Կանեփի արտադրությունն ԱՄՆ-ում նոր թափ է հավաքում. մարիխուանան՝ ուտելիքի, կոսմետիկայի և դեղերի մեջ

Մարիխուանայից հոգեմետ հատկություն չունեցող կանաբիդիոլի (ԿԲԴ) առանձնացումը թույլ է տալիս այն օգտագործել առանց թունավորման վտանգի: Դրա շնորհիվ արտադրողները կանեփին նոր նշանակություն են հաղորդել:

Կանեփն ամերիկյան սննդային արտադրությունում մեծ պահանջարկ ունի: Ներկայումս ԱՄՆ-ում անցկացվում են մարիխուանայից ուտելիքների պատրաստման դասընթացներ, հրատարակվում են խոհարարական կրքեր՝ կանեփով ուտեստների պատրաստման մասին: Դրանով արդեն հետաքրքրված են այլ ընկերություններ ևս:

Հարցն այն է, որ արտադրողները սովորել են իրարից առանձնացնել մարիխուանայի հիմնական քիմիական բաղադրիչները՝ տետրահիդրոկանաբինոլը (ՏՀԿ) և կանաբիդիոլը (ԿԲԴ): Եթե առաջինը հոգեմետ նշանակություն ունի, ապա ԿԲԴ-ն թեթևացնում է ցավը, նվազեցնում անհանգստությունը՝ առանց թմրանյութային հատկության:

ԿԲԴ-ի օգտագործման դեպքում թունավորման վտանգի բացակայությունը մարիխուանան ավելի գրավիչ է դարձրել: Օգտագործողները կարող են ձերբազատվել ցավից ու անհանգստությունից՝ շարունակելով բնականոն գործել:

ԿԲԴ-ի մի շարք օգտակար հատկություններ ապացուցված չեն գիտական հետազոտություններով: Քիչ գիտնականներ են հայտարարում, որ կանեփն ունակ է բուժել գլաուկոման, էպիլեփսիան և անհանգստությունը: Օգտագործողները պատրաստ են գնել ԿԲԴ պարունակող ամենատարբեր ապրանքներ՝ սնունդից սկսած մինչև կոսմետիկ պարագաներ՝ հույսով, որ դրա շնորհիվ կբուժվի անքնությունն ու գլխացավը:

ԱՄՆ-ում, որտեղ մարիխուանան օրինականացված է, այն պարունակող ապրանքների հաճախ կարելի է հանդիպել: Վերջին 4 տարիների ընթացքում ԿԲԴ-ի վաճառքն աճել 40%-ով: Խոշոր առևտրային ցանցերում վաճառվում են կանեփով մոմեր ու յուղ: Ռեստորաններում կարելի է գնել մարիխուանայով կոկտեյլ կամ սուրճ: Կոսմետիկ պարագաների խոշոր ընկերություններ, օրինակ՝ Sephora-ն, արտադրում են կանեփի յուղից պատրաստված կրեմ: Coca-Cola-ն պատրաստվում է արտադրել ԿԲԴ-ի հավելումով խմիչք:

Գիտական տվյալների անբավարարությունը չի խոչընդոտում ԿԲԴ-ով ապրանքների արտադրությանը, քանի որ այն մեծ պահանջարկ ունի:

Ընդ որում՝ Սննդամթերքի և բժշկական նյութերի որակի սանիտարական վերահսկման ամերիկյան գերատեսչությունը (FDA) և անկախ փորձագետներն իրենց անհանգստությունն են հայտնել: Որոշ ընկերություններ կանեփի պարունակությամբ ապրանքների չհիմնավորված արդյունավետության մասին հայտարարություններ են անում, իսկ շատերն էլ լցնում են ավելի քիչ ԿԲԴ, քան գրված է արտադրանքի նկարագրությունում՝ ապրանքը դարձնելով անօգուտ:

ԿԲԴ-ի օգտագործման ոլորտը կարգավորող օրենսդրությունը դեռևս նախնական փուլում է, այդ պատճառով էլ օգտագործողները տեղեկացված չեն, թե ինչ են գնում: Նախատեսվում է, որ շուտով կմշակվեն համապատասխան օրենքները: Նշվում է, որ այդ ընթացքում կանեփը կշարունակի տարածվել՝ գրավելով սննդամթերքի, բժշկության և կոսմետիկայի արտադրության ոլորտները:

Էջանիշ

Պատճենել հղումը

Email

Տպել

Twitter

VK

Telegram