Ըստ Forbes-ի՝ 5-ամյա Նաստյան ամենաբարձր վարձատրվող YouTube-բլոգերների ցանկում երրորդն է

Forbes ամսագիրը հրապարակել է ամենաբարձր վարձատրվող YouTube-բլոգերների վարկանիշային ցանկը: Երրորդ տեղը զբաղեցրել է Կրասնոդարի մարզից Նաստյա Ռաձինսկայան. 5 տարեկան աղջնակը տարեկան գնահատվել է 18 մլն դոլար:

Նաստյան իր հայրիկի հետ վարում է միաժամանակ մի քանի ալիք: Նրանք ընդհանուր առմամբ ունեն 107 մլն հետևորդ: Օրինակ՝ Like Nastya Vlog ալիքին հետևում է 42 մլն օգտատեր: Նաստյայի տեսահոլովակները թողարկվում են 7 լեզվով: 2018թ. բլոգերների ընտանիքը Ռուսաստանից տեղափոխվել է ԱՄՆ: 2020թ. լույս կտեսնի աղջնակի սեփական գիրքը, իսկ առայժմ, ինչպես հաղորդվում է, հովանավորների, այդ թվում և՝ Dannon-ի ու Legoland-ի կողմից ստանում է վեցանիշ կտրոններ:

Ամսագիրն ընդգծում է, որ նորածին Նաստյայի մոտ բժիշկներն ախտորոշել են մանկական ուղեղային կաթված (ДЦП): Ծնողները ստեղծել են YouTube-ալիք` բուժման արդյունքում երեխայի զարգացումը փաստագրելու նպատակով: Այսպես, հիմնական միջոցը տեսախցիկի առաջ աշխատելն է եղել:

Ամենաբարձր վարձատրվող YouTube-բլոգերների վարկանիշային ցանկում առաջինը յոթամյա Ռայան Քաջին է: Նրա եկամուտները տարեկան 26 մլն դոլար են:

Իսկ ընդհանուր առմամբ` վարկանիշային ցանկի առաջին տասնյակն այս տեսքն ունի.

1. Ռայան Քաջի — 26 մլն դոլար՝ տարեկան.
2. Dude Perfect — 20 մլն.
3. Անաստասիա Ռաձինսկայա — 18 մլն.
4. Rhett and Link — 17,5 մլն.
5. Ջեֆրի Սթար — 17 մլն.
6. Preston — 14 մլն.
7. PewDiePie — 13 մլն.
8. Markiplier — 13 մլն.
9. DanTDM — 12 մլն.
10. VanossGaming — 11,5 մլն:

Ռայանն այս ցանկում 2018թ. նույնպես առաջինն է եղել՝ 22 մլն դոլարով: Տեսանյութերից բացի` Քաջին արտադրում է խաղալիքներ ու հագուստ՝ սեփական բրենդի ներքո, ունի նաև հեռուստատեսային շոու:

Էջանիշ

Պատճենել հղումը

Email

Տպել

Twitter

VK

Telegram