Հայաստանում վերջին 24 ժամում Covid-19-ով վարակվածության 50 նոր դեպք է հաստատվել

Վերջին մեկ օրվա ընթացքում առողջացել է 26 մարդ: Մահվան նոր դեպք չի գրանցվել: Փաստացի բուժում են ստանում 840-ը:

Մինչ օրս ընդհանուր 15960 թեստ է արվել / © Սբ.Գր.Լուսավորիչ ԲԿ / Հեղինակ՝ անհայտ, լուսանկարը տրամադրել է օգտատերը

Ապրիլի 23-ի ժամը 11:00-ի դրությամբ Հայաստանում հաստատվել է կորոնավիրուսով վարակվածության 1523 դեպք՝ վերջին մեկ օրվա ընթացքում ավելանալով 50-ով:

Հաղորդվում է, որ նախորդ օրը կորոնավիրուսից մահվան դեպք չի գրանցվել:

Առողջացել է 26 մարդ: Ներկայումս փաստացի բուժում է ստանում 840 պացիենտ: Արսեն Թորոսյանը Կառավարության նիստի ժամանակ հայտարարել է, որ ծայրահեղ ծանր վիճակում 10 հոգի է, թոքաբորբով՝ մոտ 230 հոգի, արհեստական օդափոխությանը միացված է 5 հոգի: Նախարարը նշել է, որ նրանցից մեկը բավական երիտասարդ է՝ 27 տարեկան, ունի խրոնիկ բնածին ծանր հիվանդություն, և բժիշկներն ամեն ինչ անում են, որ իրավիճակը կայունացնեն (հույսեր կան):

https://www.facebook.com/nikol.pashinyan/videos/2937011073079512/

Կառավարության նիստ / © Նիկոլ Փաշինյան

Վերջին 24 ժամում կատարվել է ընդհանուր առմամբ 894 թեստավորում, որից 844-ը բացասական են եղել:

Նախարար Արսեն Թորոսյանն ավելի վաղ հայտնել էր, որ ծայրահեղ ծանր վիճակում եղած 3 պացիենտ բուժումից հետո դուրս են գրվել Օրթոպեդիայի և վնասվածքաբանության բժշկական կենտրոնից, որը զբաղվում է կորոնավիրուսային հիվանդության բուժմամբ։

https://www.facebook.com/ATorosyanOfficial/videos/162171371789338/

Նախարարը շնորհակալություն էր հայտնել կենտրոնի ողջ անձնակազմին՝ տքնաջան աշխատանքի համար։

Վրիպա՞կ գտաք։ Նշեք հատվածը և սեղմեք Ctrl + Enter։