Forbes պարբերականը ծավալուն հոդվածով պատմել է Հայաստանի մասին — Շեշտ.am (shesht.am)
3 րոպե
Խմբագրություն

Forbes պարբերականը ծավալուն հոդվածով պատմել է Հայաստանի մասին

Հեղինակը հայկական բարիքներից օգտվելու համար զբոսաշրջիկներին խորհուրդ է տալիս հարմարավետ կոշիկներ վերցնել՝ հաշվի առնելով Հայաստանի լեռնային պայմանները և եղանակային անակնկալները:

Շրջագայություն Սևանա լճից մինչև Կալավան / ©Forbes, Breanna Wilson

Հեղինակավոր Forbes պարբերականը Հայաստանի առանձնահատկությունների մասին ծավալուն հոդված է հրապարակել՝ անդրադառնալով Հայաստանում բնակավայրերին, հյուրանոցներին, մթերքին ու տեսարժան վայրերին:

Պարբերականի հոդվածագիր Բրեաննա Վիլսոնը նշել է, որ միայն Սևանա լիճ գնալով կարելի է պատկերացում կազմել հայաստանյան տեսարժան վայրերի այն գեղեցկության մասին, որն առաջարկվում է Հայաստան այցելող զբոսաշրջիկներին:

Հոդվածի հեղինակն ուշադրություն է հրավիրել Կալավանի, Գոշի, «Դիլիջան» ազգային արգելոցի աշնանային գեղեցկության վրա: Նրան հատկապես ոգևորել են տերևների գունառատությունն ու անընդհատ փոփոխվող տեսարանները:

Գոշավանք / ©Forbes, null GETTY

Պարբերականում հիշատակվում է հայերի հյուրասիրության, ինչպես նաև հայկական տնական օղու մասին: Հոդվածագիրը նկարագրել է նաև տեղի հյուրատները, որտեղ, ըստ նրա, զբոսաշրջիկը կարող է իրեն զգալ որպես հայկական իրականության մաս՝ ամբողջովին ներգրավվելով հայկական առօրյայի մեջ:

Հյուրատուն` Կալավանում / ©Forbes, GETTY

Բրեաննա Վիլսոնը առանձնահատուկ կերպով նկարագրել է հայկական խոհանոցը: Նրան հատկապես դուր են եկել պանրի տեսականին, տնական տոլման, թարմ և մաքուր բանջարեղենը, լավաշը:

Հյուրասիրություն՝ Խաչարձանի հյուրատանը / ©Forbes, Breanna Wilson

Լրագրողն ասում է, որ հայկական համեղ տոլման ճաշակելուց հետո հայերն անպայման կառաջարկեն ձմերուկ և սուրճ, փախլավա, որն ուտելիս ցանկանում ես լպստել մատներդ:

Հայաստանի լեռնային շրջաններում պետք է ունենալ համապատասխան կոշիկներ / ©Forbes, Breanna Wilson

Հեղինակն այս բարիքներից օգտվելու համար զբոսաշրջիկներին խորհուրդ է տալիս հարմարավետ կոշիկներ վերցնել՝ հաշվի առնելով Հայաստանի լեռնային պայմանները և եղանակային անակնկալները, որոնք տարվա այս եղանակին այստեղ սովորական երևույթ են:

Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

1 րոպե
Խմբագրություն

Հաղորդվում է, որ Իրանի հետ սահմանին Թուրքիան կենտրոնացրել է նաև ռմբակոծիչներ և Բայրաքթար անօդաչուներ:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.