը: Ապրիլի սկզբից վարակվածների թիվն օրական աստիճանաբար նվազել է 80-90-ից մինչև 10-20: Մայիսի 6-ից հետո վարակվածների թիվը հասել է օրական 2-ի:
Նոր բռնկմանը զուգահեռ՝ հնչել են սոցիալական հեռավորության խիստ ռեժիմին վերադառնալու կոչեր: Առողջապահական մարմինները որոշել են մինչև հունիսի 14-ը խստացնել միջոցառումները մայրաքաղաք Սեուլում: Առողջապահության նախարարը բնակչությանը կոչ է արել զերծ մնալ որևէ հավաքներից կամ հանդիպումներից, խուսափել հանրային վայրեր, ռեստորաններ ու բարեր այցելելուց: Նա նշել է, որ հաջորդ երկու շաբաթները մայրաքաղաքային շրջանում ծայրահեղ ժամանակաշրջան են լինելու՝ վիրուսի հետագա տարածումը կանխարգելելու հարցում:
Մայիսի սկզբին Սեուլի Իթհևոն թաղամասի գիշերային ակումբներում ու բարերում կորոնավիրուսի տարածման պատճառով վարակվել է առնվազն 259 մարդ: Առկա են Covid-19-ի այլ զանգվածային օջախներ: Օրինակ` առնվազն 69 մարդ վարակվել է Coupang ընկերության պահեստում (Պուչխոն քաղաք, Քյոնգիդո նահանգ): Ներկայումս պահեստի ավելի քան 4 հազար աշխատակիցներ ու այցելուներ տան պայմաններում մեկուսացած են, առաջիկայում պետք է ստուգվի նրանց մոտ կորոնավիրուսի առկայության ստուգումը: Սպասվում է, որ վարակվածների թիվը կաճի:
Telegram 
Facebook 
Google News Գերմանիայի դաշնային հետախուզական ծառայության (BND) նախկին ղեկավար Ավգուստ Հանինգը, Der Spiegel-ի տվյալներով, գաղտնի փաստաթղթերի հիման վրա զեկույց է կազմել Ադրբեջանի հետախուզության ներկայացուցչի համար։ Քննությունը դեռ պարզում է՝ արդյոք այն հասել է հասցեատիրոջը։
Շաքիում կալանավորված Ադրբեջանի զինծառայող Նասիմի Մուսաևի նկատմամբ սկսված քննությունը կշարունակվի Հայաստանում։ Վարչապետ Նիկոլ Փաշինյանը հայտարարել է, որ այս միջադեպը չի կապվում Ադրբեջանում պահվող հայ գերիների հնարավոր փոխանակման հետ։
Վարչապետ Նիկոլ Փաշինյանի խոսքով՝ Amazon-ի հնարավոր ներդրումների համար անհրաժեշտ է շուրջօրյա կայուն էլեկտրամատակարարում։ Ընկերության պահանջը նա կապել է 1000 ՄՎտ հզորությամբ կայանի առկայության հետ։
Մի ինքնաթիռի հետևում երկար սպիտակ գիծ է ձգվում, իսկ մյուսի հետևում երկինքը մնում է պարզ։ Այս տարբերությունը պայմանավորված է օդի վիճակով և շարժիչների աշխատանքով, ոչ թե ինքնին ապացուցում է «թունավոր նյութերի ցրում»։
ՌԴ անվտանգության խորհրդի նախագահի տեղակալ Դմիտրի Մեդվեդևը քննադատել է Հայաստանի ղեկավարության արտաքին քաղաքականությունը։ Իրանի պետական հեռուստառադիոընկերությանը տված հարցազրույցում նա Հայաստանի համար ամենավտանգավոր սցենարն անվանել է «նոր Ուկրաինայի» վերածվելը։
Վարչապետ Նիկոլ Փաշինյանի որոշմամբ Դավիթ Սանամյանն ազատվել է Ազգային անվտանգության ծառայության տնօրենի տեղակալի պաշտոնից։ Հոկտեմբերի 5-ի որոշման մեջ պաշտոնանկության պատճառը չի նշվում։
Wildberries-ը Հայաստանում գործարկել է WB Taxi տաքսի ծառայությունը։ Առաջին փուլում ծառայությունը վաղ հասանելիության ռեժիմով աշխատում է Երևանում և հասանելի է ընկերության աշխատակիցների ու գործընկերների համար, սակայն նախատեսվում է աստիճանաբար ընդլայնել օգտատերերի շրջանակը։
Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։
2026 թվականի սեպտեմբերի 28-ին Starship-ն առաջին անգամ ուղեծրային թռիչք կատարեց՝ դառնալով մեկ արձակմամբ Երկրի ուղեծիր դուրս բերված ամենամեծ և ամենազանգվածեղ օբյեկտը։ Մոտ հիսուն մետր բարձրությամբ ու ինը մետր տրամագծով տիեզերանավի թռիչքն ուղեկցվեց տեխնիկական խնդիրներով, սակայն այն կարողացավ վերահսկելիորեն վերադառնալ Երկիր։ Արդյո՞ք սա նշանակում է, որ SpaceX-ը կհասցնի պատրաստվել NASA-ի՝ 2028 թվականի սեպտեմբերին նախատեսված լուսնային վայրէջքին։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները